الموضوع: من الصفر الي 300,000

المشاركة الأصلية كتبت بواسطة A_H_M_A_D

أعتقد ان الصين هي هاتكون مفتاحك لتحقيق حلمك و للوصول الى هدفك

بس يبقى نقطتين مهمين

1- لازم يكون معاك شريك أمين و فاهم كويس و يسافر معاك و يعرف يوصل للاسواق المظبوطه هناك , وخلي بالك الغش هناك كتير قوي , لازم يكون معاك حد فاهم هو بيشتري ايه و بكام و بيدفع لمين

2- لازم تختار نوعية بضاعه تكون عارف كويس هاتصرفها فين و ازاي و امتى و بكام , يعني تكون عامل دراسه واعيه و شامله للسوق هنا في مصر و متطلباته و لازم يكون ليك علاقات مع تجار كبار وموزعين صغيرين

انا عارف ان الموضوع مش سهل , لكن مفيش حلاوه من غير نار , ولو نجح معاك بإذن الله هاتقدر تضاعف المبلغ ده كذا مره في فتره قصيره

السيد الفاضل A_H_M_A_D : شكراً لمرورك الكريم ,

نصائحك مفيدة بلا شك ولكن تختلف معي في مبدأ أنا لا أسير عليه وهو الشراكة , ثانياً السوق تشبع بالمنتج الصيني لأنه تقريباً لا يبقى غير كوب عصير القصب المنتج المصري والذي أخشى عليه من الصين .

شكراً جزيلاً.

المشاركة الأصلية كتبت بواسطة engonear

بسم الله الرحمن الرحيم
هتعمل مشروع هتلاقى الحكومه وقفالك بالمرصاد وعايزاك تفشل بكل الوسائل الممكنه
مشاريع ناجحه + ايدى عامله ماهره + رأس مال متوفر - ضرائب الحكومه - تسويق داخلى وخارجى = خساره فادحه
مصر الان بها جميع المشاريع ولكن مشكلتها الحصار الاقتصادى للسوق المصرى
توريد بضاعه من الخارج وبيعها داخل مصر بيضر بالعمله المصريه والايدى العامله المصريه
الغزو الصينى لمصر يعتبر أسوأ من احتلال الانجليز والفرنسيين

المجال المتاح حاليا ومكسب مضمون باذن الله
العقارات والاراضى
1- ممكن تشترى ارض وتأجرها بالمده او بالمشروع ولو عايز تسيبها فاضيه وتبيعها
لما سعرها يزيد
2- ممكن تشترى عماره فيها محلات وكل شهر تلم الايجار وبرضه لو جالك بيعه حلوه
اتوكل على الله

رأى يحتمل الصواب أو الخطأ
والله أعلى وأعلم

السيد الفاضل engonear : شكرا لمروك الكريم ,

شكراً على نصائحك وعلى وصف ما يحدث ألأن في استثمارات المشروعات في مصر , بالفعل رأيك يهمني ووضعته في الحُسبان .
شكراً جزيلاً ...

المشاركة الأصلية كتبت بواسطة Ahmed_Adham

حضرتك بما انك اشتغلت في كذا مجال يبقى الانسب انك تختار مجال منهم تكون عرفس اسراره وتشتغل فيه بحد أقصى بنص الفلوس اللي معاك أو لو حطيت الفلوس كلها متبقاش محتاجها دلوقتي في حاجه ويكون عندك حاجه تانيه تسند لو المشروع وقع او اتأخر في جلب ايراد.

لو اخترت مجال المعمار مثلا أنصحك تشوف الشقق صغيره الحجم تحت 100 متر اللي عمرها فوق 7-10 سنين وتشطيبها شبه مستهلك وتشتريها وتجددها وتعرضها للبيع. ميزه الشقق الصغيره دي ان الطلب عليها عالي وبتبيع بسرعه ولو عرضتها للايجار بتتأجر بسرعه عشان ايجارها مبيكونش عالي وعشان قديمه شويه محتاجه مصاريف هتاخدها بسعر حلو وتظبطها بخبرتك في المعمار وتبيعها.

بالتوفيق ان شاء الله.

السيد الفاضل Ahmed_Adham : شكراً لمروك الكريم ,

أستفدت من رأيك جداً ورأي وضعته في الحُسبان , أكرر شكري لك

شكراً جزيلاً.

المشاركة الأصلية كتبت بواسطة abo_anas

من الافضل ان تحصر عده اختيارات لا تتجاوز 3 أو 4 اختيارات لمشاريع يكون عندك فيهم خبرة والاخوة الاعضاء يقدموا ارائهم حول هذه المشاريع وفى الاخر تقدر تستقر على المشروع اللى هتشوفه مناسب ليك، وبالتوفيق

السيد الفاضل : abo_anas: شكراً لمروك الكريم ,

بالفعل جاري ما تفضلت به , واكرر شكري لرأيك الكريم .

