بسم الله الرحمن الرحيم
تحيه طيبه لكل ملاك الوحش اليابانى
((( كورولا 2014 )))
سنقوم بتقييم موضوع الصيانه من حيث بعض النقاط الهامه:
1 - العزل
يعتبر من المميزات الجميله وهى العزل فى السياره من صوت الماتور داخل الصالون و صوت الضوضاء فى الشارع .. واعتقد ان العزل تهتم بيه الشركات بصفه ذكيه لمنع الضوضاء بطريقة كبيره وممنهجه لدخول اصوات التنبيه مثل صوت الاسعاف او النجده او صوت تنبيه السيارات الاخرى فيما عدا ذلك العزل ممتاز التقيييم 8.5 - 9 من 10
2 - اداء المحرك او الموتور
طبعا الموتور مجرب قبل كدة وهو نفس موتور الموديل السابق VVT-I الذي تبلغ قوته 122 حصان و عزم 154 نيوتن ... صوت الموتور ناعم وسلس وسيصبح انعم من ذلك خصوصا بعد تغيير زيت الفابريكه الى بيتم تغييره على 5000 كلم
صوت الموتور فى اول ادائه بيبقى عالى شوية ولكن بعد ما يسخن ودورة الزيت تكتمل وتحتوى كل اجزاء الموتور وال rpm ينزل لواحد او اقل يبقى الصوت انعم ودى النصيحة ان العربية تسخن الاول لحد ما الزيت ياخد دورته كاملا او يهبط موشر rpm حفاظا على عمر الموتور
الموتور نفسه مع ناقل الحركه من نوع CVT تحس الموتور نشيط معاك فى اى حركه مش كسلان وبيستجيب معاك طوال الوقت ولكن قبل الالف كيلو نتمنى عدم الحرق على الغيار لاطاله عمر الموتور
3 - ناقل الحركه CVT
تحدثنا عنه كثيرا فى موضوع لاحق وعرفنا المقارنه بينه وبين الاوتوماتيك العادى خصوصا بعد اضافه CVT-I وفيها بيقل الاحساس بتاثير Rubber band effect
ولا يضيع من عزم الموتور او اهدار قوته
ودى صورة داخليه من ناقل الحركه فى كورولا 2014
Continuously variable transmission improvements
or
Continuously variable transmission intelligent
4 - الثبات
يعد الثبات فى كورولا 2014 من اهم ما يميز هذا الموديل عن الموديلات السابقة فى الكورولا وذلك لمراعاه اشياء كثيرة فى موديلات هذا العام ومنها
- شكل السياره الانسيابى وتخلخل الهواء على جانيى السياره دون المواجهه المباشره مما يسمح بتقليل مقاومه الهواء
- اضافة خاصية الثبات الالكترونى VSC (( دى تتقال بفلوس لوحدها ))
- اتساع المسافه بين قاعده العجلات مما يسمح بتوزيع القوى والحمل على محاور السياره حتى لا يخل بتوازنها عند اى نقطة اثناء القيادة .
