..:: تقرير عن صيانه الالف لتويوتا كورولا 2014 ::..

**abofandy** · 21-03-2014 11:19 AM

[quote]تقرير جيد جدا وبيوضح نقاط كثير[/quote]

اشكرك زميلنا العزيز على الرد والتواجد والمتابعة الجيدة
واتمنى يكون وضح لحضرتك كل النقاط الى كنت عايز تستفسر عنها

**abofandy** · 21-03-2014 11:25 AM

مبروك الصيانه بس هو انت يادكتور لسه عامل الف كيلو بس طول المده دى؟!!

الله يبارك فيك يا حبيبى
طول المدة دى معاك حق بس انا مريت بظروف مرضية ليا وكمان حصلت حاله وفاه (( ربنا يرحم موتنا جميعا ))
دى نقطة
النقطة التانية انت عارف شغل الدكاتره دايما مسحولين من المستشفى للعيادة ومفيش وقت الا باليل او الصبح بدرى
النقطة التالته انت عارف انى من المنصورة بالتحديد السنبلاوين ( بلد ام كلثوم ) وانت عارف الاقاليم والمطبات وخصوصا ان العربية انا استلمتها من الدفعة الغير متعدله وبتحك معايا فى بعض المطبات والله وانا لوحدى فى العربية فبتخليك مخنوق اى نعم العربية مصفحة من تحت بس الصوت بيخليك تتجنن وانت راكب فمستنى التعديل ان شاء الله واوعدك بس التعديل يتعمل وانا ههريها جرى هههههههه

**abofandy** · 21-03-2014 11:29 AM

الله ينور يا دكتور.....هو ده......
أنت اللي عودتنا علي كده.....صباح الجمال

وعليك يا حبى
والله انا عملت الموضوع مخصوص علشانك لما طلبت منى فى التوبك السابق
وانا مكنتش ناوى اعمله لان الكلام يتعتبر كتير منه اتقال قبل كدة بس حاولت على اقد ماقدر اكسر الروتين واجدد سواء فى المعلومات او فى طريقة العرض

النقطة التانية : معلش ان بعمل التقارير فى الفجر زى ما انت قولتيلى قبل كدة بس اعمل اية الوقت الى بفضى فية واكون مركز علشان اعمل حاجة كويس تفيد كل الناس

النقطة التالته : صباح الفل والجمال يا صديقى

**abofandy** · 21-03-2014 11:56 AM

الف مبروك و عقبال صيانة المليون
انشاءالله هتتمتع مع العربيه و الكورولا طول عمرها اصيله و تسناهل كل قرش يتدفع فيها و زياده و السقطه الوحيده كانت لما نزلوا ال mmt بس الميزه انهم لموا الدور بدري بدري
سنة ٩٨ اللانسر نزلت الكريستاله و كانت واسعه و شكلها احلى من المرسيدس و موتور اقوى و الكرولا نزلت بالعيون سنتها المهم اني فضلت اللانسر عليها و اختي صممت تجيب الكرولا و مرضيتش تسمع كلامي
بعد سنتين خدت عربية اختي الكرولا في مشوار و فعلا عرفت قيمتها لما لقيتها لسه بحالتها و اللانسر بقت عامله زي تاكسي الارياف مقارنة بيها من حالة الصاج و العفشه
المهم قمت بايع اللانسر و جبت الكرولا مانيوال في٢٠٠٢ و غيرتها برضه في ٢٠٠٦ بكرولا اوتو و لسه معانا و ادتها للمدام و كل ما بركبها بعرف قيمتها

الله يبارك فيك يااستاذى
فعلا الكورولا بتثبت نفسها وبجد مستمع من تجربة حضرتك الى حكيتها
وفعلا معاك حق فى كل كلمة تعال شوف فى السوق المصرى دلوقتى واحنا فى سنه 2014
تعال نشوف الانسر كرستاله سعرها كام دلوقتى وهى فى احسن حالتها ......
وتعال برضة نشوف تويوتا نفس الموديل عيون دلوقتى وهى فى احسن حالتها ...

اكيد هتلاقى توويوتا ماسكه سعره عنها
اعتمادية .. واعادة بيع .. ونعومه عفشة وهاندلينج .. وقطع الغيار متوفره

**Mohamed.Hany** · 21-03-2014 01:07 PM

ايه يابني الجمال ده !
انا حسيت اني انا اللي بعمل الصيانة في التوكيل مش انت.
كم انت عظيمة يا كوروﻻ مع ابو فندي مش هتقدر تغمض عينيك

**abofandy** · 21-03-2014 01:15 PM

حبيبى يا ابو هانى
ما انا ليا للفضل ف اليوم دة انى صحيتك علشان اروح الشغل بدل ما تروح عليك نومة ههههه
كان ناقص تبقى معانا ياريس .. كان يوم جميل
والكورولا طول عمرها عظيمة ياريس

**hugan** · 21-03-2014 01:16 PM

المشاركة الأصلية كتبت بواسطة abofandy

الله يخليك يارب
فعلا الاوتو بارك العربية بتركن لوحدها واشرحولك ببساطه
هو حضرتك بتغط على زرار الاوتو بارك فى التابلو
العربية بواسطه حساسات الركن الى موجودة فى الاكصدام الامامى والخلفى بتبحث على اقرب ركنه قريبه بس تبقى ماشى بسرعة براحه واحدة واحدة
وبعد لما تلاقى ركنه هتقولك فية ركنه يمين او شمال لو فية الاتنين انت بتحدد بواسطة الاشاره لو جبت الاشارة يمين يبقى انت بتقولها اركنى يمين
والركن طبعا بيكون موازى للرصيف فقط مفيش ركن عمودى
بعد كدة هى هتقولك هات r حضرتك هتسمع الكلام وتجيب الفتيس على r ووتسيب الدركسيون خالص ملكش دعوة بيه كل الى هتعمل هتسيب سنه فرامل لما توصل لنقطة هتقولك هات d وتسيب سنه فرامل كدة لحد ما تلاقيها ركنه لوحدها .. انا عارف ان الكلام كتير بس اية رايك لو شوفت الفيديو الجميل دة هيوضح اكتر

YouTube

1000 شكر علي الفيديو والتوضيح

**abofandy** · 21-03-2014 01:23 PM

الشكر لله يا حبيبى ... ويارب الفيديو يكون وضحلك كل حاجة ولو غية اى استفسار انا تحت امرك

**bassem.naguib** · 21-03-2014 02:15 PM

المشاركة الأصلية كتبت بواسطة abofandy

وانا مكنتش ناوى اعمله لان الكلام يتعتبر كتير منه اتقال قبل كدة بس حاولت على اقد ماقدر اكسر الروتين واجدد سواء فى المعلومات او فى طريقة العرض

طول عمرك مميز يا باشا ودي مش مجاملة .. دي حقيقة وفي نفس الوقت تملق ههههههه .

الموضوع: ..:: تقرير عن صيانه الالف لتويوتا كورولا 2014 ::..

LinkBack

أدوات الموضوع

عرض

-

-

-

المواضيع المتشابهه

..:: التقرير الشامل النهائى لتويوتا كورولا 2014 ::..

..:: خبر هام : تعديل الانخفاض الارضى لتويوتا كورولا 2014 ::..

أسعار و مواصفات لتويوتا كورولا 2014 في دول الخليج

تركيب زينون لتويوتا كورولا 2014

اول تقرير بالصور لتويوتا كورولا 2014 الجديدة في مصر

الكلمات الدلالية لهذا الموضوع

المفضلات

المفضلات

ضوابط المشاركة