العربية سخنت بدون سبب

**MoustafaElfaek** · 18-03-2014 01:04 PM

السلام عليكم
انهاردة كنت ماشى بالعربية وفجأة لقيت بخار طالع من جنب التابلوه
بصيت على مؤشر الحرارة لقيت العربية سخنة (دخلت فى المنطقة اللى متقسمة لشرط فى الآخر)
وقفت بسرعة وبطلت العربية ونزلت أبص على المروحة لقيتها شغالة ولقيت قربة المية عمالة تطلع فى بخار ومية رحت مهويها بسيط عشان تفرغ البخار اللى فيها الملاحظ ان المية اللى نزلت كانت بنى (غالبا مصدية)
معلومة بس انا مزود مية الصبح قبل ما أنزل
المهم سبت العربية بردت شوية,وبعدين دورت وزودت مية وكملت مشوارى (كنت خلاص جنب الشغل) العربية ماسخنتش, والمروحة كانت بتشتغل وبتفصل عادى جدا
حد عنده تفسير للى حصل ده؟

**IbrahimMetawea** · 19-03-2014 01:38 AM

غطا قربه المايه باظ ولازم يتغير
الحقه قبل متجيب وش سلندر

**FAR!D** · 19-03-2014 02:59 AM

بص ده مش تفسير بس الاكيد مادام لقيت الميه بني يبقى الدوره مليانه صدا
حتحط بتاع معلقه شاي بيكروبونات الصوديوم ( عن تجربه) مع ميه القربه و تاخدها لحد بتاع الريداتيرات بس تكون العربيه لحقت تسخن شويه و تقولوا عايز انضف الدوره بس يخلع الريداتير مش في مكانه و ينضفلك القربه و زود بعديها ميه خضرا
سبب السخونيه :
1- غطا قربه
2- هوا زياده في دوره التبريد
3- سدد نتيجه ( اسف) وساخه أو صدا في الدوره
4- ترموستات كوعه علق مفتوح و رجع اشتغل تاتي
5- المروحه هيست شويه و اشتغلت
كتييييير بي خالي بالك حوار الميه الخضرا او البيكربونات شرطه ماتكونش موديل قديم اوي و بقالها زمن بتحط ميه حنفيه

**MoustafaElfaek** · 20-03-2014 01:29 AM

المشاركة الأصلية كتبت بواسطة mostafanageib

لسة حاصل معايا نفس الحوار دة بالظبط بس سيبتها تبرد لوحدها وانا كنت جنب البيت و بعدين نزلت زوتلها مية بليل و من ساعتها شغالة زى الفل اعتقد كانت تهيسيت مروحة

هى الحمد لله ماعملتهاش تانى من ساعتها.....بس انا طول مانا سايق اعصابى مشدودة