السلام عليكم
يا شباب
حد عندو فكره عن شروط الهجره ل النمسا ويا ريت لو موقع الواحد يفهم منه تفاصيل اكتر
عرض للطباعة
السلام عليكم
يا شباب
حد عندو فكره عن شروط الهجره ل النمسا ويا ريت لو موقع الواحد يفهم منه تفاصيل اكتر
الهجره لانجلترا صعبه و تكاد تكون مستحيله في الوقت ده
ماسمعتش اصلا انهم فاتحين هجره
غير ممكن عن طريق التجنس بالزواج او اقامه فتره هناك
انا برضوا عايز اهاجر بس الموضوع صعب شويه و محتاج فلوس
ولا تيجي لا ماتجيش و الفلوس بتروح عليك
في دول اسهل من حيث الاقامه بحاول اعرف تفاصيل عنها اكثر و مش مقفلين ذي الدول الكبيره ذي ايرلندا اللي حاليا عارفها بس مش عارف معلومات كامله
لو معاك فلوس كويسه ممكن تشتري بيت او تفتح مشروع هناك و الدوله بتدخل معاك بنسبه لحد وقت معين و بتاخد اقامه و شراء بيت مكلف جامد علي ما افتكر علشان تاخد اقامه مفتوحه او بتتجدد مادام عندك بيت كان حوالي 500 الف يورو ده بالنسبه لايرلندا
لو بتفكر بجديه حوالي تدور علي الدول الصغيره اقتصاديا هتلاقيها اسهل من الدول الكبيره بفرق ملحوظ
الدول الفاتحه هجره اساسي و ناس كتير بتقدم فيها استراليا و كندا بس كندا لازم يكون معاك لغه فرنساوي و طبعا مش دايما بتتوافق علي الفيزا و سهل الفلوس تروح عليك
المهم تشوف ايه الشروط اللي عايزها و التخصصات اللي محتجاها الدوله
اسمع ان فيه مكاتب محامين للهجره و ناس سفرت بيها بس حاليا مش عارف مكتب معين
طيب ياريت حد يفمنا اكتر مثلا شاب خلص تعليمة وعاوز يسافر اية الى بيتم واية الطرق الى ممكن تسافر بيها ومثلا لو ليك حد عايش هناك او حد كان مسافر فى بلد دة بيساعدك فى اية وحوار عقد العمل دة اية وسهل ولا صعب جدا ولازم لما تروح تشتغل بالعقد دة وعلشان تسافر لازم كام اقل حاجة
من تجربه لصديق لي عايش و متجوز في انجلترا :
-الجو هناك زي الزفت
-العيشه هناك غاليه فحت
-عشان تعرف تشتغل هناك لازم يكون معاك خبره في مجال مش كل من هب و دب بيشتغل فيه و الا هتشتغل بارتيندر او اي شغلانه تعبانه بمرتب قليل
-الناس هناك مؤدبين و محترمين و لكن رخمين و دمهم مش خفيف و ده عن تجربه شخصيه ليا
- الحريم هناك بيعجزوا بسرعه و مش هيتجاوبوا معاك بسرعه و انت و نصيبك بقه
-الحياه هناك مش ماشيه رشاوي و محسوبيات يعني هتمشي بالقانون بالمللي
-السفاره بتطلب بنك ستيتمينت و لازم يكون في الحساب مبلغ و قدره و يفضل يكون بنك اجنبي
-اللكنه بتاعتهم مش مفهومه اوي بالنسبه لنا بس لو دارس اللكنه دي يبقي مفيش مشكله
-اجراءات الجواز هناك موال و سين و جيم
لو افتكرت حاجه تانيه هقولك و لو عندك استفسار معين انا تحت امرك
نصيحه شخصيه: فكر في الدول العيانه اللي زي روسيا و ارمينيا و جورجيا و بيلاروسيا بس لازم تتعلم لغتهم و انا تحت امرك في اي سؤال عن الدول دي لاني عمال ادرس السفر ليهم بقالي سنه
تحياتي
ياريت لو تسأل صاحبك سافر ازاي هناك و الاهم جاب تصريح العمل منين
و تخيره لو يرجع هنا ؟
اعتقد ان المعيشة مش غالية لو قارنتها ب هنا
الدخل هناك بالساعة و منظم من الحكومة فتعيش كويس جدا بالفلوس اللى بتاخدها و تاخد خدمات محترمة حتى على ضريبة الطريق العام اللى بتدفعها - تقريبا 200 او 300 استرليني فى السنة
يعنى مثلا ليلة فى فندق هيلتون ب 100 استرليني من كام سنة بس الدخل اقل حاجة الف او الف و نص يبقى المعيشة كويسة
الاكل -15-10 استرليني وجبة زي ماك و الحاجت السريعة ماتقولش بقى دي هنا ب 20 ولا 30 يبقى هنا ارخص شوف متوسط الدخل كام
متقيس المعيشة بهنا
لحد دلوقتى 713 مشاهده
هههههههه
دا انت لمست وتر حساس وحلم عند ناس كتير
زمان فكررت انى اهاجر هولندا مع اصحابنا
بس الفلوس قضت على الفكره
ربنا يوفقك للصالح
اقول لك على حاجه مختلفه
هاجر عكسي
افريقيا
او امريكا اللاتينيه
و كمان كفاءه في شغلهم و محترمين جدا
صديقي ده دكتور و سافر عشان ياخد دكتوراه من هناك و اللهم لا حسد عنده فلوس و اراضي بسم الله ما شاء الله
امريكا اللاتينيه اختيار جيد بس برضه الجو حاااااااااااااااااااااااا ااااار فحت و الارض مرتفعه بزياده عن سطح البحر زي الاكوادور مثلا ده غير انهم مش لاقيين ياكلوا و كمان حريمهم شبه حريمنا شويه :d
ربنا معاك