الموضوع: أفضل عربية مستعملة فى حدود 65000

بصراحه انا أرفان جداً من الصنايعية والورش .. وكرهت المستعمل .. عشان كده بفكر اجيب لانوس او فيرنا كسر زيرو يعني في حدود 65او70الف وكده ابقي ريحت دماغي مع ان نفسي في الاوتوماتيك

المشاركة الأصلية كتبت بواسطة ahmedalaahosny

هو الصراحة ياباشا أنا عايز اسال حضرتك سؤال هو حضرتك بتدور علي حاجه ركوبه صح ولا حاجة مشي نفسك سنة او اتنين وارمي
لا طبعا عاوز حاجه اركبها عالاقل 5 سنين من غير قلق يعني اكون واثق فيها وانا مسافر
وبصراحه عربيتي اللانوس راحت منها الثقة ديه لامها ممكن توقفني عالصحراوي عشان فيوز ضرب..
اصل لو ركوبه يبقي خليك ف الفيكترا 2001 دي بمكنة ايكوتيك 2000 سي سي وحش بصحيح واظن ثبات وفرامل الالماني غنية عن التعريف او اسكودا اوكتافيا 99 اللي هي ‏a4‏ ودي جامده برده او الوحش الفرنساوي ميجان 2007 دي ملغمه كماليات وفتيس استبترونيك وحبشتكانات من اللي قلبك يحبها وفي برده بيجو 406 ودي صراحة شكلها بس من برده لواحده حكاية
بصراحه انا بحب الميجان جداً بس خايف اجيب مستعمل تاني ....
وغيرها كتير بس اللي يدور اما لو عايزهاسنة واقلب في افيو 2007 واوبترا 2006 وجوليت و نوبيرا2007 وفيرنا 2010 واكسنت 2008 وبيكانتو ولوجان 2011 وغيرها برده كتير القصد لو بتدور ع الركوبه الصح سيبك من حوار الموديل اهم حاجة الحاله ارجو ان حضرتك تتقبل كلامي بصدر رحب

انت كلامك علي راسي يا باشا ... بس عشان انا مليش قوي في العربيات قلقان من المستعمل ..بس لو ميجان 2007 حالتها كويسه ..يبقي رضا قوي

او ميجان 2006

المشاركة الأصلية كتبت بواسطة asaeed

الميجان تحفة،،، أناقة،،، ركوبة،،، محدش يقدر يفتي فيها من الصنايعية نظرًا لأن الصنايعي بتاعها متخصص رينوا فقط مش بتاع كله يعني تروح له من غير ما تقول على العيب هو هيعرفه نظرًا لورود الكثير من هذه العيوب عليه.. ده غير أن موديلها 2007 يعني حديث، برده فيها جميع المواصفات إللي هتحتاجها واتوماتيك مش مانيوال... سقف بانوراما.. العربية دي أو ما نزلت جديدة كانت بـ 150000 جنيه على ما اعتقد

طب اجيبها ازاي. من عالنت ولا انزل اسواق العربيات....

من اي حته من النت من السوق من جرنال الوسيط او اي جرنال المهم بس انك تكشف عليها صح قبل ماتشتري عند واحد فاهم فيها ودول كتير ف صقر قريش او التوكيل بتاعها محترمين جدا بس لازم حجز قبلها