استعنا علي الشقا بالله انا قرت اشد العربية عفشة وكراسي وتكييف وكهرباء ادعولي ربنا يقويني وانا فاتح باب التبرعات للمساعدة:36_7_4[1]:
عرض للطباعة
استعنا علي الشقا بالله انا قرت اشد العربية عفشة وكراسي وتكييف وكهرباء ادعولي ربنا يقويني وانا فاتح باب التبرعات للمساعدة:36_7_4[1]:
بعد تغيير المساعدين الحمد لله العربيه تمام وبقت احسن كتير
لكن حسيت انها وطيت اكتر من ورا بمعني انها بقت تحك في مطبات مكانتش بتحك فيها
حروح لوحيد اخليه يركبلي علايات مع اني مش من انصار الموضوع ده
هل من اقتراحات بخصوص العلايات؟
السلام عليكم اهل المنتدي الكرام
انا الحمد لله عملت طقم شمبر والحمد لله كلفني مصنعية وقطع غيار 600 جنيه وكان فيه حاجات كده في الموتور الشواكيش بتاعت الماتور غيرتها الاربع شوكيش استيراد ب جنيه 120 من الوكالة عشان كان عندي بلية الشاكوش مش ثابته فاكانت بتعمل صوت تخبيط في الموتور وكمان غيرت ماسورة المياه 105 جنيه والحمد لله العربية بقيت افضل بفضل الله
هى الفيشة دى اسمها حساس ال tps ؟ وسؤال تانى معلش ... انا حاسس انا العداد بتاع الكيلومترات بيمشى بسرعة وكمان العربية بتاكل بنزين ... وزى ماقولت لحضرتك يادكتور انا لسه شاريها مستعملة .. وكنت بفكر انزل القاهرة لحد يبصلى عليها ويظبطها .. هى فيها مكنة ١٣٠٠ وانا بفكر احطلها ١٥٠٠ ٢ كامة .. ايه راى حضرتك ؟؟
حساس ال tps ده بيكون موجود في منظومة تغذية البنزين في العربيات الإنجيكشن تقريبا مش عندنا في الكربراتير ده على حد ظني ... لأنه مسئول عن زيادة البنزين لما تضغط زياده على الدواسة فالعربية تسحب معاك ...عندنا في الكربراتير فيه خزنة بعوامة لما تزود الضغط بتفتح صمام بنزين إضافي يخلى العربية تسحب معاك لما تدوس بنزين جامد فأظن مش شغال الموضوع ده بحساس إنما بشكل ميكانيكي على ما أعتقد...
عداد السرعة بيمشي بسرعة هو والعربية ولا لوحده؟ ...يعني سرعته متناسبة مع سرعة العربية ولا لأ؟
لو مش متناسبة هتحتاج عداد جديد لأن العداد ده ما بيتصلحش ... هتلاقية عند بتوع الاستيراد في حدود 200 وتجيبه مزود ب RPM ....
بتاكل بنزين يبقى محتاج تراجع الكربراتير والسلانسيه وضبط الاسبراتير عند ميكانيكي شاطر جدا أو تروح التوكيل في عبد الخالق ثروت يعمل لك ضبط موتور..
موضوع تغيير الماكينة ده لو موتورك معدوم ولا ينفع فيه الإصلاح أو محتاج مصاريف كثيرة ... وطبعا لو عايز تريح دماغك من موضوع الكربراتير وسنينه و, العربية عاملة كيلو متر كثير وآن أوان تغيير الموتور...والإخوة في المنتدى كفوا الموضوع ده بحثا وطبعا لو ما فيش مشكلة في الفلوس هتكون ريحت دماغك من مشاكل الموتور والفتيس إلى غالبا هتواجهها في عربية مستعملة زي دي مطلوبة في السوق وحركتها كتيره يعني بتنتقل لملاك كتير في فترات قصيرة..
تحياتي وتحت أمر حضرتك
رجع سوستك القديمه تانياقتباس:
المشاركة الأصلية كتبت بواسطة m_adeleid
Sent from my GT-I9300 using Forum Runner