الموضوع: انهى الأحسن الماتيريا الأوتوماتيك ولا السيراتو الاوتوماتيك

بصراحة انا شايف الماتيريا إنتشرت عن الأول .. يعني زمان مثلاَ كان نادر اما تخرج و تشوفها دلوقت بخرج و أشوفها كذا مرة في الطريق و اما بروح أعمل الصيانة للسيريون بلاقي أكتر من نص الورشة ماتيريا فا هي إبتدت تنتشر و الناس تقتنع بيها .. كمان مبقاش فيه عربية منتشرة الإنتشار الفظيع دلوقت لأن كل فئة سعرية بقي فيها بدل الإختيار عشرة و الواحد بيقعد محتار بالشهور يجيب إيه ولا إيه ده غير إن كل عربية بقي فيها كذا موديل إللي من التوكيل و اللي خليجي و اللي و اللي فا السوق بقي مفتوح .. يعني فيما عدا الفيرنا اللي هي تعتبر حالة شاذة للإنتشار الرهيب .. تلاقي معظم العربيات قريبة من بعض في الإنتشار .. مثلا الكورولا الجديدة إنتشارها زي اللانسر شارك زي إنتشار السيفيك .. كمان بقي فيه إتجاه عالمي في شركات السيارات إن الموديل شكله يتغير كل 4 أو خمس سنين .. فإذا قارنت الشكل الحالي للسيراتو هتلاقي إنتشاره مش بعيد عن الماتيريا و في نفس الوقت هتلاقي قطع غيارها مش متوافرة زي الفيرنا مثلا لأن بقالها 10 سنين بالشكل فا قطع الغيار الخارجية متغيرش شكلها بينما الموديلات الجديدة بعد كدة شكلها هيتغير كل شوية .. السيراتو تتفوق في إعادة البيع لأن لها تاريخ قبل كدة و شكل قبل ده فا معروفة .. إنما الماتيريا كسيارة و تصميم و كل حاجة .. شئ جديد علينا .. و متنساش إن ورا العربية توكيل يدعمها و يوفر لها قطع الغيار و إن دلوقت بقي فيه جهاز حماية للمستهلك مش بيهزر و التوكيل ملزم بتوفير قطع الغيار و طول منتا ملتزم بالصيانة الدورية مش هيحصلك مفاجأت إن شاء الله و تحتاج قطع غيار مش معمول حسابها .. و بعدين دا دلوقت الواحد مبيلاقيش الفلتر السبور بتاع عربيته في مصر بيبعت يجيبه من عالنت من قارة تانية .. و فيه تجربة أبو عبد الله لأن السيريون الفوج لايت بتاعها مش متوافر في مصر فا بعت جابه بالإكصدام المخصص له من اليابان تبع التوكيل .. فا بإذن الله مفيش مشاكل في موضوع قطع الغيار لأن التوكيل مش هينزل العربية و يسيبها كدة

كان فيه سؤال ليا يا ريت لو حد يعرف الإجابة يقولي .. هو المواتير ال 1500 الدايهاتسو متشابهة ؟ يعني موتور السيريون ال 1500 هو نفس موتور الماتيريا مثلا؟ عشان لو كدة أكيد هيبقي فيه قطع غيار مشتركة بين السيارات

كلامك صح يا موتو فعلا .. انا لو مكانك كدة و عارفة ان السيراتو خلاص شكلها هيتجدد مجيبهاش و اجيب ماتيريا بجد

المشاركة الأصلية كتبت بواسطة amr fahmy

ياعم سيبك من الاثنين و لو تقدر تزود شوية و هات مازدا 3 , عربية تحفة بجد.........

يا عم حرام عليك ده احنا ناس غلابة مازدا 3 مرة واحدة

المشاركة الأصلية كتبت بواسطة thedarkman82

على فكره الموضوع فعلا محير وانا واحد من الناس اللى شايف السيراتو عربيه مش ناقصها حاجه وسعره منافس جدا وكنت شايف انها تعتبر الاحسن فى فئتها وافتكر الاعضاء معظمهم قالوا ارائهم بحياديه وبطريقه عمليه حتى نها اللى تعتبر مالكه للسيراتو نصحت بالماتريا وبصراحه العربيتين فعلا الاختيار بنهم صعب والناس كلها تطرقت لمميزات وعيوب السيارتيين لكن انا عندى سؤال هل الماتريا فعلا عزلها وحش والعربيه بتعمل صوت غريب بعد فتره؟الكلام ده صح؟وكمان عايزين نقارن بين التوكيلين من وجهه نظركم ياجماعه.
كل سنه وانتم طيبين جميعا.

ياريت فعلا حد يفيدنا فى موضوع العزل ده و كنت سمعت عن موضوع الصوت ده ارجو الإفادة من الخبراء