صوت مجنني في التابلوه بقاله 3 شهور

**madoahmad** · 18-03-2014 02:36 PM

عندي صوت بسمعه مع الطرق المكسره او مع مطبات الهوا ...الصوت ده عامل زي خبط الدبله في الحديد .أو فيشه بلاستيك في حديد أو حديد في فيبر التابلوه.اكن في حاجه متعلقه ولما العربيه تتهز جامد تخبط في حديد وبعدين يروح..مكانه مش قادر احدده بس تقريباً من ورا العدادات او ورا فتحه التكييف بتاعة السائق ..وفكيت وش التابلوه كله كذه مره وفي الاخر مش بلاقي حاجه ولزقت دبل فيس وعملت سلوك الكهربا بافزان... بس الصوت مضايقني جدا جدا...لو حد عنده فكره ممكن يكون ايه؟؟؟؟؟

**مصطفى-حسن** · 18-03-2014 03:16 PM

انا فكيت المنطقة دى كلها
والحاجة الوحيدة الى بتبقى سايبة او بتعمل الصوت اللى انت بتوصفة مش هتيجى من ورا العدادت خالص
الصوت دة غالبا جاى من حوالين قطمة الدركسيون وبيسمع لفوق
رجع الكرسى بتاع السائق لورا ونام على ضهرك فى الدواسة وخد كشاف معاك وافحص المنطقة دى بتانى وصبر

**مصطفى-حسن** · 18-03-2014 04:50 PM

المنطقة دى مفيهاش اى حاجة تعمل الصوت اللى انت بتوصفة
لان المنطقة دى مفيهاش حديد

فعشان كدة انا بقولك احتمال الصوت دة يكون جاى من تحت من حوالين قطمة الدركسيون وبيسمع فوق

حاول تعمل زى ما قلت لك بكشاف ومتابع معاك

وخلى بالك ممكن يكون من صدر العربية من برة ومسمع جوة التابلوة

**rifaee** · 18-03-2014 10:29 PM

المشاركة الأصلية كتبت بواسطة shiko85

من غير ضحك
ممكن تكون سلسله المفاتيح

أنا واحد صحبي كان عنده صوت كده مجننه لحد لما اكتشف انه استيك ساعه ايده

**tarek_2005** · 19-03-2014 08:19 AM

دا غالباً الافيز الحديد الي ماسك سربنتينة السخن هوا الي بيخبط لانه ممسوك في فبر وسهل يطق وبيخبط في جسم سربنتينة السخن وهوا الي عامل الاصوات دي اكشف عليه وممكن تهز خراطيم سربنتينة السخن من كبوت العربية لو سمعت الصوت يبقي هوا الي عامل المشكلة

**madoahmad** · 19-03-2014 08:31 AM

المشاركة الأصلية كتبت بواسطة tarek_2005

دا غالباً الافيز الحديد الي ماسك سربنتينة السخن هوا الي بيخبط لانه ممسوك في فبر وسهل يطق وبيخبط في جسم سربنتينة السخن وهوا الي عامل الاصوات دي اكشف عليه وممكن تهز خراطيم سربنتينة السخن من كبوت العربية لو سمعت الصوت يبقي هوا الي عامل المشكلة

فعلا احتمال يكون كلام حضرتك صحيح .. بس هو الافيز ده في المكان الي وصفته كده ؟؟ انا هشوف فين الخراطيم ديه واهزها وربنا يسهل

**madoahmad** · 19-03-2014 08:35 AM

المشاركة الأصلية كتبت بواسطة zarif

المنطقة دى مفيهاش اى حاجة تعمل الصوت اللى انت بتوصفة
لان المنطقة دى مفيهاش حديد

فعشان كدة انا بقولك احتمال الصوت دة يكون جاى من تحت من حوالين قطمة الدركسيون وبيسمع فوق

حاول تعمل زى ما قلت لك بكشاف ومتابع معاك

وخلى بالك ممكن يكون من صدر العربية من برة ومسمع جوة التابلوة

حضرتك فكيت العدادات زي الصورة بالظبط ومشيت بالعربية عشان اسمع الصوت ... لقيته تقريبا من جنب فتحة التكييف ديه من جوه خالص حاولت امد ايدي للاخر موصلتش بس انا حاسس ان الصوت ده من الكورنر يعني عند صدر العربيه ...لدرجة اني قربت اقطع الاسفنج الي بيكون جوه ده