الموضوع: رابطة مالكي الكريستالة..لانسر 1996 - 2000

المشاركة الأصلية كتبت بواسطة kemo_nagy

يا جماعة انا عندى لمبة البنزين مش بتنور و غيرتها و بردو مش عايزة تنور حتى لما أجى اعمل الكونتاكت على وضع التشغيل عشان اشوف المبات المنورة هى مش منورة مش عارف دة من أية هل هو عيييب عوامة ولا أية ؟؟؟كمان انا ملاحظ حاجة غريبة ليييية كل العربيات اول لما تيجيى تبطل عداد البنزين ينزل للصفر لكن فى الكريستالة لما تيجى تبطل العداد بيفضل ثابت على قرايتة هل هى كدة ولا دى مشكلة عوامة؟سؤال تانى لما فكيت التابلوه لقيت كام لمبة مش محطوطة ماكنهم فاضى و لما حطيط لمبات ماحصلش حاجة وبصراحة ماعرفش دول كانو بتوع اية؟انا كل اللى بينور عندى لمبة الزيت و البطارية و لمبة الباب و النور العالى بس هل فى حاجة تانية المفروض تنور ولا هما دول بس ...انا عربيتى لانسر كريستالة 99 مانيوال
والف شكر

فعلا عداد البنزين مابينزلش لما تبطل
وبالنسبه للمبات اللي انت حطيتها ومالهاش لزمه فا بيكونو بتوع السخان والأيرباج والفوجات وحاجات كتير في الكماليات فا طبيعي مش هيشتغلوا
بس اللي المفروض يشتغلوا معاك هما :
النور العالي - الأشارات - الباب - الحزام - والزيت - البطاريه - الفرامل يد

المشاركة الأصلية كتبت بواسطة mazgangy

انا بحط بنزين 92 وجربت من كذا بنزينه وغيرت فيلتر البنزين والهواء والزيت وغيرت زيت ونظفت الكاربرتير وظبط الماتور وكل ده فى التوكيل ومش عارف العيب من ايه وخلاص قربت اتجنن

انا العيب ده بيظهر عندي لما بحط بنزين 80
او ابطل العربيه وانا مشغل المكييف
بس العيب ده ممكن يكون من الكهربا عندك عموما ارجعلهم تاني مدام لسه قدامك فتره تجربه

المشاركة الأصلية كتبت بواسطة mazgangy

منين اجيب سبويلر للكريستاله وهل لازم اخرم فى الشنطه والا لا وهل يركب عليها سبويلر البومه والا لا وياريت سعر بتاع الكريستاله وبتاع البومه ومنين اجيبهم وشكرااا ليكم

اولا لازم طبعا تخرم في الشنطه
وانا مش عارف بتاع البومه ممكن ولا لأ بس ممكن تقيس الشنطه وانت بتشتري الأسبويلر قيسه وشوفه هييجي ولا لأ
وبالنسبه انك تجيبه منين فا هتلاقيه في التوفيقيه بحوالي 40 جنيه

المشاركة الأصلية كتبت بواسطة saifsaadmohamed

العربية لما باخد مطب عادى جدا بحس بخبطة زيادة ورا يمين
ده يبقى ايه؟

لازم واحد بتاع عفشه يبص عليها علشان الخبط ليه مليون سبب
بس أتأكد ان مافيش حاجه في الشنطه سايبه