احسيبها صح... تعيشها صح!!!

**Ramy.Gamal** · 03-10-2008 02:35 PM

سلسله اعلانات مستفزه جدا وامتداد طبيعى للاسقاط الذى يعانى منه الاعلام المصرى

**جمال** · 03-10-2008 04:12 PM

الاعلانات دى الغرض منها تأديب الشعب
معناها باختصار

عيش على قدك و ماتبصش لفوق , وسيبنا فى حالنا و متبصش للقمة الكرواسون اللى فى ايدنا

انظر التوقيع

**homme49** · 03-10-2008 05:17 PM

المشاركة الأصلية كتبت بواسطة ahmodium

فلان الفلاني
بدل ما بيطلب دلفري
بيعمل عجه في البيت

والشباب بدل ما تركب كل واحد عربيه
ركبوا مع بعض ووفروا بنزين

والهانم بدل ما اشترت علبه دواء... اشترت شريط واحد
اصل الدواء بتاخد منه قرصين وبيتركن لغاية ما الصلاحيه تنتهي

_ _ _ _ _ _ _ _ _ _ _ _ _ _ _ _ _ _ _ _ _ _

يعني بدل ما يحاربوا الاحتكار وغلو الاسعار وارتفاع تكلفة المعيشه وانتشار الجريمه وانتشار السرقه والرشوه و تدني الدخول
أصبحت المشكله فينا احنا
احنا اللي مسرفين

__________________________________________
و ربما أن السبب فى غرق العبارة أن الركاب ما بتعرفش تعوم

**Dr.A.Nabil** · 03-10-2008 08:01 PM

بص يا استاذ شريف خليفه
كل سنه وانت طيب الاول

التوعيه ضد الاسراف ماتكنش في الحاجات الطبيعيه والاساسيه ابدا ابدا لانها ضروريات في الحياه ولا يمكن الاستغناء عنها

التوعيه في الاسراف تكون في الكماليات الزائده او الفائضه او اللي مالهاش لازمه
-التدخين.. محاربة الدروس الخصوصيه
-الجامعات الخاصه..(انا اعرف واحد حط تحويشة عمره لتعليم ابنه في جامعه خاصه)
-الشراء بالتقسيط

انما الحاجات اللي الاعلان بيناقشها دي مش اسراف
ده بيناقش ان ازاي توفر كمان من اساسيات الحياه.. الدواء... الاكل ... البنزين

وده توجه خطير جدا جدا جدا

بكره يطلعلونا قانون بتحديد عدد الاطفال لكل أسره

ربنا يستر

**TaoTao** · 03-10-2008 11:02 PM

هو طبعاً ملاحظة السادة الدكاترة أكيد في محلها بخصوص جرعات الدواء (وكمان أنا شايف الإعلان بيشجع تناول العلاج عشوائياً دون الرجوع لطبيب)

ولكننا في أمس الحاجة لإعلانات تحث المواطنين على ترشيد الاستهلاك .. مش عشان احنا السبب في الغلا والكلام الفاضي اللي يفور الدم اللي بيتقال في الإعلانات .. ولكن لأن ترشيد الاستهلاك من السنن الحميدة أولاً ولأنه حفاظ على موارد الطبيعة التي حباها الله لنا ولأن فيه أيضا اقتصاد للمصاريف اليومية للأسرة. بس ياريت تكون الإعلانات أذكى شوية من اللي بتتعمل حالياً

أما بقى بالنسبة لفشخرة منظر وزوجها النطع .. ده إعلان يفور الدم بجد .. السبب في ارتفاع الأسعار هو الاحتكار