إلى ملاك بروتون بيرسونا .. إلاهى ما تقعوا فى ضيقة !

بعد تفكير عميق انا مايل للبرسونا و شوفت العربية بنفسى بس حسيت ان التقفيل الداخلى مش على مستوى كويس .. ندخل فى الموضوع أحسن .. اللى معاة البيرسونا .. هل فيه مشكلة من ناحية التقفيل يعنى زجاج الكهرباء أو زراير المالتى أو السنتر أو التكيف أو ريموت السيارة أو توكيلها و صيانتها برة التوكيل وقطع الغيار متوفرة و لا لا و غالية ولا لا و كمان استهلاكلها للبنزين مع التكيف مع العلم انا سواقتى كلها جوة البلد و البعض بيقول إن فراملها وحشة والتانى بيقول حلوة و أخر استفسار التارة بتاعتها حسيت انها تقيلة و صغيرة و هتتعبنى فى الركن .. أسف للاطالة بس حيرة والله :( أفيدووووووووونى أفادكم الله

انا كمان عندي نفس الاسئلة دي عشان انا ناوي اشتري 2014 ان شاء الله ... يا ريت حد يفيدنا

خامات العربيه كويسه جدا دي مواصفات خليجي ومصممه جيدا ضد الحراره والظروف الجوية السيئه

اقتباس:

---

المشاركة الأصلية كتبت بواسطة memo_p910

خامات العربيه كويسه جدا دي مواصفات خليجي ومصممه جيدا ضد الحراره والظروف الجوية السيئه

---

بطب بالنسبة للدريكسيون هل هو ناعم خصوصا فى الركن ولا تقيل شوية .. واخبار الفرامل بتاعتها ايه

الدريكسيون تقيل شوية و العفشة رياضية يعني لو بتقارنها بالتويوتا هي هتبقى انشف شوية بس ده عشان يخلي العربية اثبت و اقوى
في رأيي هي احسن و مفيش مشكلة في الركن خالص
بالنسبة للفرامل هو عيبها ان ال abs بيشتغل على سرعة اقل شوية فبيحسسك ان العربية بتزحف لو دوست فرامل مفاجئة في طريق ترابي و مشوار الدواسة طويل بالنسبة لعربية اوتوماتيك و هي محتاجة تعود عليها مش اكتر
في رأيي هي احسن سعر مقابل قيمة حتي ١٤٠ الف

اقتباس:

---

المشاركة الأصلية كتبت بواسطة smart_dr84

الدريكسيون تقيل شوية و العفشة رياضية يعني لو بتقارنها بالتويوتا هي هتبقى انشف شوية بس ده عشان يخلي العربية اثبت و اقوى
في رأيي هي احسن و مفيش مشكلة في الركن خالص
بالنسبة للفرامل هو عيبها ان ال abs بيشتغل على سرعة اقل شوية فبيحسسك ان العربية بتزحف لو دوست فرامل مفاجئة في طريق ترابي و مشوار الدواسة طويل بالنسبة لعربية اوتوماتيك و هي محتاجة تعود عليها مش اكتر
في رأيي هي احسن سعر مقابل قيمة حتي ١٤٠ الف

---

انا لاحظت انا مع حضرتك العريية .. بس هتعبك شوية كدا ... بالنسبة للتقفيل اخباره ايه .. و قطع الغيار سمعت انها غالية و مش موجودة و ومشاكلها ايه . معلش استحملنى انا والله كنت بكلم معرض النهاردا بخصوص البيرسونا لقيته قالى " يا باشا ابعد عن العربية دى " قفلنى منها بصراحة :(