5 - العفشة
تميزت العفشة بنعومتها ولكن بدرجة اقل عن الموديلات السابقه
لان العفشة تتميز ما بين المرونه والرياضيه
- تعتمد العفشة بنسبة كبيره على ضغط الهواء فى الكاوتش وينصح بضغط الهواء على 32 حتى تجعل مرونه ونعومه فى العفشة
- العفشة الاماميه نظام تعليق ماكفرسون
Macpherson strut design for the front with a new, more rigid control-arm design
- العفشة الخلفيه نظان التعليق تورشيم بيم
Torsion beam
6 - الاوتو بارك
- من الخواص الجميلة المتواجدة فى السياره ودة يدل ان السياره بتنزل زى ما هى نازله بره بكل كمالياتها مش بيتشال منها حاجة زى توكيلات اخرى
- استخدام الخاصية ممكن يكون مش كتير فى مصرنا المحروسه ولكن ان سنحت الفرصة فاكيد هتستخدمه وانا افتكر ان اول لما جبت السياره كتير من زمايلى حبوا جدا الخاصية دى وحبيت اشغلها لما تانى الفرصة لذلك
7 - استهلاك البنزين
طبعا مقدرش احكم عن الاستهلاك الفعلى للبنزين لان دايما معظم السواقة بتبقى فى زحمه وممكن تكون العربيات دايره وهى واقفة
بس معدله على العداد 9.5 لكل 100 كم
وطبعا الاستهلاك بيختلف اولا لو ماشى طوالى مش فى زحمه وثانيا بعد تغيير زيت الفابريكه بيتحسن استهلاك البنزين واداء المحرك بصفة عامه
8 - الخلوص الارضى وانخفاض السياره
مفيش حد ينكر ان السياره منخفضة ودى وضحته فى اول تقرير ليا فى شهر 9 اول لما حجزت السياره العام السابق ودة مدى ثبات غير عادى للسياره فى الطرق والمنحيات ولكن على قد الثبات السحرى دة طبعا العربية بتحك فى المطبات لو محمله او فى مطب رخم شويتين والصوت بيقى مزعج ومقلق جدا لسماع صوت الحكه . ودة كان اكبر عيب متاخد على الكورولا الجديده ولكن الدفعات الجديدة الف مليون مبروك استلامهم العربيه متعدله من المصنع نفسه .
- بالنسبة للدفعات الى استلمت التعديل هيتم ان شاء الله فى شهر 5 القادم ومن مصادر من داخل التوكيل ان قطع الغيار متواجدة فى المخازن ولكن لن يتم التعديل الا فى موجود مشرفين مهندسين من اليابان ودة الى عطل الدنيا كلها حتى لا يتم تنفيذ التعديل هباء وحدوث مشاكل فيما بعد .. لذلك نحن فى الانتظار

9 - انوار السياره والاضاءه
اضاءة السياره مرضيه الى حد كبير ولكن كان هناك ماخذ بسيطه وهى :
- اضاءه فانوس الفوج كان ضعيف اى حد ما 19 وات
- اضاءة فانوس الفوج الخلفى كان واحد بس ناحيه السائق
ولكن تم التعديل باللمبات المدهشة من osram
وهى Night breaker unlimited بالنسبة للنور الواطى والعالى والفوج الامامى والنتائج مرضية بنسبة كبيره جدا جدا
وفى اثناء عمل الصيانه فى فرع التجمع الخامس سعدت بلقاء الاستاذ وائل والدكتور احمد خليفه وعلشان قدره المصريين عمل تبديل للانوار الفوج لايت للدكتور احمد خليفه امام التوكيل نفسه (( قدره واقتدار بقى )) ودى الصور
يعنى لو كان حد من التوكيل شاف المنظر دة كان هيبقى ضحك السنين .. دة احنا وقفنا وكان هنفتح كشك كدة بره اى حد عايز تعديل فانويس شبورررررره
10 - االتوكيل والتقيييم
اخر حاجة عايز اتكلم فيها هو التوكيل والصيانه واية الى تم .. طبعا صيانه الالف كيلو بتبقى مجانيه ويتم فيها الاتى :
+ الكشف على السياره بالكومبيوتر
+ تشييك عام على انوار والاضاءة
+ تشيك على العفشة وتربيطها
+ تشيك على هواء الاطارات
+ غسيل السياره
+ تشيك على مفصلات الابواب والشنطه
+ عمل ملف للسياره واخد كود للضمان
التقييييم : التجمع الخامس
+ نظافه
+ زحمه الى حد ما ولكن اقل من العباسيه
+ الالتزام بالمواعيد مش قد كدة يعنى فرق نص ساعه بس يله
+ غسيل السياره مش قد كدة شوية ميه بيترموا وخلاص
+ الورشة نظيفة جدا ومرتبه بدرجة كبيره ودى الصورة للتوضيح
دى صورة بتوضح شكل الورشه وشكل انتظام السيارات بها
دى صورة بتوضح سياراتى والقدره على مشاهدتها من نافذه زجاجيه ومتابعة ما يتم بها من صيانه
فى نهاية الموضوع اتمنى اكون وفقت فى تجميع خيوط الموضوع
للافاده واى استفسار انا تحت امرك