الموضوع: العربيه بتسخن علي السلانسيه

متشكر ليك يا أستاذ محمود, انا فعلا كنت شاكك ان فو هوا جوا الماتور عشان الميه مش بتقلب علي السلانسيه, وهحاول اعملها بنفسي وباذن الله هارد عليكم بالتفاصيل وبالي حصل معايا.

متشكر لحضرتك بس انا شلته خالص لسبب
اني مش لاقي النوع الاصلي منه وبتاع عربيتي اصلا شكله غريب مش لاقيه خالص ولما لقيته كان نوع تجاري سعره خمسين جنيه وطبعا ده احتمال كبير انه يخرب بعد فتره قليلة ويقفش ويمنع دورة المياه تماما فانا قلت بلاها احسن لحد ما الاقي نوع ياباني نضيف وعامة الصيف داخل والزحمه مبترحمش والعربيه كده كده سخنه نار فالترموستات هيكون مفتوح اغلب الوقت فوجوده زي عدمه والحمد لله انا عشان شلته بقيت اسخن العربيه بتاع 10 دقايق قبل ما اتحرك عشان الماتور بيكون بارد بعدم وجود الترموستات واهي ماااااشيه.

بالنسبه لطرمبة المياه فاهشيك عليها بعد ما اتاكد ان الماتور مفهوش هوا وهارد عليكم باللي حصل معايا ان شاء الله

انا اخدت بنصيحة الاستاذ محمود ونفست الهوا اللي كان في الماتور يعني خليت العربيه تسخن ورحت ضاغط علي خرطوم الكوعه لحد ما طلعت كل الهواء ولاحظت انه كمية كبيره من خلال الفقاقيع اللي طلعت قدامي
ومشيت بالعربيه ووقفت سلانسيه كتير والحمد لله تمام. هابقي اجربها في مشوار لرمسيس او اي حته زحمه واقلكم ايه النتيجة بس مبدئيا الحرارة بقت كويسه والشكر لله ولاستاذ محمود.

المشاركة الأصلية كتبت بواسطة mahmoud mohamd

إن شاء الله متعلاش تانى بس برده اتاكد ان معندكش اى حاجه تدخل هوا تانى شيك على غطا الراديتبر الفيبر من فوق ومن تحت الخراطيم وهقبال لما تلاقى ترموستات الكوعه عشان فى الشتا العربيه هتاخد وقت طويل لحد ما تسخن واحنا اخوات ويا رب يقدرنا نفيد بعض

ان شاء الله وجزاك الله خيرا