http://www.nileup.com//uploads/images/sfe789760cd.jpg
عرض للطباعة
السلام عليكم جميعا معلش كنت اجازة كدا 4 ايام من كل حاجة والحمدلله رجعت امبارح
وانا شوفت زميلنا مصطفى حاطط لينك للكتالوج
لو لسه حد عايزه ياريت يقوللي عشان اصوره ويكون معايا
بص ياباشا هوه الجوان ده لما بينفس بيسبب كذا حاجة اول حاجة زيادة استهلاك البنزين مهما ظبط العربية تانى حاجة موضوع ان العربية تطلع دخنة سوداء فى التسخين الصبح وبيبقى البنزين فى ريحة عادم نى.....انا اول ماجبت العربية كانت تمام فى كل حاجة استهلاك وسحب بس السخان ماكانش شغال وبتقرفنى فى التسخين وتبطل كذا مرة على ماتدور وكل ما ازود وهيا بارده تبطل روحت لواحد فك الكربراتير ونضفه وشغل السخان وكل المشاكل دى راحت وبقت تمام بس فوجت بدخنه سمراء خفيف جدا اول ما ادور ودقيقة كده وتروح المهم قولت عادى وانا ماصدقت العربية اتظبطت لقيت استهلاك البنزين ذاد شوية مشيت بيها كده فترة لحد ما الدخنة ابتدت تذيد روحت لواحد تانى بدا معايا من الاول اول يوم غير بوجوهات وفلتر هواء وفلتر بنزين وظبط تيكهات بناء على طلبى انى اغيرهم وظبط نسبة الخليط وجربت اسبوع مفيش فايده روحتوله تانى اسبوع مارضيش يفك الكربراتير لانه شايفه نضيف ومستحرم يفكه وهوه عارف انى كنت لسه فكه بره ومنضف
المهم تالت مرة فكه وادانى الجوان ده وقالى روح اعمله عند واحد بتاع جونات وقالى اعمله نوع الورق اللى يتعمل منه الجوان حاجة حرارى وقالى اعمل اتنين او تلاته علشان نستنضف واحد ونركبه انا عملت ثلاثه وركبته اكتر واحد مظبوط زى الاصلى وركبت الدخنة راحت خالص استهلاك البنزين قل كتير كانت بتعمل 200 كيلو فى الصفيحة على السريع بقت بتعمل 270 فى الصفيحة الحمد لله بس غالبا الجوان ده مالوش علاقة بالسحب والله اعلم
اسف ان كنت طولت بس حبيت انقل التجربة لانى دوخت على ما عملتها وكلفتنى كتير
يا أستاذ جرجاوى ايه رائيك لو نسحب الكاتلوج كله على سكانر و نحمله اون لاين و اللى ليه مزاج يبقى ينزله و يطبعه لو موافق انا على استعداد نتقابل و عندى سكانر و ليه خبره كويسه ممكن احول الصور لملف وورد عشان لو فى حاجه عاوزه تتظبط و كمان احول لملف pdf و اظبط التظابيط لو تمام أنا أخوك احمد و رقمى 01147375306
بالمناسبه الحمد لله مشكلتى مع الكاربراتير اتحلت و الحمد لله
أنا روحت لواحد بتاع كربراتير فى امبابه اسمه الحج يحيي والدى كان بيتعامل مع الورشه بتاعته من زمان جدا ايام ما كان شارى عربيه 132 زيرو
المهم هناك واحد اسمه عمرو بدوى هو اللى ماسك الورشه بعد ما صاحبها توفى اول مارحتله و قبل ماتكلم قالى عربيتك بتشرق و طلع دخنه سودا من غير حتى مايقوم يبص على العربيه قالى انا سمعت صوت الموتور و انت بتركن و ده كفايه المهم بعتنى الوكاله عند واحد اسمه احمد التربى اشتريت من عنده ابرة العوامه بالمصفى بتاعتها ب 50جنيه و راح فاكك الكربراتير كله مسمار مسمار و قالى السخان ده بايظ و دىمعلومه اناا كنت عارفها المهم جاب علبة wd40 وقعد نضف الكاربراتير كله ونزل منه فدانين طين اسوانى و صلح السخان وروق الدنيا و راح مقفل الكاربراتير و غيرلى طقم البوجيهات جبت طقم ngk واحد شمعه 16 الكترونى ب 60جنيه و هو اخد مصنعيه ظبط الكربراتير و تصليح السخان 120 جنيه و الحمد لله العربيه دلوقتى انعم و صوتها يكاد لا يسمع و الحمد لله
تمام يا أستاذ أحمد إن شاء الله هكلمك ونظبط ونتقابل اديلك الكتالوج
وكل الناس تحملوا ودا افضل حل فعلا
لو سمحتم حد يقدر يفيدنى عن متوسط سعر الكرستالة موديل 1998 انا عارف طبعاً أنه حسب الحالة بس كنت عايز أعرف متوسط سعرها ولكم جزيل الشكر