الموضوع: رابطة مالكي الكريستالة..لانسر 1996 - 2000

المشاركة الأصلية كتبت بواسطة m_adeleid

السلام عليكم يا رجاله رابطه الكريستاله
اخوكم محمد من رابطه السيفيا
بس بعت العربيه من شهر و بدور علي كريستاله
المهم كنت عاوز اخد مشورتكم في عربيه قدامي
كريستاله 98 حالتها من بره جيده (فيها شويه حكات بسيطه)
والدواخل كلها سليمه (عدا خبطه بسيطه شمال الشنطه و مردوده علي البارد) بالكشف في بنزينه
و حاله الصالون جيده جدا
و عدادها 268000 كم و كبسه مش تمام(8 بار ) فهل ده كده عاوز طقم شنبر و لا عمره و تكلفتهم حتكون كام؟
وصلت معاه لحد 43000 جنيه
هل ده كده كويس؟

كنت اتمني انكو تردو عليا علشان اكون مطمن وانا بشتري
لكن الحمد لله اشتريت خلاص و خلصت علي 42 الف
و اتمني انكو تقبلوني معاكو في الرابطه

متشكر جدا علي اهتمامكم و ردودكم
وبعد تجربه العربيه الموتور حاسس ان حالته كويسه مش مخسع خالص حتي مع التكييف مش مكتفها
مع اني نازل من عربيه 1500cc بس فعلا اداء الموتور ده مرضي لحد معقول جدا
و العفشه الحمد لله كويسه و حأكد اكتر عليها لما اروح اكشف

بص بقى نصائح عشان انا مشترى كريستاله من قبلك بشهر وشويه :)

تشيك علي طقم السيور بالكامل وعلي كل الفلاتر ..

وشوف الزيت ايه ظروفه

والردياتير تابع المايه بتنقص بسرعه ولا إيه النظام

وشوف زيت الباور وزيت الباكم ..

بص علي الكاوتش ايه ظروفه

جرب العربيه محتاجه ترصيص ولا لا

وإتأكد ان التيل شغال كويس

وبص علي طقم المساعدين شوف لو فى مساعد او مساعد بيرشح زيت ..

بص علي الاستبن


وربنا يباركلك فيها ويكفيك شهرا بإذن الله :)

المشاركة الأصلية كتبت بواسطة no_rules

بص بقى نصائح عشان انا مشترى كريستاله من قبلك بشهر وشويه :)

تشيك علي طقم السيور بالكامل وعلي كل الفلاتر ..

وشوف الزيت ايه ظروفه

والردياتير تابع المايه بتنقص بسرعه ولا إيه النظام

وشوف زيت الباور وزيت الباكم ..

بص علي الكاوتش ايه ظروفه

جرب العربيه محتاجه ترصيص ولا لا

وإتأكد ان التيل شغال كويس

وبص علي طقم المساعدين شوف لو فى مساعد او مساعد بيرشح زيت ..

بص علي الاستبن


وربنا يباركلك فيها ويكفيك شهرا بإذن الله :)

ربنا يبارك فيك يا باشا و متشكر جدا لنصايحك
انا فعلا غيرت زيت النهارده و إن شاء الله بكره حغير السيور و الفلاتر و الاتيال و اكشف علي العفشه و اشوف ايه اللي لازمها
و الكاوتش جديد و الاستبن كمان
بس ممكن لو حد عنده طاسه مش محتاجها يبقي يقولي اشتريها منه علشان في طاسه قدام يمين ناقصه عندي
و كمان دلايه ورا يمين

الطاسات بتلم تراب وطينه ووساخه كتير جواها

شيلهم احسن

ده مجرد رأى :)

وبعدين لو حد عنده طاسه اكيد مش هيبيعهالك بفلوس دى حاجه مش مستاهله :)


واستأذن حضرتك تبص علي الاسعار دى وتعمل مقارنه بالاسعار اللى حضرتك هتسمعها بإذن الله لما تيجى تشترى

عشان يبقى عند حضرتك خلفيه بالاسعار وميتضحكش عليك من حد :)

الاسعار دى هتزيد او تقل معاك خمسه جنيه بالكتير :)

مساعد امامى إستيراد 110 جنيه

سير كاتينه ألمانى 70 جنيه
كونتيننتال ( ماركة كاوتش مشهوره ) :)

تيل فرامى صينى 35 جنيه

تيل فرامل كورى 50 جنيه

تيل فرامل يابانى 80 جنيه

تيل فرامى اسبانى 90 جنيه

بزبوز مساحات تايوانى 15 جنيه ( الواحد )

سير دينامو كورى 30

سير تكييف كورى 25

جيركن زيت موبيل 1 270 جنيه

فلتر زيت يابانى 20 جنيه

فلتز بنزين كورى 15 جنيه

المشاركة الأصلية كتبت بواسطة no_rules

الطاسات بتلم تراب وطينه ووساخه كتير جواها

شيلهم احسن

ده مجرد رأى :)

وبعدين لو حد عنده طاسه اكيد مش هيبيعهالك بفلوس دى حاجه مش مستاهله :)


واستأذن حضرتك تبص علي الاسعار دى وتعمل مقارنه بالاسعار اللى حضرتك هتسمعها بإذن الله لما تيجى تشترى

عشان يبقى عند حضرتك خلفيه بالاسعار وميتضحكش عليك من حد :)

الاسعار دى هتزيد او تقل معاك خمسه جنيه بالكتير :)

متشكر جدا علي مساعدتك ليا بالاسعار
بالنسبه للطاسات انا بحب يبقي شكل العربيه اقرب شكل ليها و هيا لسا زيرو
علشان كده عاوز اكمل الطاسه الناقصه