الموضوع: رابطة مالكي الكريستالة..لانسر 1996 - 2000

انا لسه جايب لانسر 99 اتوماتيك وعاوز اركبلها اسبويلر نضيف وكشافات شبورة نضيفة .. اجيب الحاجات دي بأحسن سعر منين وبكام ؟؟؟

شكرا لأحلي منتدي

السلام عليكم ورحمة الله وبركاته
امبارح بعد ما اتفقت في تسقيط المكنة علي مبلغ 4500جنية

النهارده لقيته متصل بيا وقالي ان المكنة بتاعتي كل ادوات التغذية بتاعتها في الضياع والفتيس الاتوماتيك فيه نتشه المهم قالي المكنة مش هايعرف يبيعها :)))

روحت ليه وقالي كمان ان قواعد الموتور هتحتاج تتغير وحسب لي ال 4 قواعد ب500 جنية

هايزيدوا فوق ال 4500 الي هما تمن المكنة والمصنعية

بس مش عارف اقوله ايه باه الراجل الي هايركبه بالظبط

مكنة 1500 توين كام
فتيس استيبترونيك
شكمان
وطرمبة بنزين
وعداد فيه ار بي ام

___________________________

حقيقي انا في حيرة ما بين ان الراجل ده انا ضامن شغله وعارف ان المكنة لو حصل فيها اي حاجة هو هايشيلها غير ان هو في نفس البلد الي انا ساكن فيها (الزقازيق)

وبين السعر الي في السما الي هو ضاربه :)))

مع الاعتراف ان المكنة عندي فعلا في الضياع


شوروا عليا يارجاله اعمل ايه :))))

المشاركة الأصلية كتبت بواسطة mmen3m

غاليين سنة :)) لان الربع كله ب 250 بس لو حالتهم كويسة يبقي الحمد لله وربنا يبارك لك فيهم

بص هقولك على حاجة
الغالى بيطلع في الآخر رخيص واحسبها انت
لو انا خت المساعدين ب 350 ج مثلا + فك وتركيب 50 ج تبقى واقفة ب 400 ج لا قدر الله لو فيهم حاجة هتغيرهم تاني وتدفع فك وتركيب تاني غير العطلة طبعا وممكن يطلع فيهم حاجة تاني ونعد نعيد القصة تاني
يبقى كدا الغالى رخيص ودا مبدأ انا ماشي بيه عموما في الحاجة الاستيراد
والحمدلله روحت لكذا ميكانيكي وعفشجي طبعا غير اللى ركبت عنده كلهم الحمدلله اجمعوا ان المساعدين ممتازة وانا حاسس بفرق كبير في مطبات الهوا والفواصل ودي اهم حاجة

المشاركة الأصلية كتبت بواسطة mmen3m

الله يبارك فيك وربنا يسترها الواحد خايف من النتيجة :)

سعر الاسكاترا 900 بس مش عارف الصراحة يمين ولا شمال ( بس هو لو يمين هايينفع تركب ؟)

لا طبعا اليمين متركبش

مبروك يا عمهم ربنا يباركلك فيهم

اشتريت منين ؟؟

الله يبارك فيك من الحرفيين ( أبو الهنا )

المشاركة الأصلية كتبت بواسطة mohammedabdallh

الف مبروك يا محمد بيك

الله يبارك فيك يا حمام

المشاركة الأصلية كتبت بواسطة edwardo_1986

انا لسه جايب لانسر 99 اتوماتيك وعاوز اركبلها اسبويلر نضيف وكشافات شبورة نضيفة .. اجيب الحاجات دي بأحسن سعر منين وبكام ؟؟؟

شكرا لأحلي منتدي

فوانيس الداماكس افضل حاجة ودي صورتها

وهتلاقي التفاصيل في الموضوع دا
http://www.nilemotors.net/Nile/252328-a.html

ودي صورها مع الزينون