مش عارف ليه حاسس نهي المفروض ترد في الموضوع ده :D
انا أعتقد الماتيريا كمالياتها أكتر ( ABS + EBD ، جنوط سبور أصلية ، كاسيت السيارة الأصلي مدمج في التابلوه + الحاجات بقي اللي هي التكييف و الباور و ال 4 إزاز كهرباء + 2 إيرباج + زجاج مظلل فيميه خلفي فابريكة مثبت علي الرخصة .. انا شايف دي ميزة في بلد كله فيها فاتح النور العالي بدون لازمة انا شخصيا بروح بيتنا كل يوم بصداع و بفكر أفيم و اللي يحصل يحصل + فوج لايت )
العربيتين توكيلاتهم محترمة و إن شاء الله مش هتواجه مشكلة مع أي منهم
بس الماتيريا وسعها من جوة غريب .. بجد صالون شقة مش صالون عربية .. يعني مساااااااااحة ! مهما كان أحجام الناس اللي راكبة هيقعدوا مستريحين جداَ .. غير كدة شكلها مميز و مختلف عن باقي السيارات
و بما إنك هتجيب أوتوماتك .. فا بينصح بعدم شراء أوتوماتك كوري لأن بيظهر فيه مشاكل بعد كدة و الله أعلم فا طالما ناوي عالأوتوماتك خليك في الياباني اللي لم يظهر فيه أي مشاكل و الأوتوماتك بتاعه ناعم و سريع كما أن السيارة أعتقد موفرة للوقود عن السيراتو والمعروف عن دايهاتسو إنها معمرة .
انا رأيي ماتيريا بس الأفضل تنزل المعرضين كيا و دايهاتسو تركب الإتنين و تشوف إنت أنهي مياله أكتر و مستريح في قعدته أكتر و حابه أكتر .
لو قريب من المهندسين هتلاقي دايهاتسو في أحمد عرابي و كيا في سور نادي الزمالك أول يمين بعد McDonalds جامعة الدول أمام مسجد الحامدية الشاذلية .
و ربنا يوفقك في الإختيار إن شاء الله .
المفضلات