الموضوع: رابطة مالكي الكريستالة..لانسر 1996 - 2000

المشاركة الأصلية كتبت بواسطة bonanza

والله عاوز اروح مركز الصفا اللي في جسر السويس

بيفهموا في الكربراتير .. اخليهم يفكوه

انت كده تبقى زبونى لان مركز الصفا جنب بيتى وبعدين اعرف صنايعى هناك ربنا يباركله اسمه رمضان بصراحة فنان كربراتير ظبط يوم ونروح سوا حبيبى

المشاركة الأصلية كتبت بواسطة minded

انا بقي عاوز يا شباب حد من اهل الخبرة يجرب العربية معايا لان مفيش ميكانيكي ولا عفشجي فاهمني والعربية حاسس ان فيها حاجة مش مظبوطة بس في الكبالن والا العفشة والا الفيلام والا بلي العجل !!!!!!!!!!!!!!! مش عارف
يعن لو ممكن جرجاوي او اسامة او مصطفي او صبحي ........... ( حيتان المنتدي ) او اي حد من حبايبنا الحلوين بس مش من امن الدولة طبعا هههههههههههه وعاشق للكريستالة يجربها معايا اكون شاكر جدااااااااااااااا"

حسام باشا يشرفنى ويسعدنى انى اتعرف على شخصية زيك بس على فكرة انا مش بدخل كتيير على المنتدى لظروف خارجة عن ارادتى بس ان شاء الله نظبط ونتقابل على خير ان شاء الله تحياتى

حبايبى واخواتى حاسس بحاجة غريبة ومش عارف ادخل وارد على الناس او اتفاعل معاكم زى زمان وكلى اسف والله لان من مشاركتى فى المنتدى الرائع ده عرفنى على احلى ناس فى الدنياااا بس هوة ده نصيبى ومش عارف ابدا منين انا عندى كام مشكلة كدة بسيطة مش موضوع بس حابب اخواتى يشاركونى الراى علشان خلاص انا قربت اتجنن وخايف اهمل العربية اكتر من كده وانا معملتهاش مع ال128 المهم علشان مطولش عليكم كنت عايز مرايا شمال القديمة علشان اعدل القعدة بتاعتها هل ممكن تتباع جديدة ولبقى اخد القعدة بس علشان اركبها على المرايا الكهرباء والرؤية تبقى احسن وعايز اظبط العربية من سمكرة ودوكو والفيبر اللى اتبهدل نفسى اعمله والاكسدامات تقريبا مش فلا مكانها ومخلعة من كل ناحية بس ستر ربنا اللى موقفها ياترى اجيب بتوع الميراج والا اظبط القدام عند بتوع بلاستيك وفايبر ونفسى اركب كابوت ال98 الارنبة عندى علشان ياخد شكل الارنبة من قدام مع الفوانيس اللينس والرينج اظن اتكلمت مع مومو فى الموضوع ده احسن ما العب فى القديم والا ايه نفسى نفسى نفسى اعرف ايه نوع العفشة 5 مسمار اللى ممكن تركب عندنا ياترى المايفك والا الشارك والا ايه طبعا سكاكين اصل انا نفسى اركب جنوط 17 وللاسف بشوف عربيات كتيرة مركبة 17 ومفيش مشاكل وشكلها تحفة وبتعلى العربية شوية الحمد لله البروفايل بتاعى 50 على 15 / 195 ومعنديش مشكلة لو نزل ل 45 اعتقد هايكون نفس الارتفاع لو ركبته على 225 مثلا ونيجى بقى للحاجة اللى مجننانى برضوا الشكمان عايز اعرف هل اركب علبة المايفك ال2 فتحة والا علبة الموتور ال1800 ال2 فتحة والا اغير الشكمان كله باكبر من الاصلى ب 0.5 بوصة وكل واحد براى ومش عايز اعمل حاجة غلط تاثر على الاداء واخبار الاستاليس ايه مش فاهم حاجة وبالمناسبة نرجع تانى لموضوع الاكسدامات كان نفسى اروح الاقى بسام مصنع واحد وعامل فيه مكان للفوجات بالرغم من فوجات الديماكس عاجبانى عند جرجاوى والاصلى بتوعها ممتازين انما انا طمعان فى اكتر من كده يعنى عايز اركب زى بتوع الفيرنا عبارة عن 2 فى كل ناحية ولو جبت اكسدام الميراج مش هاينفع فيه الى انا بقوله مش هاينفع غير بتوع الاوبترا وياسلام لو ينفعوا بتوع السيراتو انا بعتذر جدا جدا على الاطالة بس نقول ايه فى الحرمان وعلشان منساش اى حد من رجالتنا بشكر كل فرد لسة فاكرنى وربنا يديم المعروف وياريت يبقى فيه مقابلات حتى ولو ودية بس مش عارف اقولكم قد ايه بتعرفنا على الناس اكتر اسف للطالة تحياتى

المشاركة الأصلية كتبت بواسطة prisoner

حسام باشا يشرفنى ويسعدنى انى اتعرف على شخصية زيك بس على فكرة انا مش بدخل كتيير على المنتدى لظروف خارجة عن ارادتى بس ان شاء الله نظبط ونتقابل على خير ان شاء الله تحياتى

شكرا يا مصطفي بك معلش مش هقدر اقولك باشا لان الجرجاوي لحق اللقب ده وخده لانه صحي بدري ودخل علي المنتدي , حظوظ بقي هههههههه
وشكرا لذوقك ومستني نتقابل بجد انشا الله وانا جاهز يوم سبت لاني شايف ان الناس مرتبطة ايام الجمعة