الموضوع: من الصفر الي 300,000

المشاركة الأصلية كتبت بواسطة MAHMOUD MOHAMD

حضرتك ممكن تتجه للاستيراد من الصين ناس مشهوره فى مجال الكماليات عملت مكاسب وهميه من بيع المنتجات الصينيه ادخل على موقع زى aliexpress وخد فكره عن اسعار كماليات السيارات المطلوبه وهتلاقى فرق رهيب فى السعر بس امانه عليك لو عملت المشروع دا اكسب بما يرضى الله فى حاجات تمنها فى الصين لا يتعدى 50 جنيه وتباع هتا ب 200 300 400 ووالله فى اكتر من كده وسافر وهات بضاعتك من هناك وممكن تعمل خدمه توصيل وممكن تحزن بضاعتك فى بيتك وتبيع من على النت
بس فى اى مشروع متحطش فلوسك كلها فيه اعمل حساب اى مشكله وربنا يوفقك للى فيه الخير انا كنت بفكر فى المشروع دا بس ظروف شغلى لاتسمح ليا دلوفتى

السيد الفاضل MAHMOUD MOHAMD : أشكرك على مروك الكريم , وأوافقك بعض الشيء في موضوع الاستيراد من كوكب الصين الشقيق , ولكن هذا السوق تشبع جدا وفرصة التسويق ضعيفة جدا , وأنا اعلم أن أناس كثيرة تستورد بـ مبالغ زهيدة وللأسف تعيد بيعها بمبالغ لا ترضي الله . أكرر شكري لك ووضعت الموضوع في الحسبان .

شكراً جزيلاً

المشاركة الأصلية كتبت بواسطة amgomaa

الراجل ده بيقول كلام 100 ال 100 واحب اضيف حاول مترميش كل الفلوس اللى معاك فى مشروع دلوقتى اتقل شويه لغاية متشوف البلد رايحه فين

Sent from my GT-S5282 using Forum Runner

السيد الفاضل amgomaa : شكرا لمرورك الكريم , ووضعت رأيك في الحُسبان .

شكراً جزيلاً

المشاركة الأصلية كتبت بواسطة husseinsalah

انا ماعنديش حاجة معينة بس نصيحة ما تثتسمرش غير تلتين فلوسك على اقصى تقدير

العضو الفاضل : husseinsalah : شكراً لمروك الكريم ,

وأحيط علمكم أني أسير بمبدأ " لا تضع كل البيض في سلة واحدة "
أشكرك على مشاركتك

شكراً جزيلاً.

المشاركة الأصلية كتبت بواسطة S O P H O S

ربنا يوفقك ان شاء الله

العضو الفاضل S O P H O S : شكراً لمرورك الكريم,

وادعوا الله أن يوفقنا جميعاً.

شكراً جزيلاً

المشاركة الأصلية كتبت بواسطة م. حاتم السباعي

الاخ الكريم الفاضل المجتهد icbm

في البداية اللهم احفظ لك مالك و اجعله طريقا لك الي الجنة

نصيحتي اليك هي ان تقسم المبلغ الي ثلاثة انصبة اما بالتساوي او بنسب

و لا تدخل بيهم جميعا في عملية واحدة او مشروع واحد ابدا مهما كانت المغريات و مهما كانت الامال

فلا تضع كل البيض ابدا في سلة واحدة

و اري ان الاستثمار في مجال العقارات او الاراضي او اي شئ متعلق بهما شئ جيد

تحياتي اليك و ربنا يوفقك

السيد الفاضل م. حاتم السباعي : شكراً لمرورك الكريم, ومشاركتك الطيبة

أشكر دعائك الطيب , ونصيحتك المفيدة و وبالفعل أنا أسير على ما سبق وتفضلت به حيث " لا أضع كل البيض في سلة واحدة "

وسوق العقارات سوق جيد رغم التعثرات الحالية والركود الكبير للأفراد ولكن بكل تأكيد أوافقك الرأي فهو أستثمار جيد , ولا أنسى مقولة لأخ من الخليج قابلته منذ أربع سنوات حينما قالي لي " الأرض عندكم أغلى من البني أدم " وهي جملة تجمع خلفيات ومواضيع كثيرة لا وقت لها الآن.

أكرر شكري لك ,

شكراً جزيلاً.

المشاركة الأصلية كتبت بواسطة Ah.Farid

الموضوع جميل
وكل الاخوة ادلوا بأراء محترمة وخصوصا فكرة عدم استثمار كل اللى معاك مهما زاد او قل فى استثمار واحد؟
ودايما فية مقولة (شيل حاجة للزمن) الحاجة دة ممكن تبقى 25% من اللى معاك تحافظ علية وتبعدة عن شغلك

وكمان انك تشتغل فى اللى انت تعرفة كويس وبتحبة كمان ,,,,وامشى ورا دماغك سواء مكسب او لاقدر الله خسائر لية لان زى الدنيا لما بتعطى برضة بتاخد ودايما تعقلها وتتوكل على الله

اهم حاجة انك تعمل مخصص شهرى لعمل الخير وصدقنى الصدقات بتمنع حاجات وحشة كتير انا مثلا كل لما تزنق فى حاجة او تعصلج معاك حاول تتصدق بأى شىء ,,,,وهتشوف النتيجة وبيقولك ما ضاقت الا ما فرجت

ولك تحياتى وبالتوفيق

السيد الفاضل Ah.Farid شكراً لمروك الكريم ,

وكما تفضلت وأنا معك فـ كل من تكرم علي شخصي الضعيف وشاركني في الموضوع وأضاف كلمة أو جملة أو فكرة أو نصيحة وهذا يشرفني جداً وأضاف لي .

وأوافقك الرأي يا أستاذي الفاضل أيضاً في مقولة " شيل حاجة للزمن " وشخصي الضعيف أضيف انه أكيد بالربح وليس في شكل أوراق عملة مصرية.

وأنا معك بكل تأكيد في أن عدم نسيان الله الذي تفضل على شخصي الضعيف بكثير وكثير من النعم وأولهم الصحة , فـ يجب أن لاااااااااا ننسى العشور و المحتاجين والفقراء لأن ببساطة الله أعطانا لكي نعطيهم وهذا ليس كرم او سخاء منا ولكن مشاركة مِمْا أعطاه لنا ألهنا العاطي الذي لا يبخل علينا أبداً.
شكراً جزيلاً..

المشاركة الأصلية كتبت بواسطة Amro_ON

نصيحتي البلد في حاله غير مستقره...والقيمه الشرائيه للجنيه بتنزل بشده....اشتري اراضي او عقارات لحفظ قيمة فلوسك وفي نفس الوقت هيبقى استثمار كويس

بما اني عايش في الارياف فالناس هتجنن على الاراضي وسعرها ضرب بشكل غيرب كل واحد سحب فلوسه من البنك وبيشتري ارض سواء زراعي او بنا حسب امكانياته

لو عاوز فعلا تتاجر يبأ زي ما الاخوه نصحوك...خش مجال انت فعلا فاهم فيه كويس...وحتى ده لازم تدعبس وراه كتير قبل ما تدخل

السيد الفاضل : Amro_ON : شكراً لمروك الكريم


رأيك جيد ومفيد ووضعته في الحُسبان , وأوافقك فعلاً أن القيمة الشرائية للجنيه تنخفض بشدة.

شكراً جزيلاً