الحمد لله بعت ال 301

**smsm2004w** · 15-03-2014 10:53 PM

المشاركة الأصلية كتبت بواسطة تامر.محمد

واضح ان الموضوع راحة نفسية صرف
كل النقط اللي حضرتك قلت عليها ما بين حاجات عادية في كل العربيات الجديدة و حاجات عادية في الاوروبي كله
باستثناء التوكيل

كل الاوروبي طلعته تقيلة
و بعض الياباني زي النيسان صني مثلا و مؤخرا الكورولا2014

عربيات جديدة كتير جدا مقدمتها كلها عبارة عن اكصدام
السيراتو2010 و الالنترا2012 و اللانسر شارك

طلبات حضرتك وتضح انها مختلفة شوية

sent from my gt-n7000 using forum runner

انا طلباتى مش مختلفة ولا حاجة انا كنت عارف ان العربية من غير اكصدام من قبل ما احجزها ودى مش دى المشكلة انا قفلت من العربية بعد التوكيل

المشاركة الأصلية كتبت بواسطة hossam99

كل ده حضرتك أكتشفتة في 90 كم يااااه
أنت حضرتك عاارف 90 كيلو متر دي يعني أيه يعني مشوار ساعة زمن
و كمان بعت العربيه في أسبوع و خدها تاجر و بتقول بطيئه في إعادة البيع
و أيه هي قطع الغيار اللي طلعت مختلفه في سعرها عن المعلن عنه من التوكيل
طيب يا ريت تفيدني بسعر طقم الكاتينه - و الطنابير الأماميه و سعر سير المحرك -قربة مياه - فلتر هوا - فلتر تكييف -تيل فرامل - فانوس أمامي - فانوس خلفي -

ربنا يوفقك

يا بيه انا الحمد لله متعرضتش للحاجات اللى حضرتك بتسأل عليها انا بقول قطع غيار العربية ملهاش بديل بره التوكيل يعنى غصب عنك هتتعامل مع التوكيل

المشاركة الأصلية كتبت بواسطة mahmed0100

طبعا الحمد لله علي كل حال و هي كلها حديد و كل يوم في جديد بيظهر تغيير و بيعجبنا حاجه و بنركب حاجه و هكذا…بس ليا تعليق

يا باشا انا مغير مرايا ب 700 جنيه و الغطا بتاعها 270 جنيه .. و ضريبه 10 %
لما اعرف ان مرايه الريو ب 2600 جنيه من خدمه العملا كيا .. ابوس ايدي اني راكب بيجو اوربي مش كوري و ان ده سعره
فانوس ب 1200 بالضريبه تقريبا و فيه تحكم في رفع مستوي الضوء .. و ب 1500 في هيونداي اكسنت يبقي انا راكب اوربي ببلاش
الكاوتش نازل في بيجو يا سمسم و مرسيدس ميشلان 16 195 55
يعني الالماني المحترم الجامد صاحب الاسم الذهبي في مصر :) بيستخدم نفس الكاوتش
لا يا سمسم انت حد بصلك في الموضوع و حسدك او معلش لعب في افكارك و وجههك غلط
اي عربيه اوتوماتيك سحبها بطئ يا شقيق .. و مش منتظر انك ترتاح من نقل رجلك علي الدبرياج المانيوال و كمان تاخد تجميع سرعه مع بعض .. صعبه الموازنه دي غير في المواتير التربو ربنا يرزقك و يرزقنا بيها :))

موضوع الكبوت الواطي من قدام و مفيش اكصدام
بص علي الالنترا القديمه و الانسر شارك و علي ال rb و علي البومه الماتركس .. و علي تصاميم ال bmw و المرسيدس الجديده .. هو ده توجه العصر يا سمسم .. نظام الاكصدام الحديد اللي بيتحمل الصدمات و بارز بره ده انتهي زمنه :)
انت معاك فرامل النهارده توقفك في 10 متر من سرعه 80 كيلو في الساعه الي 0
كل اللي محتاجه تسيب مسافه مع اللي قدامك و اللي وراك :) و نتمني ده يحصل

