قدر الله وماشاء فعل!

**hoba3000** · 16-03-2014 11:33 AM

السلام عليكم

امبارح نازل رايح مشوار بالليل بالفلوانس والنور كان قاطع في المنطقة، المهم معرفش ازاي بعدي كوبري صغير كده لقيت العربية بتحك جامد من تحت، أتاريني طلعت فوق حجر كبير من بتوع الرصيف دول كان في وسط الشارع، وفجأة العجلة الأمامية شمال بقت تلف في الهوا كأنك رفعت العربية على كوريك

المهم شفت واحد بتاع كاوتش ورفعلي العربية بكوريك تمساحة و شيلنا الحجر
بصيت على العربية من تحت ملقتش حاجة ومفيش تسريب زيت ولا حاجة
المهم جيت أمشي حسيت ان العربية صوتها عالي في السلانسيه والصوت بيعلى أكتر لم أجيب مارشيدير
عديت على ميكانيكي قاللي ان العجلة الشمال عاوزة ترصيص وان المقصات مفيهاش حاجة
المهم سمعته الصوت، قالي دي غالبا قاعدة الموتور وقالي أعدي عليه يوم الاثنين يعملهالي

العربية عاملة 21 ألف، هل الموضوع ممكن يخلص عند الميكانيكي ولا أوديها التوكيل أحسن؟ بس خايف التوكيل يقوللي فتح ونصب ويقوللي أغير القاعدة وأنا مش عارف هي بكام ده غير الوقت والعطلة

رأيكم إيه يا خبراء المنتدى؟

آسف للاطالة وشكرا

**miceg** · 16-03-2014 11:45 AM

لكي يطمئن قلبك
اذهب الى التوكيل فورااااااااااا
قاعدة الموتور لو فيها حاجة غيرها لإن هي المسئولة عن الاصوات والرجة الصادة من الموتور وخلافه
كمان لازم تشييك على العفشة بالكامل
فالقصة ميكانيكي وسمكري
فعشان متحطش نفسك تحت رحمه الفتايين فمصر وما أكثرهم
احجز معاد وروح التوكيل وأطمن على عربيتك بالكاااااااااااااامل
وربنا يستر طريقك ويجعل الموضوع سهل إن شاء الله

**insurancebroke** · 16-03-2014 12:22 PM

روح التوكيل اكشف علي العيب
وممكن تعمله بره التوكيل
بس اعرف العيب من القاعده ولا لا
وممكن تشترى منهم القاعده وتركبها بره

**haisam ali** · 16-03-2014 12:53 PM

المشاركة الأصلية كتبت بواسطة insurancebroke

روح التوكيل اكشف علي العيب
وممكن تعمله بره التوكيل
بس اعرف العيب من القاعده ولا لا
وممكن تشترى منهم القاعده وتركبها بره

كلام مظبوط جداً جدا الله يفتح عليك .... اوءيد هذا الراى وبشده عنيفه

**bukla** · 16-03-2014 01:54 PM

المشاركة الأصلية كتبت بواسطة hoba3000

السلام عليكم

امبارح نازل رايح مشوار بالليل بالفلوانس والنور كان قاطع في المنطقة، المهم معرفش ازاي بعدي كوبري صغير كده لقيت العربية بتحك جامد من تحت، أتاريني طلعت فوق حجر كبير من بتوع الرصيف دول كان في وسط الشارع، وفجأة العجلة الأمامية شمال بقت تلف في الهوا كأنك رفعت العربية على كوريك

المهم شفت واحد بتاع كاوتش ورفعلي العربية بكوريك تمساحة و شيلنا الحجر
بصيت على العربية من تحت ملقتش حاجة ومفيش تسريب زيت ولا حاجة
المهم جيت أمشي حسيت ان العربية صوتها عالي في السلانسيه والصوت بيعلى أكتر لم أجيب مارشيدير
عديت على ميكانيكي قاللي ان العجلة الشمال عاوزة ترصيص وان المقصات مفيهاش حاجة
المهم سمعته الصوت، قالي دي غالبا قاعدة الموتور وقالي أعدي عليه يوم الاثنين يعملهالي

العربية عاملة 21 ألف، هل الموضوع ممكن يخلص عند الميكانيكي ولا أوديها التوكيل أحسن؟ بس خايف التوكيل يقوللي فتح ونصب ويقوللي أغير القاعدة وأنا مش عارف هي بكام ده غير الوقت والعطلة

رأيكم إيه يا خبراء المنتدى؟

آسف للاطالة وشكرا

قدر الله ما شاء فعل
الحمد الله انك بخير و تمنياتي ان الضرر يكون بسيط ان شاء الله
و زي ما نصحوك الاخوه الاحسن فعلا انك تكشف في التوكيل الاول يمكن تطلع بسيطة و ما تكونش حاجة تكلفتها عالية و بعد كده يبقى ليك القرار في التصليح عندهم او لأ
بالتوفيق ان شاء الله