صني الشكل القديم

**أحمد خاطر** · 19-03-2014 09:29 AM

السلام عليكم يا شباب ..
أنا كلمت رقم خدمة نيسان مصر و قالولي إن سعر العربية أتوماتيك 102 ألف..
فأنا عاوز احجز العربية..كلمت أوتو إيجبت قالولي معندناش حجز..وقفنا الحجز..
و في المعرض مكنش فيه حجز للصني الشكل القديم و القشقاي..
حد عنده فكره أحجز منين..؟ و دفعة الحجز قد إيه..؟ و الإستلام بعد قد إيه..؟
شكراً ليكم مقدماً..

**akmm** · 19-03-2014 10:25 AM

مجرد راى شخصى .... الشكل القديم من النيسان افضل واحلى من الجديد .... موفق ان شاء الله .

**samehmab** · 19-03-2014 10:51 AM

فعلا ما فيش حجز ليهم بيتباعوا في معارض باوفر.... سمعت ان اقل سعر لل ex كان 110000والقشقاي اوتو بيزودوا عليهم صدادات وفرش جلد واشارات في المرايات وبيعوها ب210000....

**heshamcar** · 19-03-2014 12:56 PM

بعد السلام عليكم
الحجز حاليا فقط عند مودرن موتورز بمقدم حجز 5000 جنيه و الاستلام خلال 8 شهور
237 ش الحجاز
مصر الجديدة, القاهرة
تليفون:26245277
78
79
و بالتوفيق هي افضل اختيار في الفئه السعريه الحاليه 102000 جنيه ex-automatic
و ربنا يستر و متغلاش حتي ميعاد الاستلام

**mohamed_selim** · 19-03-2014 01:08 PM

8 شهور؟ الرقم ده مظبوط ولا غلطه مطبعيه؟

**heshamcar** · 19-03-2014 02:28 PM

لا حضرتك 8 شهور مش غلطه مطبعيه و لو كلمتهم علي الارقام المرفقه هتتاكد من كلامي

**ahmed.safwat** · 20-03-2014 07:53 PM

انا لسة مكلمهم قالولى انهم وقفو حجز العربية

**أحمد خاطر** · 22-03-2014 06:29 PM

شكراً يا شباب..
أنا كلمت الموزعين كلهم مافيش حد فاتح حجز..الوحيد اللي قالي هفتح الحجز كمان 7-10 أيام كان مودرن موتورز و الاستلام بعد 8-9 شهور..فطبعاً كده الموضوع اتلغى من دماغي..و الأوفر برايس 10 آلاف و 12 ألف استلام فوري مش عارف ليه يعني صراحة..ده افترا..
ربنا ييسر عشان مش عارف اعمل إيه..