الموضوع: لمبه البطاريه

المشاركة الأصلية كتبت بواسطة adhmmaamon

دلوقتى انا ربنى اكرمنى امبارح وركبت دينامو استيراد (مرسيدس 70 امبير) من عند ميمى اللى جنب ام المصريين .. ناس محترمين ومعاملتهم تمام وخدت الدينامو على التجربه لحد يوم الثلاثاء .. وجبته ب250 جنيه.

المهم الكهربائى اللى ركبه شكر فيه جدا وكمان قاس شحنه بالاحمال 14 فولت . تمام؟؟
دلوقتى لما بدور العربيه لمبه البطاريه بتفضل منوره ومش بتطفى الا لما ازود بنزين ..بعد كده بيبقى كله تمام .. دلوقتى الدينامو القديم ماكانش بيعمل كده بمجرد ما ادور لمبه البطاريه والزيت بيطفوا ..

الكهربائى قالى ان تقريبا الالمانى كله كده (طبعا ده كلام اونطه ) وقال كمان امشى بيها شويه جايز من الركنه علشان الدينامو مركون يعنى يكون عايز شويه حركه ( برضه كلام اونطه ) كمان انا مركب اتنين جى ام وصب وكلام من ده ..لما الصوت بيعلى نور التابلوه بيضغف او بمعنى اصح بيلعب مع ان السير بتاع الدينامو مشدود كويس .. انا مشيت بيها النهارده حوالى 50 كيلو والشحن زى الفل (انا معايا افوميتر فى الشنطه مع باقى العده ) بعد المشوار ده ومع تشغيل الكاسيت والجى ام والمروحه الشحن الحمدلله تمام .

انا بس مش مضايقنى غير موضوع اللمبه اللى مش بتطفى الا مع تزويد البنزين .. مع العلم ان السلانسيه عندى تمام مش واطى ولا حاجه (اول الدوراه 600-700) ولما العربيه بتسخن وبرجع من مشوار بيبقى 800-900 ) .

كده ايه الكلام ؟؟؟
اسيبه كده ولا ارجعه ولا ايه ؟؟؟

ولا تزعل نفسك سيبة على كدا دا اختلاف مقامة الكتاوت نفسها يعنى لو ركبت كتاوت الدينمو القديم مش حتلاقى الموضوع دا ولو مضايقاك قوى ارفع السلانسية حبتين علشان الدينمو الجديد دا عاوز عددلفات اكبر**