الموضوع: موضوع علي الهامش للتحذير من مافيا الاراضي

اللي هيشوف اخر كلام في القرار بتاع المحافظ هيفهم مقصدي

أرض بلدى - إزالة 600 حالة تعدٍ على الأراضي الزراعية والمملوكة للدولة بقنا

هو اصدر قراره بأزالة كافة التعديات علي ( الارض الزراعية ) اللي هيا مملوكة لنا كشعب يعني ازرعها احرقها اولع فيها براحتي

لا مش براحتي لان هناك قانون يعاقبني اذا انا ( بورت الارض الزراعية )

طيب ما الناس كلها و كل قري مصر مليانه بناء علي الارض الزراعية لماذا لم يتم هدمه ( هيا كده حظوظ ومقامرة ) وفيه ناس كمان بتدفع وحظها العثر هههههههههه بيوقعها في شر اعماله اما لتغيير محافظ او تغيير رئيس مدينه او تغيير حكمدار او رئيس وحده محلية و اللي بيجيي بيبقي عاوز يعمل شنه ورنه

و كمان القرار بيقول وازالة التعديات علي اراضي الدولة ( طيب امال فين بقي قانون وضع اليد ) وليه لا يمكن اللي اغتصب ارض الدولة الان كما مكن اللي اغتصبها من 15 سنه ومحدش قرب له و الا لو ان كل ازالة تمت في وقتها للتعدي علي اراضي الدولة فما الحاجة اذا لوضع قانون ينظم هذه العملية و العكس لو ان كل ارض الدولة تركت لوضع اليد فما الحاجة اذا للازالة ما نسيب الناس تزرع وتبني زي ما هيا عاوزة و ادينا كمان عملنالهم قانون يحميهم ويجبر الدولة علي توصيل الخدمات و الموافق ليهم مع مرور الزمن


طبعا هذه هي بالضبط دولة العشوائيات يعني تعمل الغلط و انا ملحقتش اشيله اقوم اعملك قانون علشان احميك بيه

او الحق اشيلك بسرعة قبل ما تستقر و اسيب غيرك يستقر و اقنن له الوضع و تنتشر الرشوة و الواسطة و الفساد