الموضوع: رابطة مالكي الكريستالة..لانسر 1996 - 2000

المشاركة الأصلية كتبت بواسطة osamaos20022

هل تسقيط ماكنة 1600 فى لانسر كريستالة فى خطورة على العربية خصوصا الشاسيه
وهل هحتاج لاجراء تعديلات فى الفرامل ولا مع العلم انى هسقط على فتيس مانيوال

يا باشا الموتور ال 1600 بكام و منين

المشاركة الأصلية كتبت بواسطة tarekallaithy

يا جماعة انا معايا كريستالة 1999 اوتوماتيك من حوالي اسبوع كدة ببص على مؤشر الحرارة لقيتة في العلاليييييييييييييي :@ رغم اني كنت لسة عمللها صيانة في التوكيل و نزلت و فتحت الردرياتير لقيتة مفيهوش نقطة مية و طلع كمية دخان رهييييبة ,, اشتريت جركن مية خضرة و مليت الردرياتير,,,,,,, امبارح حصل نفس الموضوع (الردرياتير مفيهوش نقطة مية و العربية مولعة)علما بأن الردرياتير مش بينقط مية. ارجو المساعدة:(

و بلاحظ ان العربية صوتها بيعلا اوي لما اجيب الفيتيس على N (اعلى من صوتها و هيا ماشية و الفيتيس على ال D )رغم ان العربية ما كنتش كدة !!!!!!!!!!!!,,, ارجو المساعدة

و اسف جدا علي الاطالة و شكرا

بص يا ريس أنا معايا لانسر 99 مانوال كاربيراتير و حصل معايا نفس العيب بس لاحظت إن مروحة الرادياتير ما بتشتغلش و ده السبب في ارتفاع درجة حرارة الموتور و تبخر مياه التبريد و الحمد لله طلع الموضوع بسيط في زي سوكيت كده فيها سلك و ده غالبا" هو الثرموستات الكهربائي هزه بإيده كده بس المروحة اشتغلت و كل حاجة رجعت طبيعي

فأول حاجة إتأكد من أن المروحة شغالة

امامى كريستالة مو 99 اتوماتيك نضيفة جدا عاملة 85000 كم بس اما خايف من الاتوماتيك و خصوصا انها 1300سىسى مع العلم انى كنت ببحث على مانيوال فى الاساس بس مش لائى حاجة نضيفة غير ديه فما هو رأى الاعضاء؟؟
فى حاجة تانى انا المبلغ الى معايا ممكن يجيب لانسر 2001 اة 2002 تنصحونى باه؟؟؟؟؟؟؟؟؟ و اسف على الاطالة

انا دى اول مشاركه ليه فالمنتدى كله
وبصراحه فرحت جدا لما لقيت منتدى لانسر وكرستاله كمان
والناس اللى فالمنتدى متعاونيين وجدعان جدا
انا ان شاء الله يمكن اكون معاكوا فالمنتدى هنا يارب
بدور على كرستاله بقالى اكتر من شهر ومش لاقى حاجه كويسه
ونفسى اركب كرستاله جامبو اللى فيها فتحه سقف
اسمع انها كويسه
ياريت تفيدونى يا جماعه

السلام عليكم ورحمة الله وبركاته
تغيير زيت الفتيس بعد كم كيلو؟ وهل الجنوط الصيني كويس؟ وجزاك الله خيرا