لكن ده مش يعيب العربيه
التوكيل .. انا معاك انك اول تجربه معاهم و اللي انت حكيته ده تهريج منهم و اساءه لنفسهم بس دي تجربه واحده

و مسافه 90 كيلو دي يا باشا .. قليله علي الحكم .. و مدام بعت لتاجر لازم حيقنعك انه اشتري منك بخساره و هو شغله يكسب منك و من اللي حيبيع ليه فلازم يحسسك ان سوقها نايم :) شغلته اللي بياكل منها عيش و الف مبروك البيع في اسبوع ( البيجو الفرنساوي اللي قطع غيارها نار و توكيلها وحش و تصميمها مش قد كده )

ربنا يرزقك بحاجه احسن و فكر كويس من راسك و دماغك المره دي .. و بلاش تدي ودنك لحد و اختار اللي انت ترتاح ليه مش اللي يريح السوق
و بالتوفيق يا كبير :)

انا مش معاك يا محمد فى الكلام ده بس مش كله منكرش ان العربية افضل من مثيلاتها فى الفئة السعرية بس الفرق بينها وبين الريو فى سعر المراية ده سعر توكيل لكن الريو ممكن تجيب المراية والفوانيس والأكصدام واى حاجة تفكر فيها من برة التوكيل وكلهم على بعض بسعر حاجة واحده من الحاجات اللى مكتوبة جوه التوكيل البيجو هل ممكن انك تستغنى عن التوكيل ؟ انا مش اول مرة اركب بيجو او اتعامل مع توكيل بيجو بس فى فرق جزرى حسيته فى العربية مش هى دى بيجو وبعدين التوكيل بجد لما يفك الطابلوة والكنترول بتاع العربية ووحدات الأيرباج علشان مش عارف انها ممكن تكون فيشة يبقى لما نخرج بره الضمان ونغير على حسابنا او يحصل مشكلة نتيجة خبطة وتكون فيشة بردة ويغيرلك كنترول ووحدات ايرباج والضفيرة بتاعة العربية على حسابك لأنه مش عارف انها فيشة وطبعآ مش هيقلك اللى هيتقال ليك ان الخبطة اثرت على الضفيرة والكنترول ووحدات الأير باج والحاجات التانية عرفت انا قفلت ليه

المشاركة الأصلية كتبت بواسطة ibrahiiimooo

معلش انا. كنت بتفرج بس على الموضوع بس استفزني تعليق في احد المشاركات ان الاوروبي ( فاشل) و ان. مفيش احسن من الهيونداي علشان هو مافيش زيه
بص يا سيدي الاوروبي يفضل هو الاوروبي بقوته و تسارعه و ثباته وبريستيجه و اللي بيحط الكوري ( مع كامل احترامي لملاكه) جنب الاوروبي في مقارانات يبقى غلطان و مش فاهم في العربيات
اما بالنسبة لل ٣٠١ فده مش حيبقى اول تعليق من النوعية دي عليها لان الناس اللي بتشتري العربية ما عندهاش فكرة كاملة عنها
ال٣٠١ عربية الغرض منها توفير عربية رخيصة قليلة التكنولوجيا و قليلة التكاليف و بمصاريف صيانة اقل من المعتاد للعربيات البيجو و ذلك لتوفيرها الى اسواق معينة (زي مصر و الشرق الاوسط) و بالتالي العربية برغم انها مميزة جدا في فتئها السعرية ( و ده مش عيب العربية ده. عيب السوق المصري)الا انها اقل بكثير في الجودة و الاداء من باقي سيارات الاسد الفرنسي العريق و اي واحد مش فاهم كويس الحقيقة دي حيجد العربية اقل بكثير من ماهو متوقع
ال٣٠١ في البيجو عامله بالضبط زي اللوجان بالنسبة للرينو ( لا يمكن ان تقارن مثلا بجودة الفلوانس و لا الميجان)

