رابطة مالكي الكريستالة..لانسر 1996 - 2000

**HeMa_LanCeR** · 26-11-2008 04:12 PM

المشاركة الأصلية كتبت بواسطة tarekallaithy

يا جماعة هو اية الوضع الطبيعي لمؤشر الحرارة بتاع الكريستالة 1999 ؟
انا عندي المؤشر اقل من النص ب 3 شرط او 2,, هل وضع المؤشر كدة طبيعي ولا لأ؟

كده الوضع طبيعي لأنه مابيحصلش النص يعني قبل النص بكام شرطه

**tarekallaithy** · 26-11-2008 11:10 PM

معلش يا جماعة كنت عايز اعرف ميكانيكي كويس اصلح عندة الكريستالة عشان بدأت تخرف جامد , و ياريت لو كان نحية مدينة نصر.

**saifsaadmohamed** · 27-11-2008 12:08 AM

المشاركة الأصلية كتبت بواسطة tarekallaithy

معلش يا جماعة كنت عايز اعرف ميكانيكي كويس اصلح عندة الكريستالة عشان بدأت تخرف جامد , و ياريت لو كان نحية مدينة نصر.

يا باشا انا معرفش حد ناحية مدينة نصر
انا اعرف الشياطين الحمر فى المنيل
و
همام فى صقر قريش
و استنى رد هيما برده عشان ده المعلم هنا

**tarekallaithy** · 27-11-2008 12:12 PM

الف شكر يا استاذ saifsaadmohamed , ومستني ردهيما المعلم بتعنا هنا

**ابراهيم** · 27-11-2008 01:44 PM

الشياطين الحمر ده كويس وبيفهم فى الكريستاله يبقى قوللى على عنوانه وتيلفونه بالزبط لو تكرمت

**HeMa_LanCeR** · 27-11-2008 06:29 PM

المشاركة الأصلية كتبت بواسطة tarekallaithy

معلش يا جماعة كنت عايز اعرف ميكانيكي كويس اصلح عندة الكريستالة عشان بدأت تخرف جامد , و ياريت لو كان نحية مدينة نصر.

اولا انا معرفش ميكانيكي في مدينه نصر
ثانيا اي ميكانيكي كويس هيقدر يشتغل فيها لأنها مش معقده ومافيهاش ولا حساسات ولا يحزنون يعني ماتخفش المهم يكون الميكانيكي كويس لأن فكرتها هي نفس فكره السيارات القديمه وليست مشكله
ثالثا أتفضل حضرتك قول العربيه خرفت أزاي علشان نقدر نفيدك ايه العيب علشان حضرتك لما تروح للميكانيكي يكون عندك خلفيه بالموضوع وانا تحت امر حضرتك

**saifsaadmohamed** · 28-11-2008 01:03 AM

الشياطين الحمر :
خللى سينما فاتن حمامة اللى فى المنيل على يمينك و النيل على شمالك و امشى فى الشارع ده لغاية متلاقى مدرسة على شمالك و خش فى الشارع اللى بعد المدرسة هتلاقى الورشة هناك على اول ناصية
ت: 23625789

**mazgangy** · 28-11-2008 11:21 PM

يا جماعه عندى مشكله فى كريستاله اولا العربيه لسه مغيره تيل فرامل اصلى فى التوكيل وفعلا العربيه بقت مبتصفرش مع الفرمله ومشاء الله الفرامل كويسه جداااا نيجى بقى نشعر فرامل لو مشين على توب وكده مثلا وعاوز العربيه تمشى براحه هى اتوماتيك تصفر بقى ليه مش عارف مع انها مع الفرمله العاديه مش بتصفر ابدا مع تشعير الفرامل بس بتصفر وتانى حاجه عاوز اعرف ظبط الكهربا بتاعه العربيه كام على عداد ار بى ام بالظبط لانها لسه مظبوطه فى التوكيل وللاسف بقيت بترعش احيانا وكمان ظهرت مشكله لما اجى ابطل العربيه بعد ما ابطل احس برعشه واضحه جدااااا واكن العربيه لسه مبطلتش ورعشه جامده تستمر ثوانى وعاوز اعرف الصح العربيه تبقى كام ار بى ام على ال n وكام على ال d ومع التكيف وبدونه وشكرا جداااا ليكم وللعلم مكان الصيانه الى تمت فيه صيانه العربيه بنزينه موبيل امام محطه مترو المعادى والفاتوره مكتوب عليها المصريه وقالى جرب ومعاك 10 ايام لو فيه حاجه تعالى فمش عارف بقى عاوز ردودكم وخبراتكم علشان ابقى فاهم لما اروح تانى وشكرا مره تانيه

**kemo_nagy** · 29-11-2008 02:26 AM

يا جماعة انا عندى لمبة البنزين مش بتنور و غيرتها و بردو مش عايزة تنور حتى لما أجى اعمل الكونتاكت على وضع التشغيل عشان اشوف المبات المنورة هى مش منورة مش عارف دة من أية هل هو عيييب عوامة ولا أية ؟؟؟كمان انا ملاحظ حاجة غريبة ليييية كل العربيات اول لما تيجيى تبطل عداد البنزين ينزل للصفر لكن فى الكريستالة لما تيجى تبطل العداد بيفضل ثابت على قرايتة هل هى كدة ولا دى مشكلة عوامة؟سؤال تانى لما فكيت التابلوه لقيت كام لمبة مش محطوطة ماكنهم فاضى و لما حطيط لمبات ماحصلش حاجة وبصراحة ماعرفش دول كانو بتوع اية؟انا كل اللى بينور عندى لمبة الزيت و البطارية و لمبة الباب و النور العالى بس هل فى حاجة تانية المفروض تنور ولا هما دول بس ...انا عربيتى لانسر كريستالة 99 مانيوال
والف شكر

**cuppo** · 29-11-2008 02:02 PM

لمبه البنزيز مش بتنور الا لما يقرب يخلص و تبقي ماشي علي الاحتياطي
و ده معروف طبعا
و طبيعي انك لما بتفصل الكونتاكت عداد البنزبز بينزل للصفر لانها خلاص فصلت الكهربا

عندى لمبة الزيت و البطارية و لمبة الباب و النور العالى بس هل فى حاجة تانية المفروض تنور ولا هما دول بس ...انا عربيتى لانسر كريستالة 99 مانيوال
هما دول كده تمام