التقفيل مناسب لسعرها و معقول جدا بالنسبالي هو طبعا مش زي الياباني بس بردو مش صيني
قطع الغيار انا ماشترتش حاجة برة التوكيل و بالنسبة لعربية زي دي او غيرها هتجيب قطع غيارها من التوكيل لازم هتبقى غالية جدا حتى لو عربية صيني الموضوع كله ان مالهاش قطع تايواني او بدايل عشان مش منتشرة زي ماركات تانية
مرة تانية انا عند كلمتي لو هتجيب عربية في الفئة السعرية دي لغاية ١٣٠ الف عليك بواحدة من اتنين :
نيسان صني الشكل القديم ، عن نفسي ماحبتش شكلها و ثباتها مش حلو اوي و مفيهاش اوبشنز كتير
بروتون جين او بيرسونا ، انا اخترت البيرسونا عشان شكلها و ثباتها و مثبت السرعة و الشكل الكلاسيكي
اذا كنت هتبيع قريب هات نيسان عشان ماتخسرش لو هتقعدها شوية ممكن تجيب البروتون و ما تقلقش من قطع الغيار لانك بتشتري عربية زيرو مش محتاج قطعة غيار غير لاقدر الله في الحوادث

تقريبا حضرتك كتبت الكلام اللى فى دماغى لانى فعلا بقارن بينها و بين و الصنى بس بردو مش عاجبنى شكلها و مايل للبرسونا اكتر من الجين عشان الشكل و مثبت السرعة :d انا خوفى بس من قطع غيارها برة التوكيل مش اكتر :(

رأيي الشخصي انت هتجيب عربية جديدة و هيكون متأمن عليها
استخير ربنا قبل كل شيء و ربنا يوفقك للاصلح

اقتباس:

---

المشاركة الأصلية كتبت بواسطة smart_dr84

التقفيل مناسب لسعرها و معقول جدا بالنسبالي هو طبعا مش زي الياباني بس بردو مش صيني
قطع الغيار انا ماشترتش حاجة برة التوكيل و بالنسبة لعربية زي دي او غيرها هتجيب قطع غيارها من التوكيل لازم هتبقى غالية جدا حتى لو عربية صيني الموضوع كله ان مالهاش قطع تايواني او بدايل عشان مش منتشرة زي ماركات تانية
مرة تانية انا عند كلمتي لو هتجيب عربية في الفئة السعرية دي لغاية ١٣٠ الف عليك بواحدة من اتنين :
نيسان صني الشكل القديم ، عن نفسي ماحبتش شكلها و ثباتها مش حلو اوي و مفيهاش اوبشنز كتير
بروتون جين او بيرسونا ، انا اخترت البيرسونا عشان شكلها و ثباتها و مثبت السرعة و الشكل الكلاسيكي
اذا كنت هتبيع قريب هات نيسان عشان ماتخسرش لو هتقعدها شوية ممكن تجيب البروتون و ما تقلقش من قطع الغيار لانك بتشتري عربية زيرو مش محتاج قطعة غيار غير لاقدر الله في الحوادث

---

كلام تمام

العربية كويسة جدا في فئتها السعرية وتقفيلها كويس جدا جدا بالنسبة لسعرها بل أفضل من عربيات كتير كوري وسعرها أغلى منها

العيوب اللى حضرتك بتقول عليها

يعني مثلا زراير المالتي في الدركسيون ساعات بتعلق ودي بتكون مشكلة نظافة فقط لا أكثر عيبها إن لما التراب بيدخلها بيتسبب في كدة بجيب سبراي بتاع تنظيف الإلكترونيات وبرش منه عليها بحيث يدخل لجواها وبتقعد فترة كتير كويسة من غير أي تعليق

الريموت علق معايا فعلا يمكن مرة أو اثنين من ساعة ما جبتها بس ثواني فقط ويلقط على طول بعدها

نيجي بقى للفرامل ... الفرامل كويسة جدا جدا ... عيبها الوحيد اللى الناس مش قادرة تفهمة نوعية الكاوتش الجوديير اللى راكب في العربية ... بصراحة من أسوأ الكاوتشات اللى شوفتها في حياتي في الفرامل في الأول بيكون كويس وهو زيرو بعد كدة بيتزحلق بسهولة شديدة على الطريق وده بيسبب إن الـ abs يشتغل كتير وبيأثر على أداء الفرامل عموما بالسلب

