تحذير من طريق شبين القناطر .. للاسف اتثبت

**M I D O** · 20-03-2014 07:54 PM

الحمد لله ان انت وخطيبتك بخير وفي داهية اي حاجة تانية و للاسف البلد دي بنت @#%$ مفيهاش قانون ولا حد هيهتم ولا حد هيفكر يجري ورا المجرمين دول وكل الي هتسمعة انت غلطان ماشي بالليل لية

**shifoo2008** · 20-03-2014 08:04 PM

بص انا كنت حتثبت على طريق الساحل الشمالى بعد مدخل برج العرب الساعة 10 الصبح كنت لوحدى وماشى بأمان الله لاقيت فيرنا بيقلب نور فخليته يعدى عادى بعد كده هما 3 اشخاص واحد منهم بيقولى العجلة نايمة وانا اصلا ماشى على 100 وبعد كده لاقيت العربية بتحدف عليا جامد وكنت حتزنق جنب الرصيف عرفت علطول انهم حيثبتونى دوس فرامل بقوا قدامى فضلت احود يمين وشمال كذا مرة عشان اعديهم وسقطت على التالت ودوست بنزين على الاخر وطلعت منهم فضلوا ورايه ووصلت لسرعة 140 وبردو ورايه لحد لما هربت منهم ,, الحمد لله انى كنت لوحدى عشان لو كان حد معايا كنت حتوتر

**Silent~Dream** · 20-03-2014 08:07 PM

الحمد لله انها جت لحد كده و حسبى الله و نعم الوكيل فى الناس دى ربنا يعوضك خير ان شاء الله

**waelelsayed** · 20-03-2014 08:41 PM

الحمد والشكر لله على سلامتك انت وخطيبتك وربنا يعوض عليك معلش ممكن تفاصيل الطريق شبين الكوم ولا شبين القناطر وانه طريق بالظبط وحمد لله على السلامه

**bassemali** · 20-03-2014 08:42 PM

لاحول ولاقوة إلا بالله ... لازم تعمل محضر بسرعه عشان الحكومه تعمل كمين هناك بدل ماحد غيرك يتثبت تاني .. وإنت بتقول إن كان في بوكس ومدرعة جيش جم بعد مادول مشيوا بدقيقتين وطبعا أكيد لما بصوا عليك إفتكروا إنك خبطت ف الأتوبيس كان لازم ف اللحظه دي تبلغهم فورا .. لكن قدر الله وماشاء فعل .. والحمد لله على كل شيء

**ahmedyani** · 20-03-2014 08:53 PM

علي فكرة اان من البلد اللي حصل فيها الموقف دا اسمها رمادة علي طريق نوي شبين القناطر ودي مش اول حادث لسة اليوم اللي قبله اربعة ملثمين وقفوا عربيه كيا وكان فيها ولد وابوه واخدوها بردو احنا تعبنا لاننا مش امنين لا علي حياتنا ولا علي اموالنا ياريت الامن يتدخل ويطهر البؤره دي بقي ياريت يبصولنا ويبصوا ان دا طريق مش سهل

**Amrgamal1** · 20-03-2014 10:19 PM

حمدالله علي سلامتك انت و خطيبتك و دي اهم حاجه
المشكله في البلد دي تيجي تمشي بسلاح في عربيتك تأمن نفسك بيه لو اتمسكت بيه تبقي بلطجي
تعالو انتو احمونا طيب !

**د/سامح** · 20-03-2014 10:50 PM

الف حمد الله على سلامتك .... الحمد لله انك بخير ... من فترة بسيطة حصل موقف نفس الي حصل معاك مع عريس في شهر العسل عندنا في الشرقية و نفس رد فعلك رجع r بس للاسف هو اخد طلقة في دماغه و توفي قدام عروسته... ربنا يعافيك و يعافي مصر كلها ان بس باقولك الموضوع دة عشان تحمد ربنا انه نجاك

-

الموضوع: تحذير من طريق شبين القناطر .. للاسف اتثبت

LinkBack

أدوات الموضوع

عرض

-

-

-

المواضيع المتشابهه

الطريق الى شبين القناطر

ازاي اروح مرور شبين القناطر من دائري المرج

تحذير من طريق ميت غمر !!!!!!!!!!!!!!!!!!!!!!!!!!

تحذير من رادار طريق مصر-السويس

من الدائرى المنيب الى مرور شبين القناطر

الكلمات الدلالية لهذا الموضوع

المفضلات

المفضلات

ضوابط المشاركة