الموضوع: انخفاض مفاجئ لدواسة الدبرياج

هو ماحدش لاقى تفسير و لا القسم اللى بقى نايم ؟؟

اتمنى ذلك انا كنت مطنش فى الاول و و بعد ما الاتنين الميكانيكيه الجهاب اللى جنب بيتى قالولى مافيش حاجه بقيت مجبر دلوقتى ان بكره اضرب مشوار لمحمد ندا ميكانيكي البيجو
لان الدواسه وطيت تانى معايا و بقيت الغيارات بتعض معايا حتى و انا دايس دبرياج على الاخر

المشكلة ان الحركة اللى انت عملتها اصلا بتاعت الطلعة وانت دايس فرامل دى ممكن تفوت الاسطوانة خصوصا لو الطقم مش قد كدة ( مش اصلى )

ربنا يسترها وماتكونش اسطوانة ، هو المفروض ان حتى لو الاسطوانة حصل فيها تآكل الزيت ينزل ويعادل الفرق اللى حصل بحيث تفضل الدواسة في نفس المستوى وهو ده اهم فرق بين الدبرياج الواير والدبرياج الماستر

لو مشكلة ماستر اعتقد هتلاقى الدبرياج واطى جدا اكتر من كدة والغيارات تيجى بصعوبة ، روح لواحد فاهم وجرب واحدة واحدة من الاسهل للاصعب عشان ما تصرفش كتير ، يعنى بص على مستوى الزيت واتأكد ان مفيش هوا في الدورة بتاعته لان ممكن الاسطوانة حصل فيها تأكل بسيط ( ما يبوظهاش ) بس وجود هوا في الدورة مش مخلى الزيت ينزل يعادل الفرق

بعد كدة تبقى تشوف الاويلسيلات بتاعت الماستر الفوقانى والبستم في الماستر التحتانى وتجيب طقم اصلاح لو احتاجت ، في الاخر خالص تبقى تشوف حالة الاسطوانة والديسك بس ان شاء الله ما توصلش لاخر مرحلة دى

ولو لاقدر الله لو اضطريت تغير الطقم تانى ، ما تنساش تودي الفولام ( الـ fly wheel ) المخرطة عشان ما يبقاش عندك اي رعشة بعد كدة

بعد ردك الاخير ، طالما الموضوع بيتدهور والغيارات بقت تعض يبقى 90% طقم اصلاح للماستر الفوقانى او التحتانى او الاتنين

المشاركة الأصلية كتبت بواسطة amrelsaqqa

بعد ردك الاخير ، طالما الموضوع بيتدهور والغيارات بقت تعض يبقى 90% طقم اصلاح للماستر الفوقانى او التحتانى او الاتنين

هو بصراحه مستبعد ان يكون طقم الدبرياج فوت لأن العربيه سحبها فوق الممتاز و اخر مره شديت بيها على 130 و مافيش اى حاجه من اعراض طقم الدبرياج عندى
انا راضى باى حاجه بس ابعد عن انى اشيل الموتور تانى
هو فيه معلومه صغيره .. انا كنت حاطط السيخ بتاع الدبرياج كله من غير ما اقص منه و بالتالى كان عندى الدبرياج عالى اوى فى الاول- فهل ده ممكن يكون عمل ضغط على الماستر الفوقانى و هو ده اللى بوظهه ؟؟

لالا مالهاش علاقة
اهم حاجة يبقى اخر البدال دايما بيلمس الدواسة ( الارضية ) عشان لو مش كدة ممكن في مرة تدوس ع البدال جامد وتلاقى السيخ ده اتكسر منك لو البدال ما بيلمسش الارضية في اخر مشواره
وطبعا من ارخم المواقف اللى ممكن تصادفها ان دواسة الدبرياج تعطل منك فجأة وانت ماشى ...


بالمناسبة السيخ ده الصنايعية بيسموه "زغاد دبرياج"
انا كان عندى الزغاد ده معمول عمولة بحيث انه نصه دكر الاووظ ونصه نتاية الاووظ عامل زي الزرجينة كدة بحيث انك تفك الصامولة وتطول وتقصر زي ما انت عايز :d

افتكاسات مصرية معرفش مين اللى كان عاملها في العربية ، بس الصراحة كانت جامدة جدا :d

المشاركة الأصلية كتبت بواسطة amrelsaqqa

لالا مالهاش علاقة
اهم حاجة يبقى اخر البدال دايما بيلمس الدواسة ( الارضية ) عشان لو مش كدة ممكن في مرة تدوس ع البدال جامد وتلاقى السيخ ده اتكسر منك لو البدال ما بيلمسش الارضية في اخر مشواره
وطبعا من ارخم المواقف اللى ممكن تصادفها ان دواسة الدبرياج تعطل منك فجأة وانت ماشى ...


بالمناسبة السيخ ده الصنايعية بيسموه "زغاد دبرياج"
انا كان عندى الزغاد ده معمول عمولة بحيث انه نصه دكر الاووظ ونصه نتاية الاووظ عامل زي الزرجينة كدة بحيث انك تفك الصامولة وتطول وتقصر زي ما انت عايز :d

افتكاسات مصرية معرفش مين اللى كان عاملها في العربية ، بس الصراحة كانت جامدة جدا :d

انتا عارف ان الحركه دى فعلا بفكر اعملها بس مكسل اقف على دماغ الخراط
اصل الخراط اللى اعرفه و اللى حيلحملى الصموله عباقره لازم تشرحلهم اللى انتا عاوزه و عاوزه ليه و علشان ايه و تتحايل عليهم و فى الاخر يحطولك التاتش بتاعتهم و يخربو الدنيا