الواحد يا إما ياخد عمرهم وهو ماشي بيهم بالراحة ويكون عارف إن معاه كاوتش مش هايسد في أي فرامل ... يا إما يغيرهم وهم جداد ويبيعهم لأي حد ما عندوش abs أو حتى محلات الكاوتش ويشتري حاجة تانية كويسة

الباور مش وحش .. أنا بركب سوزوكي ألتو ودي الباور بتاعها كهربا وياباني ومش بحس بضيق من الباور لما بركب البيرسونا .. بس هو أتقل حاجة طفيفة للأمانة

استهلاك البنزين جوة البلد في سواقة مختلطة ممكن تعمل 200 - 220 كيلومتر / 20 لتر ... لو سواقة في زحمة شديدة ممكن تنزل لغاية 180 - 200 ك / 20 لتر ... لو في السفر سرعة ثابتة 100 ك / س مثلا .. بتعلى لغاية 270 - 300 ك / 20 لتر ... التكييف مش بيفرق معايا خالص في استلاك الوقود سواء شغال أو مطفي

قطع الغيار موجودة برة التوكيل عند بعض التجار وفي ناس بتوع استيراد شغالين فيها بس مش كتير طبعا زي عربيات تانية بس معقولة

في الفئة الشعرية دي مافيش أفضل منها أعتقد ... هي والبيجو 301 والنيسان صني في سلة واحدة مع اختلاف الأذواق

وربنا يوفقك للخير

اقتباس:

---

المشاركة الأصلية كتبت بواسطة will_smith

تقريبا حضرتك كتبت الكلام اللى فى دماغى لانى فعلا بقارن بينها و بين و الصنى بس بردو مش عاجبنى شكلها و مايل للبرسونا اكتر من الجين عشان الشكل و مثبت السرعة :d انا خوفى بس من قطع غيارها برة التوكيل مش اكتر :(

---

http://www.nilemotors.net/Nile/103347-a.html
لو عاجباك اتوكل علي الله

اقتباس:

---

المشاركة الأصلية كتبت بواسطة d . A .\ ayman

كلام تمام

العربية كويسة جدا في فئتها السعرية وتقفيلها كويس جدا جدا بالنسبة لسعرها بل أفضل من عربيات كتير كوري وسعرها أغلى منها

العيوب اللى حضرتك بتقول عليها

يعني مثلا زراير المالتي في الدركسيون ساعات بتعلق ودي بتكون مشكلة نظافة فقط لا أكثر عيبها إن لما التراب بيدخلها بيتسبب في كدة بجيب سبراي بتاع تنظيف الإلكترونيات وبرش منه عليها بحيث يدخل لجواها وبتقعد فترة كتير كويسة من غير أي تعليق

الريموت علق معايا فعلا يمكن مرة أو اثنين من ساعة ما جبتها بس ثواني فقط ويلقط على طول بعدها

نيجي بقى للفرامل ... الفرامل كويسة جدا جدا ... عيبها الوحيد اللى الناس مش قادرة تفهمة نوعية الكاوتش الجوديير اللى راكب في العربية ... بصراحة من أسوأ الكاوتشات اللى شوفتها في حياتي في الفرامل في الأول بيكون كويس وهو زيرو بعد كدة بيتزحلق بسهولة شديدة على الطريق وده بيسبب إن الـ abs يشتغل كتير وبيأثر على أداء الفرامل عموما بالسلب

الواحد يا إما ياخد عمرهم وهو ماشي بيهم بالراحة ويكون عارف إن معاه كاوتش مش هايسد في أي فرامل ... يا إما يغيرهم وهم جداد ويبيعهم لأي حد ما عندوش abs أو حتى محلات الكاوتش ويشتري حاجة تانية كويسة

الباور مش وحش .. أنا بركب سوزوكي ألتو ودي الباور بتاعها كهربا وياباني ومش بحس بضيق من الباور لما بركب البيرسونا .. بس هو أتقل حاجة طفيفة للأمانة

