موجود فى الحرفيين
من 400 الى 750 وانت وشطارتك :b4_033:
عرض للطباعة
سوال يا جماعة العربية عندي الموتور علي ومش عايز ينزل وتقريبا سلك البنزين معلق وساعات بحس ان الدواسة تقيلة وبتقاوم شوية وفي خرطومين رفيعين من بتوع الكربراتير فيهم وصلة بلاستيك من 3 مخارج زي علامة الزائد بس 3 بس اتنين فيهم الخرطومين والتالتة مفيهاش حاجة حد يعرف مكان المخرج التالت فين هي تحت العمة يمين ناحية البطارية
- قاعد موتور خلفيه شمال 110 تايلاندى
2 - قاعدة موتور اماميه 50 تايلاندى
3 - سير كاتينه يابانى 95 مش متسوبيشى
4 - قربة لدياتير 35
من الشرقاوى امام فندق السلام - جسر السويس
صباح الفل يا رجالة
بقالكوا كتير ساكتين ليه
انا قولت اصبح عليكم و نشوف كده لسة في ناس عايشة بعد الاخبار المنيلة بنيلة اللي احنا فيها دي
مصطفي Prisoner كمان بيبلغكم سلامه
جبتة منين بقي عشان انا عاوز واحد بالقاعدة بتاعتة بردو
احكيلنا كده ايه الفرق بينة و بين الاصلي بتاعها
ازاي اخف علي الموتور .. بتاعها الاصلي بيعمل ايه و ده بيعمل ايه
و التسقيع اسرع و اقوي في الحر و الشمس ولا ايه
و التكاليف كام بالظبط بمصنية التركيب و الشحن و اللذي منه
اشتريت فرديتين امبارح ميشلان انجيليزى انتاج 5-2011 ... الفرده عاملة 390 جنيه ومقاسها بتاع الكريستالة تقريبا 13 - 175 - 70 ... حلوة ولا ايه رايكوا
بص يا سيدي انا رحت لواحد ميكانيكي حبيبي قوي علشان العربية كان السير بيصفر مع التكييف و تقيل جدا و التسقسع وحش
رحنا بعد كدة لبتاع التكييف قاليي الكومبروسور قفش و فالي لازم نغير
بصراحة بعديها انا مشيت علشان كان عندي شغل و اخدت العربية بتاعت الميكانيكي و قالي سيبلي عربيتك و هسألك علي الاسعار و هكلمك قبل ما اعمل اي حاجة
مبدئيا الميكانيكي دة عشرة اكثر من 15 سنة من ايام و الدي الله يرحمة و امين جدا و عمرنا ما اتعملنا معاة علي انة ميكانيكي او هو اتعامل معانا علي اننا زباين علشان محدش يقولي سيبتلة العربية ازاي
بعد كدة لقيتة بيتصل بيا و يقولي الكمبوروسور الاصلي عامل 450 جنية و فية بتاع البومة عامل 600 بس لازم نجيب معاة القاعدة بتاعتة علشان يركب من غير منلعب في حاجة و القاعدة عاملة 200 جنية
انا حاسبتها في دماغي قولت بتاع الكريستالة اكيد شغال بقالو اكتر من 12 سنة يعني شوية و هيودع بردة لكن بتاع البومة هلاقية كبيرة شغال 6 سنين و بصراحة لما كنت بركب البومة بتاعة صاحبي كان بيعجبني فيها التسقيع عن بتاعنا قولت نتوكل علي الله في البومة
اة علشان منساش هتحتاج نغير خرطومين علشان الداخل و الخارج بتاع كومبيروسور البومة غير بتاع الكريستالة
الموضوع بالظبط اتكلف بعد المصنعية و كل حاجة 1250 الراجل بتاع التكيفات كان عايز 1400 بس الميكانيكي قالي مش هنبعتلة غير 1250 بس
الملاحظ بقة بعد تركيب كومبروسور البرومة
انا معايا كريستالة اتوماتيك و اكيد انتو عارفين التكييف كان بيأثر ازاي علي الموتور لكن دلوقت التأثير بتاع كومبيروسور البومة بيكون في بداية شغل الكومبيروسور و بس يعني بعد ما يقوم متحسش بية
بيسقع بسرعة عن بتاع الكريستالة
بيفصل كتير عن بتاع الكريستالة و بالتالي بيريح الموتور و بيققل استهلاك البنزين مع التكييف
اي خدمة و لو حد عندة استفسار يقولي انا تحت امرة
و يا رب مكنش نسيت حاجة
الف شكر يا باشا علي المعلومات و نقل التجربة
بالمناسبة بقي انت ساكن فين في المريوطية لان احنا كده جيران
انا ساكن في شارع المستشفي