الموضوع: تجربتي مع توكيل السبع فى زاهراء المعادى

الحمد للة عملت صيانة 10000 كيلو كيا سيراتو 2013 الشكل القديم و كان عندى مشكلة فى راديو العربية كنت شارى العربية من شخص و بعد ما اخدتها اكتشفت ان الرديو مش شغال رغم انى شاريها عاملة 3500 كيلو بس الحمد للة انها جت على دة

روحت الساعة 1 على ميعاد الحجز و العربية دخلت 1:15 الى عاجبنى ان الأستراحة فى دور اول لكن شايف الورشة و عربيتك و هما شاغلين فيها كشفوا على كل حاجة و كان فية تغير فلتر الزيت مجانا و لما فتح الكاسيت اتصل بيا و دخلت الورشة قالى ان الى اشتريت منة العربية كان مركب كاسيت تاتش و قطع سلك الأريال و ركب وصلة تانية متركبش على الكاسيت عندك و رغم انهم لقوا سلك كهربا مقطوع مقالوش تخرج من الضمان ولا الكلام الاشتغالات دة و عدلها و ركب وصلتها الأصلية و محسبتش غير على صيانة ال 10000 فقط محطش صيانة الكاسيت و بعد كدة خرجوا العربية تتغسل برضة قدامك و خدتها فى نفس الميعاد المتفق علية بالثانية :)

شكرا لكم جميعا وانا حبيت اشاركم و اقدر افيدكم لأنى بصراحة استفدت كتير من مواضيع المنتدى

فرعهم فقط الى فى زاهراء المعادى مالهومش فرع تانى

بالنسبة للتوكيل الخليجي اسمع ان الكل بيشكر فى توكيل aaa

بالنسبة ليا انى ساكن فى المعادى هو مناسب جدا معرفش بصراخة اخبار التوكيلات التانية

فرع ابو رواش عيبة انة مواعيدهم وحشة جدااا و دة علشان المركز الرئيسي فا عليهم ضغط رهيب

الي عجبني فعلا انهم معاملتهم مرنة يعنى المهندس عرف ان العربية فيها وحدة رفع و انذر راكب برة التوكيل و قالى انا عملت فحص للكهرباء و مش عاملين مشاكل فا خلاص سيبهم لكن حذرنى جدا من عدسات الزينون قالى بلاش تركبها بتبهدل كهرباء العربية .... وقالى انت عندك ايمبوليزر فا انت مش محتاج الأنذار فى حاجة