GB will not accept any one any more if he does not have any money that could be a start for any business I.E to stay @ GB and get citizen you must be a business man :)
عرض للطباعة
GB will not accept any one any more if he does not have any money that could be a start for any business I.E to stay @ GB and get citizen you must be a business man :)
مش مهولة ولا حاجه..زى ما قلت حسب تقديرك..انا لى صديق كانت مصاريف جامعته صفر لانه كان من المتفوقين..بالعكس ده كان بياخد مكافاه شهرية كمان لانه بيساعد دكاترة الجامعه فى الابحاث بتاعتهم..
بتفضل مشكله مصاريف الاكل والسكن وكده ودى يا اما تضغط على نفسك شوية ويباه معاك فلوس طبعا يا اما تشتغل هناك بعد الضهر ودى صعبه طبعا لانها مش قانونية حيث انك تاشيره دراسة وكمان مجهود رهيب الدراسة مع الشغل
انا عايز اعمل موضوع ومش عارف حد ممكن يفدني
انا هحكيلك تجربة واحد صاحبى لسة مسافر امريكا شهر 12 اللى فات
هو من زمان وهو نفسه يسافر اى دولة برة مصر
خلص كلية التجارة بتقدير مقبول
بس كان فى المقابل كان بيحضر لل cma
ونجح فيها وخدها ويعنبر من اولئل الناس اللى خدوها
لف على شغل كتير هنا فى مصر لكن الموضوع ماكنش مجزى بالنسباله
قدم على فيزا دراسة فى امريكا
وعمل الانترفيو زى فيلم عسل اسود بالظبط لانه كان متصور فى السفارة فعلا
وخد فيزا هناك فى نيويورك لمدة 5 سنين
وعشان يكفى مصاريفه بيشتغل 12 ساعة فى اليوم !
لان الشغل هناك بالساعة
دا غير انه بيصرف على موضوع الدراسة مبلغ كبير جدا
عموما حاول تقدم من دلوقتى يمكن الموضوع يظبط
بس زى ما انتا شايف لازم تظبط مبلغ محترم
علشان تقدر تطلع
وربنا يوفقك ان شاء الله
USA is OK but do not think about GB it is not easy at all.
انجلترا صعبة جدااااا نتيجة انها قفلت الفيزا الخاصة من ابريل 2012 و لازم تكون بتعمل ابحاث دكتوراة عشان تقدم عادي و تاخد فيزا بسهولة حتى لو فلوسك قليلة
المنح برضه سكة كويسة - بس لازم تكون سوبر فى التقدير و الشهادات لأن كل جامعة بتقدم 10 او 20 منحة بيقدم فيها آلاف على مستوى العالم
لو معاك ألماني كويس جدا يمكن تقدم على شغل هناك و تلاقي فرص هناك
اللوتري الامريكي - انت و حظك و بعد ما تروح مفيش معالم واضحة ممكن تعمل ايه
و في كل الحالات لازم يكون معاك على الاقل 20 الف يورو عشان تاخد فيزا للعمل او الدراسة و مفيش سفارة ترفضك
كان في شركات بتعلن عن الهجرة زي استراليا مثلا - كانت معلنة من 2 اسبوع فى اهرام الجمعة - - بس لو فى حد ليه خبرة يا ريت يقولنا
و فى برضه اقتراحات التزويغ هناك بس لازم تعرف حد هناك يرشدك و لو اتمسكت (وارد جدا) حتتبهدل
استراليا فاتحة لمهن محددة و بخبرة ...... ما بياخدوش حديث تخرج ........ لو عايز تعرف مهنتك مفتوح لها و لا لأ خش على SkillSelect – SkillSelect و دور عالمهن المفتوح لها فيزا 189 و فيزا 190 .....
عشان اصلا تجيب ال 60 درجة و انت حديث تخرج شبه مستحيل ...... لانك هتاخد صفر في الخبرة + 15 للبكالوريوس + 25 درجة للسن (الا لو اتخرجت فوق ال 25 يبقوا 30) + لو كنت حريف انجليزي هتجيب في الامتحان 7 = 10 درجات يبقى المجموع 50
ممكن لو جبت 8 تاخد 10 درجات زيادة بس 8 دي شبه مستحيلة بالذات لانهم ما بياخدوش السكور العام بتاع امتحان الايلتس ..... بياخدوا اقل سكور في الاربع اقسام بتوع الامتحان فانت ممكن تبقى جايب 8.5 في العام بس فيه بند مسقط فيه و جايب 7.5 مثلا ......
و اي شركة تعمل اعلان عن الهجرة لاستراليا و ماتلاقيهاش متسجلة هنا www.mara.gov.au اعرف انهم نصابين وش
كلام صحيح 100 المية المية .... و بعدين عايز تهاجر لية يا ميدو ... دى بلدنا جمييييـــــلــة :)
عايز اقولك انى كنت عايش برة و رجعت عشان العيلة كلها هنا .. ولد وحيد بقى و كدة .. فا فكر كويس لأن احنا كشعب ثقافتة محدودة و متفصلة على الإتحاد كا عيلة ... لكن لو هتاخدهم معاك يبقى تبيعوا كل حاجة و تسيبوا البلد و تنسوا تمامآ الهوية دى لمدة لا تقل عن 4 سنين عشان تاخدوا على الحياة برة .. و بردة مش هاضحك عليك و اقولك ان برة دلع و مافيش تعب .. بالعكس برة هاتتعب اكتر عشان تتقبل الثقافة الغريبة إلي انت داخل عليها.. و العمل برضة بيحتاجوا خبرات عشان يقبلوك .. لأنهم اكيد مش عايزين حد يتعلم فيهم... إلي مختلف برة انك بتعيش زى البنى ادمين و بتضحك و الهموم مابتبقاش كتير و الدنيا بتبقى نضيفة على عكس اى شبر فى بلدنا الحبيبة :).
و مش عايز اقفلك او اقفلها فى وشك .. بس مافيش سفارة بتدى فيزا لحد لسة متخرج او مابيشتغلش شغلانة كويسة و مرتبة كويس .. لأن الهجرة غير الشرعية و الهروب من البلد بقوا عاليين لدرجة ماحدش يتوقعها. و من سنتين واحد صاحبى راح يسافر اوكرانيا سياحة .. قالولوا قفلنا الفيزا السنة دى عشان سفرنا كتير و لسة فى ناس مارجعتش :]
لو عايز معلومات اكتر لأنى بحثت كتير فالموضوع دة ممكن نتكلم.
ربنا يرحمنا من البلاوى إلي فالبلد و يصبرنا