استهلاك البنزين جوة البلد في سواقة مختلطة ممكن تعمل 200 - 220 كيلومتر / 20 لتر ... لو سواقة في زحمة شديدة ممكن تنزل لغاية 180 - 200 ك / 20 لتر ... لو في السفر سرعة ثابتة 100 ك / س مثلا .. بتعلى لغاية 270 - 300 ك / 20 لتر ... التكييف مش بيفرق معايا خالص في استلاك الوقود سواء شغال أو مطفي

قطع الغيار موجودة برة التوكيل عند بعض التجار وفي ناس بتوع استيراد شغالين فيها بس مش كتير طبعا زي عربيات تانية بس معقولة

في الفئة الشعرية دي مافيش أفضل منها أعتقد ... هي والبيجو 301 والنيسان صني في سلة واحدة مع اختلاف الأذواق

وربنا يوفقك للخير

---

طيب معلش استحملنى .. ايه حكاية الطنابير اللى بتخلص بسرعة دى !!

بجد ياجماعه انا اتصدمت مش لاقى حد ذكر مشكلته مع البويه بتاعتها ولا كله تمام لان انا عربيتى مشتريها فى شهر 1/2014 والبويه بتاعتها بتطرقع ولما رحت صيانة الالف لقيت انها مشكله عامه مش مشكلتى انا لوحدى هى العربيه ممتازه طبعا وانا بحبها وبفضلها عن اى عربيه فى سعرها زى ماقلتم بس انا اتصدمت ولو حد عنده المشكله دى ياريت يقولى انا قلت اقول اللى عندى برضه بما يرضى الله

اقتباس:

---

المشاركة الأصلية كتبت بواسطة will_smith

طيب معلش استحملنى .. ايه حكاية الطنابير اللى بتخلص بسرعة دى !!

---

ما عنديش فكرة عن موضوع الطنابير خالص

اقتباس:

---

المشاركة الأصلية كتبت بواسطة omarahmedmaher

بجد ياجماعه انا اتصدمت مش لاقى حد ذكر مشكلته مع البويه بتاعتها ولا كله تمام لان انا عربيتى مشتريها فى شهر 1/2014 والبويه بتاعتها بتطرقع ولما رحت صيانة الالف لقيت انها مشكله عامه مش مشكلتى انا لوحدى هى العربيه ممتازه طبعا وانا بحبها وبفضلها عن اى عربيه فى سعرها زى ماقلتم بس انا اتصدمت ولو حد عنده المشكله دى ياريت يقولى انا قلت اقول اللى عندى برضه بما يرضى الله

---

هي البوية بتاعتها ضعيفة وكل الناس عارفة كدة من قبل ما تشتريها حتى .. يعني ممكن تتنقر من الرمل على الطريق أثناء السير على سرعة .. لكن مش لدرجة إنها تطرقع من على العربية لوحدها ... ما اعتقدش إنها مشكلة عامة بس حقك طبعا ما تسيبوش

اقتباس:

---

المشاركة الأصلية كتبت بواسطة will_smith

طيب معلش استحملنى .. ايه حكاية الطنابير اللى بتخلص بسرعة دى !!

---

انا مسمعتش عن الحكاية دي

اقتباس:

---

المشاركة الأصلية كتبت بواسطة omar elgezeiry

انا مسمعتش عن الحكاية دي

---

و الله البعض من ملاكها بيقولوا إن جودة الطنابير سيئة و البعض التانى بيقول إن التيل وحش و هو اللى بيأثر على الطنابير و عشان كدة عزب العرب خلّى ضمان الطنابير 20 ألف بس ... و فى ناس تانية بتقول إن مفيهاش مشكلة !!!!!!
أنا تعبت و مش عارف اشترى إيييييييييييييييييييه

اقتباس:

