المشاركة الأصلية كتبت بواسطة m_adeleid
السلام عليكم
وحشتوني جدا يا جماعه وانا اسف اني مقصر ومش بشارك بقالي فتره.....
انا محمد عادل علشان الأخوه اللي متشرفتش بمعرفتهم لسا يعرفوني
رحت بورسعيد يوم السبت اللي فات .....جه الموضوع كده فجأه بدون ترتيب ...كنت رايح مع صديق ليا معاق نشوف عربيه ليه في هيئه الأسثمار وقلت بالمره اشوف حجات ليا علشان بقالي كتييييير معملتش ايحاجه في العربيه لحد مابقت تصعب علي الكافر
قلت اعمل طنابير ورا سكاكين واقلب العربيه كلها glx
المهم......كنت متابع مع جرجاوي بيه ومصطفي بيه وربنا يكرمهم كالعاده فادوني جدا في كل حاجه ودلوني علي محل اختراع اسمه
نور الأسلام (الشهير بالكحكي)
بورسعيد-بنك الأسكان-عماره73-بجوار مسجد الأمام مالك
01229946952-012283212243
جبت من عنده ايه بقي
- 2جنب سكاكين كاملين (كل جنب بال 2 شداد بتوعه) 300
- 4 مساعدين بالسوست والبطاحات 600
- قطمه ميراج كامله 150
(طاره ثلاثيه بأيرباج,2دراع نور ومساحات,كونتاكت بينور)
- كونسول glxوحامل اكواب 150
- عداد ار بي ام 150
- سبويلر بالأستوب 150
- 2 مرايه كهربا و ضم +الزرار +الغطاء الداخلي 350
- زرار شبوره 50
- فرش شنطه كامل(اداني فرش للأرضيه هديه) 300
- فرش ابواب بالمكن+الضفيره+الزراير 600
دي الأسعار بعد الفصال في الحجات و انا مش بفاصل اصلا ولا بعرف يعني لو حد تاني طبعا حيجيب بأسعار احسن كمان وبعد الأجمالي عملي خصم 150ج
وبدأت رحله التركيب من تاني
ركبت بنفسي العداد والكونسول و حامل الأكواب والعداد طلع عامل 147840 كم
وكنت مرتب مع مصطفي باشا علشان نروح للعفشجي بتاعه(وحيد اللي في عين شمس) والله يكرمه مصطفي ويديله الصحه يارب مسابنيش ثانيه و فضل معايا من الساعه 4 لحد 10ونص تعبته جدا ويارب اقدر علي رد شويه من اللي بيعمله معايا هوا و جرجاوي
ركبنا المساعدين ورا وقدام
وجينا نركب الجناب السكاكين لقينا المقص الكبير اللي بيمسك في الطنبوره اكبر من اللي راكب عندنا فألأخرام مش مقابسه قدام بعض
طبعا اتنكدت وقعدنا ندور علي حلول ومصطفي كلم جرجاوي و كان بيشوف من جهته و مصطفي كلم واخد بتاع قطع غيار في الحرفيين اسمه احمد نصر لقي عنده الجنيسن لوحدهم ب 500 ولو بالمقص الكبير 600 و طبعا من غير الشدادات
انا سمعت بالمقص و من غير المقص دي وطقت في دماغي فكره........
طالما بيبيع من غير المقص يعني ااطنابير ممكن تتفك و نركبها من غير المقص اللي طلع طويل علي نفس مقصنا
وحيد قال بتاع الفرامل هوا اللي يفيدكو ويقول ينفع ولا لأ......
ربيع بتاع الفرامل ده برضو طلع كويس جدا كان جه في اول الشغل علشان يعرف الصنايعيه عند وحيد هوا عاوزهم يعملو ايه في سلوك فرامل اليد و يفكوا منين وكدا(قبل ما نعرف ان الجنبين مش نافعين)وعجبوا الجنبين جداا وشكر فيهم قوي
اما رحناله وحكيناله ان المقص طلع اطول زعل قوي و قلتله فكرتي قالي نحل و نجرب
فضل يحلالطنبوره السكينه و الطنبوره العاديه ويقارن ويمحص ويفحص ويفحص لحد ما لقا الفتحات واحده والمقاس واحد وقال حتنفع
طبعا انا فرحت جدا و كان في بالي ان مش مهم المقص خالص احنا كل اللي يهمنا فيه الجلبه بتاعته و كدا كدا حناخدها ونرمي المقص
خلصنا عند ربيع طلعنا علي ياسر و ده اشهر بتاع زوايا في المنطقه و دايما زحمه و مش سهال الضبط عنده
مصطفي الله يكرمه سبقني وخجز مكان بعربيته علشان الوقت و انا حصلته مع بتاع الفرامل واخنا بنجرب
ظبط زوايا ورا وقدام وخليته يحل التاره الثلاثيه من القطمه ويركبهالي بدل العاديه لأانها كانت صعبه في فكها قوي
وبكده خلصنا اليوم وخلصنا خالص و كل ده ومصطفي معايا و سابقني في كل خطوه و كمان جابلي السوست بتاعه الشنطه وركبهالي وطلعت غلسه قوي في تركيبها
المصاريف:
2 بيضه دركسيون استيراد 50
مصنعيه وحيد 70
2خرطوم فرامل ايطالي 60
زيت فرامل +صواميل 20
مصنعيه ربيع 40
زوايا ورا وقدام 50
وبكدا يبقي خلصنا العفشه وناقص مرحله الكهربا وربنا يسهل
طولت عليكم انا اسف بس كنت عاوز افيدكو واعرفكوا كل حاجه عسي ده يشفعلي شويه تقصيري الفتره اللي فاتت