الف مبروك ياابو ياسين
ربنا يبارك لك فيه وينبته نباتا حسنا
عرض للطباعة
الف مبروك ياابو ياسين
ربنا يبارك لك فيه وينبته نباتا حسنا
النهارده الحمد لله انتهت عمليه التسقيط :))
يتبقي بس تركيب عمة الهوا بعد الفطار وهاستلم العربية ان شاء الله بعد التراويح
بس التكييف لسه هايتعمل بعد العيد لان الكهربائي مأجز من النهارده :))
لانه لما ركب الكباس لقي التلاجة ملحومة فقولت له هاخلي الراجل الي بايع لي الموتور يغيرها :))
وسألت زوزا عليها قالي تعمل 400 جنية بالمواسير هاشيلها له طبعا :)
بس الظاهر اني هاحتاج اني اغير الفرامل لان العربية وانا شادد الهاند بجيب الفتيس علي d العربية بتزحف :))
والحمد لله صوت الموتور هادي والحوض بتاع العربية اكنه اتولد من جديد :))
اكيد ياباشا هانزل صور وفيديوهات كمان :))
نصيحتي لكل شاب وكل فيتاة عندة كرستالة يغير الموتور 1500 توين كام :)))))
بجد ماشاء الله من قبل ما اغير العفشة وببنزين 80 (متبقي في التانك من الموتور القديم ) العربية طيارة
العربية دي حرام تمشي بالموتور ال 1300 الكاربيراتير
الف الف مبروووووك و ان شاء الله ربنا يكفيك شرها و يديك خيرها
و عاوزين منك بقا تقرير جامد كده يليق بالى انت عملته من الابرة للصاروخ و كل حاجه بكام و منين و التركيب و خدت وقت اد ايه و مصنعيات و الزى منه
معلش يعنى مع احترامى
وانا اغير الموتور ليه والموتور لسه زيرو وسليم ومتحطش فيه مسمار واحد
يدوب بتغير مايه وبتغير زيت ومقياس الزيت
اكتر من كده مش بيتعمل فى الموتور
يبقى ليه اغيره ؟
الكلام ده لو الموتور تعب او لا قدر الله باظ
إنما اللى فيها مش وحش
هو الراجل مقلشى وحش
بس التغير ده للافضل
بمعنى العربيه معروف عنها لو مليانه ناس والشنطه مليانه هتحس ان العربيه مش قادره تشد وتسد فى الطريق اما مع المتور الجديد هتحس بفرق كبير ومع التكييف كمان مش هتحس انك مشغله
ودى بترجع لكل واحد
وبرده للناس الى بتحب تشد فى الطريق
ياباشا ربنا يبارك لك في عربيتك
انا مش قولت انها وحشة لاني امتك نفس العربية الي عند حضرتك
انا بعرض تجربتي بواقعية وان العربية اتغيرت كليا وكأني راكب عربية تانية خالص
غير التكييف الي اكيد احسن من تكييف ال1300 وكمان قوة السحب
الموضوع ياباشا عبارة احتياجات كل واحد ووجهه نظره
زي العربية المانيوال والاتوماتيك في ناس بتركب عيون مانيوال وفي ناس تانية مش بتحب اصلا تسمع كلمة مانيوال زيي كده :)))