تحذير هام جدا من اولاد بيومي بمنطقة الدقي للكاوتش

**MuslimMeskeen** · 02-04-2014 08:46 PM

المشاركة الأصلية كتبت بواسطة amrelsaqqa

مالهاش علاقة العربية زيرو ولا لا
انا غيرت فردة تالت يوم للعربية وكانت لسة 200 كيلو مش 2000
اي فردة معرضة تتقطع او تعمل بلونة في اي وقت ومالهاش علاقة بالتاجر
انت قدامك الفردة جديدة وماركة نضيفة ومش مضروبة وتاريخ انتاج حديث ، ده اللى ليك عند التاجر

أتفق بشدة مع هذا الكلام، وأضيف إن المحل ده له سمعة محترمة جداً وأسعاره جيدة، وبضاعته ممتازة، ودايماً شغاااال بضاعته حديثة مبتتركنش.. فده مش عيب تاجر، ولا عيب صناعة فردة، ده قضاء وقدر فلتصبر ولتحتسب.. وياريت فعلاً تغير عنوان الموضوع للأسباب اللي أ. كريم منير ذكرها.

**lanos2004** · 03-04-2014 01:50 AM

انا بروفايل 60 وفى 3 شهور والله غيرت 3 فرد ومن نفس المطب-لحد اما بطلت امشى فى الشارع دة يمين
مطبات مصر لا ترحم
بس انا ليا تجربه معاه كنت بشترى كمهو ايكستا من عندة جابلى كاوتش كمهو سولو -تقريبا-وبيقولى دة اكستا-ومصر انه اكستا وعاوز يركبه-ضربت نفسى على قفايا وطلعت اجرى واشتريته من المعادى

**Hazem_Ahmed** · 05-04-2014 03:47 PM

المشاركة الأصلية كتبت بواسطة lanos2004

انا بروفايل 60 وفى 3 شهور والله غيرت 3 فرد ومن نفس المطب-لحد اما بطلت امشى فى الشارع دة يمين
مطبات مصر لا ترحم
بس انا ليا تجربه معاه كنت بشترى كمهو ايكستا من عندة جابلى كاوتش كمهو سولو -تقريبا-وبيقولى دة اكستا-ومصر انه اكستا وعاوز يركبه-ضربت نفسى على قفايا وطلعت اجرى واشتريته من المعادى

احترس بقا المره اللى جايه ونصيحه متمشيش ف شوارع مسر تانى :)

وكويس انك خت بالك قبل ما يضحك عليه لانه عارف وفاهم كويس قوى وبيستهبل عليك وعايز يبيع وخلاص لان ده مكتوب عليه النقشه والتانى كذلك فمش محتاجه فقاقه

بس سيبك انك من الكلام ده التوقيع بتاعك جاااااااااااااااااااااحد :))))))))

**محمود سامح** · 05-04-2014 05:00 PM

البلونة ليس عيب صناعة ولكن عيب مطب غويط حصل معى 3 مرات وغيرت الجنط من 17 الى 15 وامرى لله

**abdulkhaleq** · 05-04-2014 08:20 PM

المشاركة الأصلية كتبت بواسطة amro0000

ياباشا دا اسمة نصب صدقني واحنا الي بنكون الضحية في الاخر يعني اية فردة رياضية ومصممة للجري والحجات دي تعمل كدة مع اول مطب عادي دا اسمة عيب صناعة ونصب وغش من التاجر دي فردة ب الف جنية والله حرام ميرضيش ربنا الكلام دا

بص انا ماعرفش مين دول ولا اعرف حد بيشتري منهم اصلا
فرد رياضيه مصممه للجري في شوارع
اللي عندنا دول مش شوارع
تقريبا كانت معموله لأيام البغال والحمير بس نسيوا يعدلوها
هنا في مصر تجيب اكبر بروفايل لجنط العربيه الاساسي اذا امكن وبس
وفكك من الشكل الرياضي وكده

**micromoud** · 05-04-2014 09:30 PM

عن تجربه واقعيه مع بريدج ستون وجنط 17 3 فرد مكملوش 1000 كيلو ومنهم واحد خد مطب وفرقع والتانى ضرب بالونه ولاخدنا منهم لا حق ولا باطل ...

**houseiny** · 07-04-2014 10:15 PM

على فكرة ياباشاانا لسه شاري كارينز 2014 من حوالي كام شهر ، وبص بقي يا سيدي اللي حصل في الكاوتش غيرت اول فردة بعد 300 كيلووروحت غيرتها من عند غطاطي اللي عند كارفور المعادي ، ومن يومين غيرت الفردة هي هي ، عشان كلت بيها نقرة لا تذكر في نفق التجمع اللي عالدائري ، والله كنت هاعيط ، وركبت فردتين قدام بريدجستون ياباني ، وربنا يستر عشان تعليق الاستاذ ميكرومود بيقول انه بريدجستون كمان عملت بلونة ، والله وانا في بريدجستون سالته على الرن فلات قولت خليني اخل بقى وانسي قصة البلالين دي ، قالي يبقى هتغير عفشة كاملة ومساعدين بعد 200 كيلو والمساعد هيخر زيت او لماتطلع ، عشان الرن فلات ناشف حجر ، وهيهد حيلك ، ده بيركب على العربيات الخدة الشاقة والعفشات المحترمة زي بي ام ومرسيدس ولاند روفر والحاجات الفتيقة دي ، مستني بس ربنا يكرم بفلوس واغور طقم الجنوط ده في ستين دهية واجيب طقم 16 ويعوض عليه ربنا ، محدش يعرف يتباع على كام وطقم جنوط 16 يعمل كام