صوت مجنني في التابلوه بقاله 3 شهور

**shiko85** · 18-03-2014 05:58 PM

من غير ضحك
ممكن تكون سلسله المفاتيح

**rifaee** · 18-03-2014 10:29 PM

المشاركة الأصلية كتبت بواسطة shiko85

من غير ضحك
ممكن تكون سلسله المفاتيح

أنا واحد صحبي كان عنده صوت كده مجننه لحد لما اكتشف انه استيك ساعه ايده

**madoahmad** · 19-03-2014 08:44 AM

المشاركة الأصلية كتبت بواسطة rifaee

أنا واحد صحبي كان عنده صوت كده مجننه لحد لما اكتشف انه استيك ساعه ايده

يا باشا انا من كتر جناني . اول ممديت ايدي في التابلوه من شهرين عشان اعرف الصوت من ايه والدبله خبطت في العمود الحديد الي بالعرض ده ... قولت خلاص لقيت الحل وقلعت الدبله..ههه

**أحمد البيومى** · 19-03-2014 03:38 PM

جرب حضرتك إخبط الكاوتش برجلك أو خبط عليه جامد بإيدك الكاوتش الموجود فى الناحية اللى شاكك إن الصوت ناحيتها لو سمعت الصوت يبقى المسمار اللى ماسك الفرامل بالطنبورة فيه بوش وبيعمل صوت شخلله كدة زى صوت الصاجات وبيبقى مسموع من جوة العفشجى بيلف عليه شيكرتون الصوت بيروح إن شاء الله أو تغيره أفضل طبعا .. دا عن تجربة سابقة وليست خبرة

**madoahmad** · 30-03-2014 04:06 PM

انا بجد احترت يا جدعان ...عملت كل المحاولات ومفيش فايده ... والصوت ده رخم جداً اكنك راكب شخليله مع المطبات... بس حاسس انه في صدر العربية ومش قادر اوصله اعمل ايه؟؟؟

**مصطفى-حسن** · 30-03-2014 10:19 PM

المشاركة الأصلية كتبت بواسطة madoahmad

انا بجد احترت يا جدعان ...عملت كل المحاولات ومفيش فايده ... والصوت ده رخم جداً اكنك راكب شخليله مع المطبات... بس حاسس انه في صدر العربية ومش قادر اوصله اعمل ايه؟؟؟

كان فية عندى صوت شخللة بيروح وييجى جوة الصالون وفى الاخر طلعت صامولة تثبيت فى صدر العربية من ناحية الموتور مهوية شوية وقدام منها وردة .......الوردة دى بقة هيا اللى كانت عاملة الشخللة ومسمعة جوة العربية

جرب تفحص كل حاجة مربوطة فى صدر العربية من عند الموتور سواء من فوق او من تحت

**مصطفى-حسن** · 31-03-2014 01:57 PM

المشاركة الأصلية كتبت بواسطة madoahmad

هو انا اقدر افك التابلوه كله ولا الموضوع صعب عليا ...

قصة كبيرة شوية وفيها شحن فريون ب 150ج

المشاركة الأصلية كتبت بواسطة madoahmad

نزلت قلبت دلوقتي في صدر العربيه كله لما هدومي بقت شحم .. وبردو مش لاقي السبب ..بس انا بسمع الصوت من جوه العربية وحاسس 90% انها حاجه جوه التابلوه او في الصدر من جوه او من ناحية الكورنر اليمين ...

فية اتجاهين

الاول ان فية حاجة معدن ساقطة جوة العلبة اللى بتوزع الهوا ومحصورة فى المسافة بين علبة التوزيع والفتحة بتاعة الهوا اللى على الشمال قدام السواق

ودى عشان نتأكد منها هتحرك بكرة توزيع الهوا اللى هيا على اليمين فى كل الاتجاهات بدون تشغيل المروحة وفى نفس الوقت هتحرك البكرة بتاعة السخن والبارد ودة كلة عشان ننزل الحاجة المعدن دى على سربنتينة السخن وساعتها هقولك نطلعها ازاى

الحاجة التانية ودى الاسهل انك تعمل زى ما قلت لك وتنام على ظهرك جوة الدواسة بتاعة السواق وتاخد كشاف معاك وتسند بدماغك على الدواسات وتفحص الحتة دى كويس قوى وانا متابع معاك

**madoahmad** · 19-03-2014 08:29 AM

المشاركة الأصلية كتبت بواسطة shiko85

من غير ضحك
ممكن تكون سلسله المفاتيح

مش قادر مضحكش عشان انا بقول كده للي بيركب معايا ويسمع الصوت ده ....بقوله ده ريموت العربيه ههههههههههه

الموضوع: صوت مجنني في التابلوه بقاله 3 شهور

LinkBack

أدوات الموضوع

عرض

العرض المتطور

- انشر الموضوع فى :

-

-

المواضيع المتشابهه

50 الف 10الاف كل 6 شهور مع التخليقى- دلوقتى 5 الاف كل 6 شهور اغير معدنى ولا لأ?.

2 لتر و حبه زيت فيسكو 2000 بقاله 3 شهور بس او اقل

2 لتر و حبه زيت فيسكو 2000 بقاله 3 شهور بس او اقل

جى ام للبيع والسبب سوء البطاريه ولسه بقاله تلات شهور

الكلمات الدلالية لهذا الموضوع

المفضلات

المفضلات

ضوابط المشاركة