انا هتكلم عن توكيل دايهاتسو اللي بتعامل معاه و هقولك بحيادية شديدة رأيي
مميزاته : خدمة ممتازة ، مهندسين بشوشين بيتكلموا معاك في كل كبيرة و صغيرة و لو عندك مشكلة بيشرحولك سببها إيه و إزاي تتفاداها ، أي ملاحظة ليك بيهتموا بيها و بيجربوا معاك العربية بعد تصليح العيب اللي لاحظته ، مكان إنتظار أنيق و مكيف و بتبقي شايف العربية من الإزاز و هما شغالين فيها أكنك في الورشة ، بتخش تسلم العربية للمهندس و بتقولوا ملاحظاتك تلاقي كل حاجة إتعملت فيها و إنت قاعد فوق و تطلع مغسولة برة و جوة تركبها و تمشي .
عيوبه : مركز الخدمة صغير لذلك اما بتحجز معاد للصيانة بيكون بعيد .. بس ده هيتحل بإفتتاح مركز جديد في أبو رواش في مارس ، ساعات بيحصل تأخير في بعض قطع الغيار لأن بيقولوا إن لهم مشاكل مع الجمارك عشان مبيرضوش يدفعوا رشاوي فا الحاجات بتتأخر ، مش بيسمحوا بأي لعب في العربية برة التوكيل لذلك لو حبيت تركب إنذار أو أي حاجة لازم تشتريها و تركبها في التوكيل بالغالي و إلا الجزء اللي إشتغلت فيه يخرج برة الضمان.
المفضلات