أفضل عربية مستعملة فى حدود 65000

**mangawy2013** · 19-03-2014 08:57 PM

لو عيز مانيوال اوبترا لو عايز اتوماتيك فرنساوي بتفكرني بنفسي كان معايا المبلغ ده وجبت ستروين c4

**madoahmad** · 19-03-2014 09:08 PM

المشاركة الأصلية كتبت بواسطة mangawy2013

لو عيز مانيوال اوبترا لو عايز اتوماتيك فرنساوي بتفكرني بنفسي كان معايا المبلغ ده وجبت ستروين c4

انا ملاحظ ان الغالبيه مرشح الاوبترا بس مانيوال ولا اتوماتيك.. وعلي فكرة انا بحب العربية ال c4 كنت هجيبها قبل اللانوس

**ahmedalaahosny** · 19-03-2014 10:04 PM

هو الصراحة ياباشا أنا عايز اسال حضرتك سؤال هو حضرتك بتدور علي حاجه ركوبه صح ولا حاجة مشي نفسك سنة او اتنين وارمي اصل لو ركوبه يبقي خليك ف الفيكترا 2001 دي بمكنة ايكوتيك 2000 سي سي وحش بصحيح واظن ثبات وفرامل الالماني غنية عن التعريف او اسكودا اوكتافيا 99 اللي هي ‏a4‏ ودي جامده برده او الوحش الفرنساوي ميجان 2007 دي ملغمه كماليات وفتيس استبترونيك وحبشتكانات من اللي قلبك يحبها وفي برده بيجو 406 ودي صراحة شكلها بس من برده لواحده حكاية وغيرها كتير بس اللي يدور اما لو عايزهاسنة واقلب في افيو 2007 واوبترا 2006 وجوليت و نوبيرا2007 وفيرنا 2010 واكسنت 2008 وبيكانتو ولوجان 2011 وغيرها برده كتير القصد لو بتدور ع الركوبه الصح سيبك من حوار الموديل اهم حاجة الحاله ارجو ان حضرتك تتقبل كلامي بصدر رحب

**aw2100** · 19-03-2014 10:12 PM

اشترى عربية المانى عندك جولف 4 او اوكتافيا a4 عربيات مصفحة وعفشة بتدى ثبات رهيب على الأرض!!

**omaranes77** · 20-03-2014 03:08 AM

بوص بصة علي الاكتافيا a4
بورا
جولف 4
عربيات بجد صدقني فرق شاسع عن الانوس
يكفي ان عربية موديل 98 فيها ايمبوليزر وعرلية 2007 مافيهاش فكر كدة وقولي رائيك

**دعبدالرحيم** · 20-03-2014 03:21 AM

لو عايز نصيحه ادفع فلوس اللانوس مقدم واسحب زيرووووو ..دا انت لو جبت جيلي زيرو احسن من اي مستعمل ..ولك حرية الاختيار

**madoahmad** · 20-03-2014 10:05 AM

المشاركة الأصلية كتبت بواسطة ضى القمر

يا قلبك ياشيخ وقدرت تقولها وتفرط فيها يااخى انا بقالى اسبوع مش اقادر اخد القرار ده بسبب عربية ياريس حالتها كويسه معروضة عليه بسعر كويس بس مش قادر اقول الكلمة دى للانوس والحيرة حتموتنى

واللهي بحاول اجدد لان اللانوس تعبت من مشوار العمل بتاعي حوالي 160 كيلو يومياً.. وبفكر في لانوس كسر زيرو ممكن تعمل 65,70 الف .بس بقول ممكن بالمبلغ ده اجيب فيرنا اوتوماتيك يبقي عالاقل غيرنا المانيوال

**madoahmad** · 20-03-2014 10:08 AM

المشاركة الأصلية كتبت بواسطة omaranes77

بوص بصة علي الاكتافيا a4
بورا
جولف 4
عربيات بجد صدقني فرق شاسع عن الانوس
يكفي ان عربية موديل 98 فيها ايمبوليزر وعرلية 2007 مافيهاش فكر كدة وقولي رائيك

شكرا عالنصيجه بس يعني ايه ايمبوليزر

**ahmedalaahosny** · 20-03-2014 11:38 AM

المشاركة الأصلية كتبت بواسطة دعبدالرحيم

لو عايز نصيحه ادفع فلوس اللانوس مقدم واسحب زيرووووو ..دا انت لو جبت جيلي زيرو احسن من اي مستعمل ..ولك حرية الاختيار

‏ مع احترامي لحضرتك انت غلطان جامد ف الكلمتين دول حضرتك بتفضل الاميجراند المصدية المليانة عيوب تقفيل علي عربية تشيكي الماني تقفيل بلدها مش تقفيل مصري سواء اللانوس او الاميجراند لمجرد انها زيرو !!!