بورســــــــــــــــــعيد (رحله قصيره)

**Migo123** · 12-07-2007 04:14 PM

السلام عليكم
.
شباب بورسعيد اللي منورين المنتدى كنت بفكر اقضي 3 - 4 ايام في بورسعيد مع الاسره وفي ناس زمايلي رشحولي قريه النورس الجديده بيقولو نضيفه قوي .......... ايه رأيك في الكلام ده .... وهل في حاجه احسن انا برضه سمعت عن الكروان والكناري .

بس ياريت يا جماعه اللي يقول على حاجه يكون جربها لان ها يكون معايا ضيوف كمان مش عايز اتكسف قدامهم ....

افيدونا افادكم الله

**Abdallah** · 12-07-2007 05:48 PM

وعليكم السلام ورحمة الله وبركاته
بورسعيد هتنور بيكم ان شاء الله يا ريس :)
انا اول مرة اسمع عن النورس الجديدة دى لان النورس الى اعرفها اول قرية سياحية فى بورسعيد يعنى بقالها يجى 10 او 12 سنة مثلا..
انا افضل الكنارى , هيا اهدى شوية وارخص شوية من الكروان ولكن نظيفة جدا بس مش متذكر ليها شاطىء ولا لاء ولكن هيا اول صف على البحر عموما.
تليها الكروان بس الكروان غالية شوية وملهاش شاطىء خاص ولكن ليها باب خلفى يطلعك على البلاج وطبعا هي فى منتصف طرح البحر وهو الشارع الاكثر نظافة فى بورسعيد.
الفردوس, ودى قرية قبل بورسعيد وهى قديمة شوية ولكنها جيدة واسعارها معقولة ولها شاطىء خاص يتمتع بالخصوصية ولكن يعيبها الناموس نظرا لكثرة المساحات الخضراء بها ومش عارف ليه مش بيرشوا بس جايز عشان انا كنت هناك فى شهر يونيو وكانت القرية هادية لسة.

**Migo123** · 18-07-2007 12:25 PM

متشكر جدا عبد الله على الرد--- واسف على التأخير --- لاني كنت مشغول جدا اليومين اللي فاتو مكنتش بدخل على النت .... طب سؤال كمان معلش - كل القرى دي ليها حمامات سباحه وايهم فيها حمامات السباحه احسن واخبار الاسعار تقريبا ايه ..

وشاكر جدا لاهتمامك