رابطة مالكي الكريستالة..لانسر 1996 - 2000

**memo200545** · 03-03-2014 05:20 PM

المشاركة الأصلية كتبت بواسطة mohamed thabet

في حد سمع عن واحد اسمه ابراهيم بتاع كربراتير في شبرا لو حد جرب شغله يعرفنا

انا روحتله بس انا مكانشي عندي مشكله كان السخان بايظ بس معرفش يصلحه ومعاملته تروح تعامل رئيس الجمهورية ولا متعاملهوش

**ابوالقاسم احمد** · 03-03-2014 09:52 PM

السلام عليكم ورحمة الله عندى سيارة لانسر كريستالة 99 والسخان مبيشتغلش فمحتاج اشترى كربراتير استيراد فلو سمحتم عاوز اعرف سعره كام ومنين اشترية وهل يوجد منه جديد وكام السعر والف شكر للجميع

**د.أبونضال** · 03-03-2014 11:04 PM

المشاركة الأصلية كتبت بواسطة ابوالقاسم احمد

السلام عليكم ورحمة الله عندى سيارة لانسر كريستالة 99 والسخان مبيشتغلش فمحتاج اشترى كربراتير استيراد فلو سمحتم عاوز اعرف سعره كام ومنين اشترية وهل يوجد منه جديد وكام السعر والف شكر للجميع

السخان ما بيشتغلش ده عيب ممكن يتصلح وما يستاهلش تغيير الكاربراتير .... غالبا بتكون طبة المياه مسدودة لأن الزئبق اللي فيها بينشف ويتحجر ، فحاول تروح لحد شاطر يصلحه لك لأن أغلب الصنيعية اليومين دول بقوا فك وتركيب بس وخصوصا لأن أغلب الزباين بتسيب لهم قطع الغيار المخلوعة وبيبيعوها غالية جدا بأكثر من ثمن المصنعية بكتير ....
عموما الكاربراتير ده لا يوجد منه جديد ولا استيراد والموجود خلع من مواتير باعها أصحابها لتجار المستعمل وهما بيسقطوا مواتير جديدة وثمنه من 900 إلى ألف جنيه انت وشطارتك....

**ابوالقاسم احمد** · 03-03-2014 11:17 PM

الف شكر على الرد دكتور ابو نضال انا من الفيوم ممكن ترشحلى ميكانيكى كويس فى القاهرة اصلح السخان عندة و وجزاك الله كل خير

**د.أبونضال** · 03-03-2014 11:51 PM

فيه أعضاء كثير هنا وعلى الفيس بيشكروا في الأسطى رمضان الأسواني

المشاركة الأصلية كتبت بواسطة michaellancer

من حوالي يومين رحت لرمضان الاسواني اللي ورا اشرفكو العرب و ضبط لي الكاربراتير و عمل لي التشوك بتاعه و دي المفاجأه انه اشتغل مع العلم اني وديته لناس كتييير جدا و لكن رمضان عمله و بصراحه و دي شهادة حق يوضع سره في اصغر خلقه و كمان الدنيا هاتتظبط لما يجيب الجهاز و كنت براجع عنده النهارده و كان بيتفق علي واحد .نصيحه لكل الجماعة اللي في الرابطه لو في حد عنده مشكله في الكاربراتير عليه و علي رمضان الاسواني و ربنا يبارك لك يا احمد يا شديد اوي و يطمنك علي الامورة الصغيرة. لكن عندي استفسار انا داخل علي موضوع تسيقط هل يجوز اسقط بلوك 1500 cc مكان البلوك ال 1300 مع الاحتفاظ ببقية مكونات الماتور ال 1300 مع العلم ان العربيه مانيوال كاربراتير ارجو من حضرتكم الرد سريعا و شكرا .

وعنوانه

المشاركة الأصلية كتبت بواسطة michaellancer

جسر السويس خلف محطة العرب شارع عزيز المصرى خلف اشرفكو

تحياتي

**yahiazakarya** · 04-03-2014 05:48 PM

لو سمحت يا رجاله انا معايا كريستاله و الفانوس اليمين فيشنو بتعلق لو دوست عليها جامد بينور و لو افلت الكابوت بتتحرك فا الفانوس بيضلم تاني و عايز اسبتها موقتا لحد ماروح لكهربائي اي حد ممكن يقولي اعملها ازاي؟؟ شكرا

**MOHAMED THABET** · 04-03-2014 07:31 PM

عندي العربيه بعد ما تسخن واروح بيها مشوار اجي ابطلها تاني علطول تغيب سنه في الدواره ممكن يكون من ايه ولكم الشكر

**husseinsalah** · 05-03-2014 09:03 AM

المشاركة الأصلية كتبت بواسطة ابوالقاسم احمد

السلام عليكم ورحمة الله عندى سيارة لانسر كريستالة 99 والسخان مبيشتغلش فمحتاج اشترى كربراتير استيراد فلو سمحتم عاوز اعرف سعره كام ومنين اشترية وهل يوجد منه جديد وكام السعر والف شكر للجميع

فى واحد بتاع استيراد كان قالى انة عندة كربراتير جديد خلع موتور لتحويلة لانجكشن بس تمنة الف جنية