الموضوع: الملف الكامل عن مولد الكهرباء القدره الشراء التليين التشغيل

بصراحه موضوع اكتر من ممتاز
وانا استفدت منه كتير جدا
انا اشتريت خلاص نوع اسمه Jumbo 6000
صافى 2200
هو مارش ومانفيلا ( حبل ) وملف نحاس
بس دلوقتى بقى عندى مشكله مش عارف ايه حلها .... انى بدور المولد بالحبل زى الفل بدون مشاكل لكن مش بيدور بالمارش خااااااالص ( اول ما احاول ادور بالمفتاح بيعمل صوت العربيه اللى مش راضيه تدور او اللى هى عاوزة تدور بس مش عارفه ) كذا مرة وبرضه مش راضى يدور
ياترى المشكله فى ايه ؟؟؟؟
وكمان فى اللوحه بتاعته من الجنب اليمين فوق فى مكان ( فيوز ) اول ما اشتريت المولد وروحت البيت لاقيته ضارب . اشتريت 2 وقولت اخلى واحد احطياتى
اول ما ركبته لاقيته ضرب لواحده والمولد مش شغال اصلا
قولولى اعمل ايه ؟ مع العلم انى من طنطا وانا شارى المولد من القاهرة

المشاركة الأصلية كتبت بواسطة rotanamasoud

انت حتطلع المولد من الكرتونه وتحط الزيت(عندى0.5لتر)تشوف الكاتلوج عشان تعرف الزيت عندك قد ايه(تستخدم زيت خفيف ومش لازم غالى يعنى شيل الاحمر النوع الخفيف)
وتحط 2 لتر بنزين تجرب بيهم
طبعا البطاريه سهله مفيهاش مشكله بس اوعى تعكس ال+فى ال+ وال- فى ال-
البوجيه مش حيفيدك سن قصير او طويل لما يحصله حاجه تفكه وتروح تجيب زيه
التدوير
حتلاقى محبس بتفتحه عشان البنزين يبدء ينزل للمحرك(ويقفل بعد الاستعمال)
حتلاقى دراع هواء بتجيبه على الاخر(يعتبر زى الشفاط بتاع العربيات الكاربراتير)
تبدء تدور سواء مفتاح مارش او تشد الحبل طبعا اول مره ممكن يعصلج كام مره متقلقش
اول ما حيدور حتلاقيه مبرجل ترجع دراع الهوا لوضعه الاصلى (يتقفل) حتلاقى المولد انتظم
سيبه 10 دقايق وجرب عليه لمبه او حمل صغير للتاكد انه بيطلع كهربه
تبدء تلينه زى ما انا كاتب فى اول الموضوع وانا متابعك فى اى استفسار

الف الف الف شكر للرد والتوضيح ربنا يكرمك في اولادك

السلام عليكم ورحمة الله وبركاته
الحمد لله اشتريت امبارح Honda Brava NAC 3100
واشتريت معاه مثبت فولت ِ(ِAutomatic AC Voltage Regulator) ٍ
SVC-3000VA صينى
قمت بالتليين لمدة ساعتين وابتدأت احمل عليه أحمال مختلفة خفيفة وتقيلة
شغلت عليه الشقة كلها وكمان شغلت التكييف ال 1.5 حصان
عندى شوية استفسارات كهربائية الكترونية, يا ريت لو حد يساعدنى فيها

المشاركة الأصلية كتبت بواسطة ahmed_moslem

السلام عليكم ورحمة الله وبركاته
الحمد لله اشتريت امبارح honda brava nac 3100
واشتريت معاه مثبت فولت ِ(ِautomatic ac voltage regulator) ٍ
svc-3000va صينى
قمت بالتليين لمدة ساعتين وابتدأت احمل عليه أحمال مختلفة خفيفة وتقيلة
شغلت عليه الشقة كلها وكمان شغلت التكييف ال 1.5 حصان
عندى شوية استفسارات كهربائية الكترونية, يا ريت لو حد يساعدنى فيها

اشتغل فعلا التكييف على مولد 3 كيلو ؟ يعني الموديل ده ينفع اشغل عليه اوضة فيها تلفزيون و رسيفر و نورها و تلاجة و التكيف؟ و ياريت تقولنا سعره و لو بمارش ولا لا

المولد ب 3250 جنيه بعد خصم ال 5%
والاستابلايز ب 600 جنيه
وسكينة الفصل ب 65 جنيه
وكابل وفيش ب 70 جنيه
يعنى القصة كلها كلفتنى 4000 جنيه
.
لما بتشتريه بيقولوا لك انه بيطلع صافى 2700
لكن بعد ما اشتريته وكلمت مهندس الصيانة أسأله على حاجة, قاللى أخرك 2200 وحذرنى من تشغيل التكييف (التكييف اشتغل عليه بالفعل, لكن كان بيعلى صوته وبيهز النور)
.
بصراحة ناوى أشغل عليه التكييف فى عز الحر, بس ساعتها هفصل الشقة كلها عن المولد

والمولد من غير مارش