الموضوع: رابطة مالكي الكريستالة..لانسر 1996 - 2000

المشاركة الأصلية كتبت بواسطة hema_lancer

نرجع تاني ونمسك كل موتور بمميزاته وعيوبه بأسلوب عام وليس اسلوب علمي
يعني هتكلم بلغه السوق علشان الكلام يكون واضح صح
المواتير المتاحه لدينا
مايفك 1600
عادي 1500 2 كامه
عادي 1500 كامه واحده
عادي 1600 كامه واحده
يوجد ايضا 1800 و 2400 بس دول هنستبعدهم علشان الترخيص

1- مايفك 1600 :
مميزات : موتور جبار مالوش حل هيخلي العربيه حاجه تانيه هتبقي صاروخ ارض جو ومتور حمال قاسيه لأقصي حد موتور يتقال بالدهب زي ما بيقولو
العيوب : يحتاج تعديل في العفشه الاماميه وذلك لثقل وزنه
قطع غياره قليله ولو لقيتها هتكون غاليه علشان هو قليل واللي عنده عارف ان اللي مسقطه ده مايهموش فلوس
بيستخدم بنزين 95 هتقولي طيب ما نحط 92 هقولك عادي مش هيحصل حاجه بس انت كده فقدت كامل قوه الموتور يبقي انت كده بتموت الموتور وبقي فلوس فس الأرض
لأني زي ماقلت الموتور ده عايز واحد دماغه تعديل وعامل الفلوس بالنسباله اخر تفكيره

2- عادي 1500 كامه واحده:
لا يحتاج نقاش زي قلته وسط الوحوش الاخرين

3- عادي 1500 2 كامه
مميزات : موتور قوي بغباء وعزمه قوي جدا جدا من الاخر طياره ممكن نقول مساوي لموتور الفيرنا ال 1600
لا يحتاج لتعديل في العفشه
عيوبه : قطع غياره هي متوفره بس قليل بس من الواضح انها ابتدت تبقي موجوده عكس زمان وده يرجع لسبب انتشاره الفتره دي
استهلاك بنزين عالي مع الشد والقرص علشان الكامه التانيه

4- عادي 1600 :
مميزات : قطع غياره زي ال 1300 بالظبط (قصدي في سهوله الحصول عليها)
موتور حلو وقوي باردو بس مش زي ال 1500
بس لما بيفتح في الطريق بيبقي طياره هو موتور حلو جدا بس المشكله الناس كلها بتحب ال 1500 علشان الكامتين علشان يحرق ويقرص براحته
موفره في البنزين مقارنه بال 1500
بس عموما مكنه محترمه
عيوب : لا يوجد له عيوب حتميه تتقال

يارب اكون قدرت اوصل المعلومات واي استفسار انا تحت الامر

كلام جميل لاغبار عليه
في موتور جبار تاني كان اتكلم عليه اخونا ايفو
وهو مايفك 1600 اثنين كامه 172 حصان
اعتقد ده مصيبه
عايزين شوية معلومات عنه
وكنت عايزاسأل كايرو عن الموتور مايفك 1600 الل ب 6 الالاف جنيه هو اثنين كامة ولا كامه واحده ولا مسألتش ؟

المشاركة الأصلية كتبت بواسطة cairo2005

ما بتصدق
شكلك دسيسة علينا من قسم الالماني

لا والله يا ريس بس العربيات قرف وشكلها كده كرهته في اللانسر فيبيعها قبل ما يكره الياباني كله

اكيد علبه الدركسيون هي السبب

ده الاحتمال الاقوى فعلا
الاسكاترا بتاعة اللانسر هي نقطة ضعفها للاسف موضوعها عايز اعادة برمجة من شركة ميتسوبيشي الام