---

المشاركة الأصلية كتبت بواسطة will_smith

و الله البعض من ملاكها بيقولوا إن جودة الطنابير سيئة و البعض التانى بيقول إن التيل وحش و هو اللى بيأثر على الطنابير و عشان كدة عزب العرب خلّى ضمان الطنابير 20 ألف بس ... و فى ناس تانية بتقول إن مفيهاش مشكلة !!!!!!
أنا تعبت و مش عارف اشترى إيييييييييييييييييييه

---

اخويا معاه بروتون جين 2 2010 اوتوماتيك بيعمل الصيانات في معادها هي ماشية اكتر من 30000 بس موصلتش ل 31000 هو بيغير تيل الفرامل بتاع التوكيل و مشتكاش من الطنابير و انا مسمعتش عن المشكلة دي و اصلا انا مسمعتش ان في ضمان للطنابير.و اتمني يكون الرابط بتاع محلات قطع الغيار افاد حضرتك

يعني المشكلة مش ان الفرامل ضعيفة زي ما بيقولوا والمشكلة ان الكاوتش سيئ؟ طيب ما هي انواع الكاوتشات الكويسة ؟

انا الحمد لله شوفت العربية في عز العرب في طريق اسكندرية الصحراوي وعجبتني مبدئيا وحجزت بناءا علي افادات الزملاء الافاضل واتمني علي الله ان يسترها واستلم علي خير ويرزقنا خيرها ويبعد عنا شرها ..

يا ريت لو حد عنده نصائح يقولنا نستلم ازاي وبيكون معاها ايه ؟ ونعمل الفرش بتاع الكراسي فين ؟ وما هي معدات الامان المطلوبة ؟ وافضل شركة تأمين وسعرها حوالي كام ؟

معلش طولت عليكم بس عشان استفيد من خبرة الزملاء الكرام

اقتباس:

---

المشاركة الأصلية كتبت بواسطة mohamedyounis

يعني المشكلة مش ان الفرامل ضعيفة زي ما بيقولوا والمشكلة ان الكاوتش سيئ؟ طيب ما هي انواع الكاوتشات الكويسة ؟

انا الحمد لله شوفت العربية في عز العرب في طريق اسكندرية الصحراوي وعجبتني مبدئيا وحجزت بناءا علي افادات الزملاء الافاضل واتمني علي الله ان يسترها واستلم علي خير ويرزقنا خيرها ويبعد عنا شرها ..

يا ريت لو حد عنده نصائح يقولنا نستلم ازاي وبيكون معاها ايه ؟ ونعمل الفرش بتاع الكراسي فين ؟ وما هي معدات الامان المطلوبة ؟ وافضل شركة تأمين وسعرها حوالي كام ؟

معلش طولت عليكم بس عشان استفيد من خبرة الزملاء الكرام

---

اخويا قبل ما يركب البروتون كان راكب الاوبل و عايز اقوقللك انا لمل ركبت البروتون محسيتش بفرق في الفرامل.الكاوتش انا شفت ليه كذا review مفيش واحد قال علي الكاوتش ده كويس.الفرش للكراسي ممكن جينز كار و

http://www.nilemotors.net/Nile/179029-2.html

معايا و بسم الله ما شاء الله عليها عيبها بس بالنسبة لى ان التابلوه شكله قديم شوية و احيانا بحس ان شكلها مش عصرى انما غير كده عربية ممتازة جدا

اقتباس:

---

المشاركة الأصلية كتبت بواسطة ابراهيم الجندى

معايا و بسم الله ما شاء الله عليها عيبها بس بالنسبة لى ان التابلوه شكله قديم شوية و احيانا بحس ان شكلها مش عصرى انما غير كده عربية ممتازة جدا

---

ربنا يباركلك فيها و يكفيك شرها

اقتباس:

---

المشاركة الأصلية كتبت بواسطة ابراهيم الجندى

معايا و بسم الله ما شاء الله عليها عيبها بس بالنسبة لى ان التابلوه شكله قديم شوية و احيانا بحس ان شكلها مش عصرى انما غير كده عربية ممتازة جدا

---

ربنا يباركلك فيها ... بس قولى قطع غيارها متوفرة و لا لا