الموضوع: وركبت السنسور بارك بتاع التوكيل

المشاركة الأصلية كتبت بواسطة mkaram84

انا اتصلت على التوكيل ولقيت السنسور بارك موجود في العبور ب 404 غير التركيب
وحجزت الحمد لله يوم الثلاثاء الساعة 9 ان شاء الله

لو سمحت يا عادل باشا - هو التركيب اخد وقت منك اد ايه؟ عشان اعمل حسابي اذا كنت هاخد اليوم كله اجازة ولا لأ
وسؤال كمان يا عادل باشا لو سمحت - انت مركب انذار في التوكيل؟ طيب لو الاجابة بنعم - في اى فرع عشان انا دايخ عليه؟

والله الموفق

معلش سامحنى
أنا ما ركبتش جهاز أنذار في العربية لأنى بأركنها في جراج تحت البيت على طول و خليك معاهم على طول تكلم قطع الغيار في الفرع اللى أنت عايز تركب فيه و بعدين تقفل و تحجز تركيب دى احسن حاجة

ماعلش يا أستاذ مكرم فترة تغيير الفصول بتبفى وحشة لكل الأطفال أنا أبنى كمان كان تعبان أمبارح المهم ألف لابأس عليه طبعا اللى حصل عندك مش طبيعى أنت بترجع لورا لو في عائق حتزمر العربية زمارة متقطعة - لو المسافة بينك و بين العائق اللى وراك أقل من 2 متر و أنا حسبتها -و بعد كده تزمر زمارة متقطعة سريعة -لو المسافة بينك و بين العائق اللى وراك أقل من1 متر- و بعد كده تزمر زمارة طويلة بلا تقطع-لو المسافة بينك و بين العائق اللى وراك أقل من 10 سم و لو العائق في الجنب اليمين حتلاقى الصوت طالع من اليمين و لولو العائق في الجنب الشمالحتلاقى الصوت طالع من الشمال ده اللى بيحصل عندى و على فكرة و أنا مشغلالكاسيت المفروض الكاسيت يفصل أو يتعمل كتم للصوت أول ما أرجع ورا لكن ده ما بيحصلش عندى لكن الصوت عالى جدا أعلى بكتير من صوت الكاسيت علشان كده مش فارقة معايا أنه يكتم الصوت بتاع الكاست