مفيش مية في العربية خالص

**nooor_1500** · 21-03-2014 01:27 PM

احبائي ..
سافرت امبارح مشوار طويل بعربيتي ( اوبل فيكترا 99 ) وكان عندي عداد الحرارة مش مظبوط ..
المهم .. لما وصلت البيت .. سبت العربية تبرد شوية وحبيت اشوف مستوى المية في العربية .. لقيته عادي المية مش ناقصة ..
والصبح لما جيت اركب العربية ( الحمد لله بجد ) مش عارف ليه قلت اشوف مستوى المية تاني .. لقيت مفيش ولا نقطة مية في العربية .. فضلت املي القربة حوالي ستة لتر لحد ما القربة اتملت ..
وبعدين مشيت حوالي عشرين كيلو وبطلت العربية وجيت ادورها تاني مش راضية تدور خالص ..
عاوز اعرف حصل ايه ؟؟ ليه المية اتبخرت من العربية ؟؟!! وليه مش راضية تدور تاني ؟؟!!!!

**بيشوى_رمزى** · 21-03-2014 01:30 PM

لما حضرتك بطلت بعد المشوار كان فى ميه ولا لا؟

**haisam ali** · 21-03-2014 01:34 PM

لا كده اكيد عندك كاوتشه مقطوعه والمياه بتنزل منها زورد تانى وانت واقف جنب العربيه ودورها وخليك مستنى تشوف التسريب جاى منين ..... هذا وبالله التوفيق

**فادى محمد** · 21-03-2014 02:24 PM

دره التبريد عندك بتاخد 7 لتر
عندك تسريب بيزيد مع حراره الموتور
لازم تكتشفه وتعالجه
ربنا يستر ومايكونش وش السلندر اتاثر ..

**MOHAMEDEBAID75** · 22-03-2014 05:30 PM

ممكن تشترى من اى صيدليه 2 ميكروكروم وتفضيهم فى قربة المية وبعدين زود المية واركنها فى مكان نظيف وممكن تفرش تحت المنطقة بتاعت الموتور ورق جرايد وتسيبها للصبح وبعدين شوف ايه الى حصل لو فى تشريب هتلاقى المكان الى بيسرب لونة زى الميكروكروم كده الى هتلاقية عايز يتربط ربطة والى هتلاقية مقطوع غيرة وربنا يستر على وش السلندر وماتنساش تطلع مقاس الزيت وتشوفة لو العربية خلطت ميه على الزيت ولا لا