ياريت حضرتك تفيدنا وتقولنا طقم الشمبر التكلفه النهائية كام من مصنعية وقطع غيار عشان فعلا في اسعار بسمعها مرتفعه جدا
عرض للطباعة
حضرتك عندك حق بس دول مش اصلي ده نوع بيعملو كرتونه وبيحفرو عليه ياباني لكن هو مش ياباني لكن سعر فلتر الهواء 100 وفلتر البنزين 60 من وده سعر الياباني الاصلي من التوكيل
بص يا سيدى الشمبر انا اشتريتة اول مرة ب250 جنية وغيرت طقم صباب تمنة 250 جنية والخراط اخد 100 جنية وكاوتش صباب ب 50 جنية وجونات حوالى 75 جنية وسيلكون وجملاكا ب 25 جنية ومصنعية المكنيكى 350 جنية انما تانى مرة جبت الشمبر ب 120 جنية من ملك الشنامبر فى وسط البلد والجونات والسيلكون والجملاكا نفس السعر والمكنيكى مديتوش فلوس علشان دي غلطتة
السلام عليكم. انا كنت حابب انقلكم تجربتى مع الفرامل. انا الفرامل كانت ضعيفة شوية عندى وكان التيل الامامى بيخلص بسرعة فرحت لواحد بتاع فرامل فى الاسكندرية كان تحليله للموضوع ان الفرامل الخلفية ضغط الزيت عليها ضعيف ولذلك التيل مبيخلصش وجرب العربية قدامى وداس فرامل جامد لقيت العجل اللى قدام وقف والعجل اللى ورا ماشى مع نفسه لحد ما العربية وقفت. تم تغيير موزع زيب الفرامل اللى بيبقى فى صدر العربيىة اللى بيدخله ماسورتين زيت ويخرج منه 4 والموزع الجديد احسن من الاصلى لانه بيتفك بصامولتين من تحت ويتنضعف على عكس الاصلى بتاع العربية. وغيرت تيل امامى وتيل خلفى بالمرة ونزلت الزيت كله وغيرت الجلدتين اللى هما على الماستر الخلفى داخل الطنبورة لانهم كانو معرقين زيت. النتيجة: الفرامل اقوى بكتييير جدا ويمكن الفرق بينها وبين فرامل العربيات الجديدة قوة ضغطتك على الدواسة بس لكن قوة الفرملة حلوة جدا ولله الحمد