احنا عارفين يا باشا

المشاركة الأصلية كتبت بواسطة nonalaziza

والله مش عارفة ارد اقول ايه بس هي ارتياح في الاول و الآخر منكرش اني بجد ابتديت اقفل من العربيه.
بس بكره الكلام دا كله يروح بعد الاستلام

ان شاء الله تستلمى على خير يا نونا انا والله ما عايز حد يقفل من العربية انا بس اللى محستش العربية بصراحة رغم انى كنت متجنن عليها قبل ما استلمها وموضوع التوكيل اللى حصل فى اول 3 ايام من استلامى قفلنى منها

**amrelsaqqa** · 15-03-2014 10:58 PM

انت اتعاملت مع توكيل غمرة ولا ابو رواش ؟
يلا الحمد لله والمهم تكون مستريح وحاسس انك عملت الصح
بس هتجيب ايه بعدها ؟

**Ashraf Fawzy** · 15-03-2014 11:18 PM

المشاركة الأصلية كتبت بواسطة smsm2004w

ان شاء الله تستلمى على خير يا نونا انا والله ما عايز حد يقفل من العربية انا بس اللى محستش العربية بصراحة رغم انى كنت متجنن عليها قبل ما استلمها وموضوع التوكيل اللى حصل فى اول 3 ايام من استلامى قفلنى منها

ربنا يكون فى عونك, وفعلاً و للأسف التوكيلات فى مصر - عموماً و فى كل شئ مش العربيات بس - هى سبب من اسباب بؤس الناس فى حياتها فى مصر.

انا مريت بنفس المعاناة و ضاعت فرحتى بالعربية الجديدة فى اول 120 كيلو و 48 ساعة من إستلامها لما خرطوم مية الردياتير إتقطع لما فنى الرخصة زاح الخرطوم ناحية مروحة الردياتير, و لما روحت مركز ابو رواش اصروا إن ده مش خطأهم - و تحملت انا مصاريف النقل و الإصلاح - رغم إن كان عندهم علم بطبيعة المشكلة دى لحدوثها من قبل, وبالرغم من كده ماكلفوش خاطرهم - توكيل بيجو مصر - إنهم ينبهوا على العملاء من خلال معارض البيع و صفحات النت.

على العموم, الحمد لله على كل شئ, و اهم حاجه إنك تكون مستريح نفسياً للقرار اللى اخذته, و الخيرة فيما إختارها الله, وربنا يوفقك فى عملية الشراء المقبلة و يكتبلك فيها الخير و النفع.

**samyyousef** · 15-03-2014 11:45 PM

السلام عليكم

لا خلاف على أن اي عربية مهما كانت فئتها ...لا تخلو من عيوب

لكن لم أقرأ على هذا المنتدى بخصوص هذه العربية الا كل مزايا...و عندما كانت هناك مشاركات بخلاف المزايا كان يُتهم المشارك في بعض الحالات بسوء النية و اصطناع حساب لمحاربة السيارة!!!!!

لذلك لفت نظري و حرصت على قراءة هذا الموضوع من صاحبه ...فهو عضو قديم و ليس عضوية جديدة بالمنتدى و كان من المتحمسين لهذه السيارة..و قد شعرت من بين السطور حرصه على نقل تجربته و حياديته

و هو ما يشجعني على سؤاله عن عفشة هذه السيارة ..هل هي مريحة ام ناشفة...فهناك من وصفها بأنك لن تشعر بالمطبات الا من صوت السيارات السيارات الاخرى..و هناك من قال بغير ذلك...فلعل عدد الكيلومترات البسيط الذي قطعته يكون ساعدك على تكوين راي
تحياتي

**smsm2004w** · 16-03-2014 12:20 AM

المشاركة الأصلية كتبت بواسطة amrelsaqqa

انت اتعاملت مع توكيل غمرة ولا ابو رواش ؟
يلا الحمد لله والمهم تكون مستريح وحاسس انك عملت الصح
بس هتجيب ايه بعدها ؟