شكراً جزيلاً

المشاركة الأصلية كتبت بواسطة new_reg

السلام عليكم انا لى وجهه نظر
تبارى الاخوه الاعضاء فى النصائح والمشاريع ولم يلتفتوا لشئ هام جدا..الا وهو حضرتك اكيد مش كل المبلغ اللى مع حضرتك نتاج وظائف بمعنى اكيد حضرتك بدأت بوظائف كما انت وضحت ثم دخلت فى شئ ما ....ومن هنا نبدأ حضرتك هتقسم المبلغ اللى معاك 3...الجزء الاول 100 الف تكمله فى مسارك القديم...الجزء الثانى 100 الف مقدم لاى شقه لان معروف العقار بيحافظ على القيمه...الجزء 3 هتخش به مشروع جديد اى كان....لو مش ناوى ترجع لمجالك هتقسم المبلغ 2 نصه لشقه والباقى لمشروع...خد بالك لازم تركز اوى انك نحط اى مبلغ فى شقه واوعى تخاطر بالفلوس كلها

اسيد الفاضل :new_reg : شكراً لمروك الكريم

واشكرك على النصيحة .

شكراً جزيلاً...

المشاركة الأصلية كتبت بواسطة saddam

صديقي المواطن
من خلال خبراتي وسفري في كذا مكان وفي كذا مجال ومع كذا شعب ففي مصر حاليا تكوين الثروات يحتاج إلى تعب كبير وتغيب كثير عن المنزل ومبيت خارج البيت فترات متواصلة وحاليا أنجح مشروع هو زراعة اﻷراضي الجديدة فمصر فيها فجوة غذائية شديدة وكل ما تنتجه مباع بفضل الله ولكن هكذا مشاريع تحتاج رؤوس أموال وتعب شديد ومتابعة وتظافر جهود وأيدي عاملة وأنا بفضل الله ربنا بعتلي من عندي وقمت مع عدد من الشركاء بشراء قطعة أرض 220 فدان وقطعة أخرى 10 فدان وإبتدئنا العمل وتمت تسوية اﻷرض ومد أجزاء من شبكة الري وحفر 3 آبار وباقي مساحة من اﻷرض حولي كنت أنتوي عرضها للمشاركة على كل أحبائي في المنتدى فأنا شايف إن الزراعة الصح مكاسبها وهوامش أرباحها السنوية من 40 إلى 80% بس محتادة تعب جبار ولم يصبها الكساد كما أصاب كل مفاصل الجمهورية
وحاليا مفيش أي مشروع يطلع هوامش الربح دي حتى فوائد البنوك متوصلش اﻷرقام دي بتاتا ومشكوك بحليتها من حرمتها
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

السيد الفاضل : saddam : شكراً لمرورك الكريم,

مما لا شك فيه أن الزراعة هي عماد أقتصاد الدول ولكن بكل أسف مصر التي عَلمتْ العالم كله الزراعة وكانت في حقبة من حقائب القرون الأولى سند ومدد لمجاعات دول أخرى ,, أصبحت لا ترعي الزراعة نهائي ومع علمي البسيط أن الزراعة مكسبها مربح ولكن دون رعاية الدول فـ هو مشروع مليء بـ 80% من المخاطر .

شكراً جزيلاً

المشاركة الأصلية كتبت بواسطة DODGE2013

ابعد عن الفوركس خليك في البورصه المصريه او اشتري ارض وانساها

او اشتري محل او شقه وأجره

السيد الفاضل : DODGE2013 : شكراً لمرورك الكريم ,,

أنا بعيد كل البعد عن الفوركس وما شبه ذلك , وللأسف خبرتي ضئيلة جدا في البورصة وأعتقد أن المبلغ البسيط الذي انعم الله عليا به لا يتحمل قوة حركة مؤشر البورصة في الوقت الحالي ..

شكراً جزيلا..

المشاركة الأصلية كتبت بواسطة Ahmed abdkarim

تشترى شقةوتأجرها لو انت فى القاهرة 300 الف يشترو شقة وممكن تتأجر من 1200 : 1500 فى الشهر يعنى من14500 : 18000 سنويا ده غير ان قيمة الشقة بتزيد عكس لو انت حطيت الفلوس فى البنك

السيد الفاضل : Ahmed abdkarim : شكراً لمرورك الكريم ,

أعتقد أن شراء شقة في القاهرة بـ 300 ألف لجني راتب شهري في حدود 1500 جنيه مصري هو بعيد كل البعد عن طموحي حيث كان بالأحرى أن أستمر في أعمال قمت بها عادت علي بأكثر من 1500 في الشهر .

شكراً جزيلاً...