والله يا جماعة انا عندي مشكلة من سنين تقريبا من ايام الثانوي لغاية ما اتخرجت وبقى عندي 24 سنة

المشكلة بحس بتضارب رهيب جوايا يعني مثلا مرضاش اختي تكلم ولاد وفي نفس الوقت انا بكلم عادي ومش عايز اتجوز واحدة غير ما اكون عرفتها كويس (يعني ضد جواز الصالونات )
مثال تاني بتفرج على افلام ومبحبش اخواتي البنات يتفرجوا عليها
مثال تالت ضد النقاب وفي نفس الوقت مع حرية اللبس
مثال رابع ضد ان اخواتي يسمعوا اغاني وانا نفسي بلعب جيتار
الخلاصة مش عارف اختار طريقي هل اكون ليبرالي ولا سلفي ولا ...................................رحلة البحث عن طريق بس لغاية دلوقتي مش لاقي طريق واضح

عايز اعرف انت ازاي اخترت منهجك في الحياة ؟؟؟ ولا انت اقتبست منهج اسرتك اللي ربوك عليه ؟؟؟؟؟