الموضوع: موضوع علي الهامش للتحذير من مافيا الاراضي

تعالو نستكمل معا حوارنا حول التحذير من الوقوع ضحية للنصابين

ولكن لن احدثكم اليوم عن نصابين الاراضي
ولكن تعالو بنا لنضحك قليلا

قصة من الحياه نراها كثيرا

البواب واخد اجازة لان عنده فرح او ميتم المهم انه مش علي البوابة

الباب بيخبط تفتح تلاقي مندوب مبيعات يوني فورم بقي وبطاقة تعريف وشكل مهندم و بيعرض عليك منتج لمسحوق غسيل انت تعلم جيدا ان سعره مرتفع عن السعر اللي بيتعرض عليك
الوزن زائد والسعر متدني
دقائق تفكر وتنظر للعبوة وتنظر في الكارنيه الخاص به بتاع الشركة الشهيرة المنتجة للمسحوق

اه هيا نفس العلبة امال فيه ايه

تنادي للمدام فهي الخبيرة في مثل هذه المساحيق

تسأل المندوب علي استحياء

بس ليه السعر نازل كده يا ابني

يرد المندوب اصل يا فندم العبوات هتتغير قريبا ففيه عرض نازل علشان العبوات الجديدة هيا اللي هتنزل بعد كده

تتدخل المودام من خلف الباب ( بيقولك عرض والحق العرض قبل ما يخلص )




طيب حد اشتري في العمارة يا ابني
ايوه يا فندم اﻻدوار اللي تحت اغلبها بتشتري انا زمايلي معاهم تحت

تجد صوت طالع من خلف الباب (طيب هات عبوتين)

يمشي المندوب

يومين كده وتلاقي العبوه الكبيرة ملقاه امام الباب في باسكت القمامة

تدخل وتسأل المودام
هو انتي لحقتي تخلصي المسحوق بالسرعة دي
تقولك مسحوق ايه
تقولها اللي اشتريناه من المندوب
فتقول لك بنبرة مونكسرة الله يكرمك مش عاوزة اسمع السيرة دي تاني

فتسأل ليه بس هو فيه ايه

تقولك طلع مبيرغيش ههههههههههه

يعني تقليد يعني اتنصب عليك يا جميل تعيش وتاخد غيرها وابقي خلي المودام تنفعك

المشاركة الأصلية كتبت بواسطة نور القمر

هههههههههه ده اللي مبيرغيش نصاب عنده ضمير
واحدة قريبي لقت بدل المسحوق ترااااااااااااب
وانا صغيرة شوفت واحدة قريبتي اشترت شامبو طلع مغشوش من ساعتها محاولتش اجرب حظي وعندي مبدأ اشتري اي حاجة اغلى شوية بس مكان مضمون

شكل قريبة حضرتك اللي لقت تراب بدل المسحوق ساكنه في منطقة تانيه بعيدة عن ابطال قصتنا اصل المناديب دول انواع ههههههههههه

وبالفعل حضرتك عندك حق يجب الشراء من مكان مضمون حتي المسحوق بتاع الغسيل