انا اتعاملت مع توكيل غمرة وعلى فكرة المهندسين هناك قمة الأحترام واخص بدة المهندس محمد مجدى والمهندس احمد والمهندس كريم والمهندس رمضان وطبعآ المهندس خالد رئيس المركز ناس محترمة جدآ وكانوا متضايقين علشان الموقف اللى حصل معايا فى العربية وخصوصآ انهم مكنوش لقيين حل للمشكلة رغم بساطتها وتعاملهم جيد بس انا اللى قفلنى من العربية الموقف نفسه والحمد لله انا مستريح جدآ بعد بيعها رغم الخسارة وبحمد ربنا انى قدرت احافظ عليها ال15 يوم من غير خدش ولسه مش مقرر نوع العربية اللى هجيبها بدور على عربية عملية وخصوصآ انا شغلى بيحتاج تنقل كتير من مكان الى مكان ( محامى ) فعايز حاجة مبقاش خايف عليها

**smsm2004w** · 16-03-2014 12:25 AM

المشاركة الأصلية كتبت بواسطة ashraf fawzy

ربنا يكون فى عونك, وفعلاً و للأسف التوكيلات فى مصر - عموماً و فى كل شئ مش العربيات بس - هى سبب من اسباب بؤس الناس فى حياتها فى مصر.

انا مريت بنفس المعاناة و ضاعت فرحتى بالعربية الجديدة فى اول 120 كيلو و 48 ساعة من إستلامها لما خرطوم مية الردياتير إتقطع لما فنى الرخصة زاح الخرطوم ناحية مروحة الردياتير, و لما روحت مركز ابو رواش اصروا إن ده مش خطأهم - و تحملت انا مصاريف النقل و الإصلاح - رغم إن كان عندهم علم بطبيعة المشكلة دى لحدوثها من قبل, وبالرغم من كده ماكلفوش خاطرهم - توكيل بيجو مصر - إنهم ينبهوا على العملاء من خلال معارض البيع و صفحات النت.

على العموم, الحمد لله على كل شئ, و اهم حاجه إنك تكون مستريح نفسياً للقرار اللى اخذته, و الخيرة فيما إختارها الله, وربنا يوفقك فى عملية الشراء المقبلة و يكتبلك فيها الخير و النفع.

الحمد لله على كل شئ ومتزعلش على موضوع الخرطوم انا لو كان حصل معايا مكنتش هزعل لأن الموضوع ده معرف من الأول بالرغم من ان ده احد العيوب اللى موجوده ولازم كان يبقى فى شبكة تفصل بين الخرطوم والمروحة وكان حصل مع ناس قبل كده اعتقد الزميل (مايو ) وقابلت واحد نفس المشكلة فى التوكيل ويارب ربنا يوفقنى انى اختار حاجة كويسة

**smsm2004w** · 16-03-2014 12:37 AM

المشاركة الأصلية كتبت بواسطة samyyousef

السلام عليكم

لا خلاف على أن اي عربية مهما كانت فئتها ...لا تخلو من عيوب

لكن لم أقرأ على هذا المنتدى بخصوص هذه العربية الا كل مزايا...و عندما كانت هناك مشاركات بخلاف المزايا كان يُتهم المشارك في بعض الحالات بسوء النية و اصطناع حساب لمحاربة السيارة!!!!!

لذلك لفت نظري و حرصت على قراءة هذا الموضوع من صاحبه ...فهو عضو قديم و ليس عضوية جديدة بالمنتدى و كان من المتحمسين لهذه السيارة..و قد شعرت من بين السطور حرصه على نقل تجربته و حياديته

و هو ما يشجعني على سؤاله عن عفشة هذه السيارة ..هل هي مريحة ام ناشفة...فهناك من وصفها بأنك لن تشعر بالمطبات الا من صوت السيارات السيارات الاخرى..و هناك من قال بغير ذلك...فلعل عدد الكيلومترات البسيط الذي قطعته يكون ساعدك على تكوين راي
تحياتي

