استفسار بخصوص شراء bmw 316 i الجديدة

**memary** · 20-03-2014 10:33 PM

متابعى المنتدى الكريم ,, الحقيقة كان فيه سوال مهم عوز اساله ليكم بما انكم متخصصين اوى فى السيارات وحركة السوق
انا الحقيقة كنت عوز اشترى 316 الجديدة بس اللون اللى عجبنى جدا ,, هوا اللون الاحمر لان مفيش لون سماوى متوفر او ازرق فاتح

بس فيه ناس بتقولى ان اللون ده بعد كده هيتقل البيع بتاعها ,, ومش هيخليها تتتباع تانى بسهولة ,,هل الكلام ده صحيح

وربنا يجازيكم خير ع الاجابة

تم نقلة لقسم بـى إم دابـــليو.

**4fun14** · 21-03-2014 01:28 AM

معتقدش خالص
طالما لونها ومثبوت على الرخصة فين الازمة؟!
عموما عشان ترتاح من الشك خالص افتح موضوع بالسؤال ده ف قسم ال bmw جايز الناس هناك ليها دماغ مختلفة فعلا

**KemozTanta** · 21-03-2014 08:12 AM

اللون الاحمر في ماركات عربيات بيبقي لون مميز وفي ماركات مش بيكون لون مميز
يعني لانوس احمر مارلبورو والنترا نبيتي وما الي ذلك
لكن بي ام دبليو احمر ! مش مألوفة للعين الصراحة لان البي ام فخامة وياتركبها يا اسود ياابيض ياسماوي الالوان الراسية دي ولكن كقيمة في السوق بالتأكيد الاسود في البي ام يتخطف عن الاحمر

**Batman372** · 21-03-2014 09:21 AM

اللون الاحمر بصفه عامه فى السيارات بيقلل فرص بيعها ...
و خصوصا فى العربيات الغاليه زى البى ام و المرسيدس ...
و حتلاقى فى مبيعات الزيرو عربيه حمرا لكل مثلا ١٠٠ عربيه ...
تحياتى ...

**Land_Cruiser** · 21-03-2014 09:33 AM

الكلام ده صحيح مع الاسف لان اغلبيه الناس دائما بتدور علي الحاجه المنتشره و تشتريها اللي هي في حالتنا الاسود و الفيراني و السماوي. في حاله و اشتريتها و حبيت تبيعها ممكن الموضوع يطول لحد ما تلاقي حد يعجبه اللون او يحاول يستغل الفرصه علشان ينزل من سعرها بسبب موضوع اللون اللي مش منتشر ده

**shawke hamed** · 21-03-2014 02:16 PM

نصيحة بلاش احمرلانوا تاكسى عندنا فى الزقازيق العربيات التقيلة دى ابيض اسود الوان غامقة

**MoNeIm AmIn** · 21-03-2014 11:36 PM

المشاركة الأصلية كتبت بواسطة memary

متابعى المنتدى الكريم ,, الحقيقة كان فيه سوال مهم عوز اساله ليكم بما انكم متخصصين اوى فى السيارات وحركة السوق
انا الحقيقة كنت عوز اشترى 316 الجديدة بس اللون اللى عجبنى جدا ,, هوا اللون الاحمر لان مفيش لون سماوى متوفر او ازرق فاتح

بس فيه ناس بتقولى ان اللون ده بعد كده هيتقل البيع بتاعها ,, ومش هيخليها تتتباع تانى بسهولة ,,هل الكلام ده صحيح

وربنا يجازيكم خير ع الاجابة

تم نقلة لقسم بـى إم دابـــليو.

استاذي الفاضل...اتمني تقبل مروري....ياريت لو تسأل عن العربيه الاول علشان انا واحد صاحبي اشتري العربيه دي 316i موديل 2013 من الوكيل في القطاميه وحكالي علي مأساته معاها لمده 4 شهور وفي الاخر باعها...ملخص المشكله ان العربيه دي علي حسب كلامه هيه العربيه الوحيده اللي بتتقفل في المانيا وبتيجي فيها عيب صناعه في عوامه تانك البنزين وفيه مشكله في ال program بتاعها وتقريبا الاربع شهر كانت ما بين التوكيل وبيته لحد لما اشتكاهم لجهاز حمايه المستهلك وبعد التقرير الفني اثبتوا انها فعلا فيها عيب فني وحاولوا يرادوه وادولوا عربيه 320 مكانها لحد لما دفعه 2014 وصلت ودفع 10000 جنيه فرق سعر واستلمها ولما ركبها للاسف لقي نفس المشكله فقفل من العربيه وباعها...والله انا حبيت بس انقل تجربه صديق ليه مع ال 316 علشان انا بجد اتضايقت جدا من اللي حصل ده...واتمني لك كل خير ان شاء الله

**memary** · 22-03-2014 12:37 AM

سيدى الفاضل moniem amin ,, متشكر جدا على اهتمامك وذكر لمشكلة صديقك ,, ودا فعلا هيخلينى افكر تانى وابحث ف الموضوع ,, مع انى خلاص كنت رايح احجز يوم الاحد ,,, وجزاك الله كل خير ,,,,,,, بس الحقيقة دي صدمة ليا غير متوقعة من bm وخصوصا اتها المانى http://www.nilemotors.net/Nile/image...hcomputer3.gif

**memary** · 22-03-2014 12:42 AM

سيدى الفاصل م. صفوت صالح ,,,, اشكرك بشدة على راي حضرتك المهم جدا بالنسبة لى ,,, بس للاسف بقية الالوان مش عجبانى لات حتى السماوى مش موجود وانا مش بحب الاسود او الكحلى الغامق ,,, طيب راي حضرتك ايه ف الابيض ؟

**memary** · 22-03-2014 12:45 AM

مستر land - cruiser ربنا يخليك على تفاعلك معايا ,,, للاسف دا صحيح ,, بس بقية الالوان رخمة جدا ,,, حتى السماوى اللى بحبه مش بينزل اساسا ,,,,, ايه راي حضرتك ف الابيض او ممكن السيلفر على اسوا تقدير ؟