برجاء الإقاده سريعاً بخصوص لانسر كريستاله 1998

**Ahmed8914** · 23-03-2014 12:20 PM

طمنا يا باشا عليك
عملت ايه و خلصت على كام

**ahmed_mashtoly** · 23-03-2014 01:15 PM

العقد ب 440 جنية

**mahmoud_ali** · 25-03-2014 03:09 AM

موفق فى الشراء

**mishmishy** · 01-05-2014 11:51 AM

ربنا يوفق بس العربية كدة ملعوب فيها وسيبك من المظاهر

**Mohab Marzouk** · 03-05-2014 02:34 AM

متأسف جداً على الغياب بس ماكنتش عارف أوصل للموضوع بصراحه
تم الشراء والتسجيل الحمد لله كالآتي
تم الشراء علي ٤٣ الف والحمد لله العربيه تمام وعملت انت فيها شوية حاجات كمان ودي تفاصيلها أسعارها
١- تم تغيير فرش الأبواب الداخلي + مكن الزجاج + تركيب مرايات كهرباء بالضفاير والمفاتيح بمبلغ ١٥٠٠ جنيه وعندي الحاجات القديمة لو حد محتاجها وحالتها جيده
٢- تم تركيب جلب المقصات الاماميه وثمنها ٤٠ جنيه
٣- قمت بشراء وتركيب فوانيس اماميه وخلفيه وثمنها ١١٥ جنيه الفانوس الأمامي الواحد و١٠٠ جنيه الفانوس الخلفي الواحد
٤- غيرت الزيت بموبيل ٥٠٠٠ كم وبعد شويه لاقيته نقص فافتكرت ان الموتور خفيف مع أني مش حاسس بكده في سحب العربيه إنما روحت اشحن التكييف لاقيت كذا واحد بيعانوا من نفس المشكلة مع زيت موبيل وعربياتهم موديلات حديثه
فقمت مغير الزيت تاني بس حطيت زيت شل وربنا يسهل ونشوف هايعمل إيه
٥- قمت بنقل العربيه لمرور عين الصيره بس اخذوا كل أوراق العربيه مني في المرور وادوني الرخصة بس حتي العقد المسجل والتوكيل وكل حاجه فهل ده عادي ولا إيه
٦- سافرت بالعربية مؤخراً إسماعيلية واسكندريه وأول امبارح ألمنيا وبصراحة مزعلتنيش في حاجه الا بس لما بشغل التكييف العربيه بتبقي عامله زى السحلفه وده تقريبا عشان الموتور ١٣٠٠

وأخيرا وليس آخراً متشكر جداً لكل الناس المهتمة واللى ساعدوني في اختيار العربيه دي وياريت لو حد عنده اي نصيحه بخصوص العربيه دي فياريت مايبخلش عليا بيها