عفشة السيارة عادية مش ناعمة ومش ناشفة بس بتحس بالنقر والمطبات مكنش فيها حاجة بتدب او بترزع او بتهبد بس مش زى اليابانى فى العفشة اليابانى انعم بكتير وبعض الكورى صوت موتور السيارة عالى بالنسبة لليابانى والكورى الخامات الداخلية افضل من الكورى وافضل من النيسان صنى اذا اعتبرناها يابانى التسارع فى العربية بطئ ويزيد بزيادة ال ار بى ام وصوت عالى و فى صوت هوا او ونه بتبدآ على سرعة 100 كم فى الساعة رغم ان مش مركب الأريال من الأخر السيارة جيدة بالنسبة للفئة السعرية بتاعتها

**kar!m** · 16-03-2014 12:49 AM

هو الموضوع راحه شخصية .. و لولا اختلاف الأذواق لبارت السلع.
و ربنا يوفقك للأفضل.

**smsm2004w** · 16-03-2014 01:10 AM

المشاركة الأصلية كتبت بواسطة kar!m

هو الموضوع راحه شخصية .. و لولا اختلاف الأذواق لبارت السلع.
و ربنا يوفقك للأفضل.

اللهم امين

**haithamdarwish** · 16-03-2014 01:36 AM

المشاركة الأصلية كتبت بواسطة mahmed0100

طبعا الحمد لله علي كل حال و هي كلها حديد و كل يوم في جديد بيظهر تغيير و بيعجبنا حاجه و بنركب حاجه و هكذا…بس ليا تعليق

يا باشا انا مغير مرايا ب 700 جنيه و الغطا بتاعها 270 جنيه .. و ضريبه 10 %
لما اعرف ان مرايه الريو ب 2600 جنيه من خدمه العملا كيا .. ابوس ايدي اني راكب بيجو اوربي مش كوري و ان ده سعره
فانوس ب 1200 بالضريبه تقريبا و فيه تحكم في رفع مستوي الضوء .. و ب 1500 في هيونداي اكسنت يبقي انا راكب اوربي ببلاش
الكاوتش نازل في بيجو يا سمسم و مرسيدس ميشلان 16 195 55
يعني الالماني المحترم الجامد صاحب الاسم الذهبي في مصر :) بيستخدم نفس الكاوتش
لا يا سمسم انت حد بصلك في الموضوع و حسدك او معلش لعب في افكارك و وجههك غلط
اي عربيه اوتوماتيك سحبها بطئ يا شقيق .. و مش منتظر انك ترتاح من نقل رجلك علي الدبرياج المانيوال و كمان تاخد تجميع سرعه مع بعض .. صعبه الموازنه دي غير في المواتير التربو ربنا يرزقك و يرزقنا بيها :))

موضوع الكبوت الواطي من قدام و مفيش اكصدام
بص علي الالنترا القديمه و الانسر شارك و علي ال rb و علي البومه الماتركس .. و علي تصاميم ال bmw و المرسيدس الجديده .. هو ده توجه العصر يا سمسم .. نظام الاكصدام الحديد اللي بيتحمل الصدمات و بارز بره ده انتهي زمنه :)
انت معاك فرامل النهارده توقفك في 10 متر من سرعه 80 كيلو في الساعه الي 0
كل اللي محتاجه تسيب مسافه مع اللي قدامك و اللي وراك :) و نتمني ده يحصل

لكن ده مش يعيب العربيه
التوكيل .. انا معاك انك اول تجربه معاهم و اللي انت حكيته ده تهريج منهم و اساءه لنفسهم بس دي تجربه واحده

و مسافه 90 كيلو دي يا باشا .. قليله علي الحكم .. و مدام بعت لتاجر لازم حيقنعك انه اشتري منك بخساره و هو شغله يكسب منك و من اللي حيبيع ليه فلازم يحسسك ان سوقها نايم :) شغلته اللي بياكل منها عيش و الف مبروك البيع في اسبوع ( البيجو الفرنساوي اللي قطع غيارها نار و توكيلها وحش و تصميمها مش قد كده )

ربنا يرزقك بحاجه احسن و فكر كويس من راسك و دماغك المره دي .. و بلاش تدي ودنك لحد و اختار اللي انت ترتاح ليه مش اللي يريح السوق
و بالتوفيق يا كبير :)