الموضوع: مشكلة سحب السيارة

اولا : ألف مبروك على استلام السيارة


ثانيا:

الاسبيرانزا ال A516 مش عربية خفيفة، بمعني إن حضرتك هاتلاحظ إن التسارع بتاعها مش بمعدل عالي، انا شخصيا شايفة مقبول(بالنسبة لي على الأقل) و لا تتوقع إنها تكون بتسارع زي عربية أخف منها في الوزن و بالذات في السرعات المنخفضة (تحت ال 60 كم مثلا و على RPM أقل من 3000)، لكن حضرتك مثلا على المطالع، أو على السرعات العالية هاتلاحظ إن العربية مش بتبذل مجهود فيهم خالص ، يعني أي مطلع أيا كان حدته العربية بتطلعة بسلاسة و في الجري على السرعات العالية (120 فما فوق) العربية بتجمع بسرعة .

و موضوع الوزن ده يعتبر ميزة و عيب في العربية ، لأن وزنها مش مخلي سحبها عالي و لكن في نفس الوقت مديها ثبات عالي جدا على السرعات العالية (انا مشيت بيها على 150 إلى 160 كم في الساعة لمسافة كبيرة و أخدت بيها مطبات هوىا كتيير و العربية الحمد لله كانت راكزة جدا على الطريق)

الأسبرانزا بتجيب من صفر الى 100 فى 16 ثانيه ..... و ده يعنى انها عمرها ما هاتديك سحب ولا سرعه زى حتى عربيه 1300 cc
و ال 16 ثانيه دى انا جايبها من الموقع الخاص بشيرى علشان ماحدش يشكك فى الكلام ده .

فعلا الاسبيرانزا يتجيب من 0 إلى 100 في حوالي 16 ثانية

و ده فعلا مش هايخليها تديك سحب عالي، بس بالنسبة للسرعة فديه انا مختلف معاك فيها يا استاذ شريف ، العربية بتجيب سرعات عالية و بسهولة جدا بعد ما تعدي ال 80 كم/س

تويوتا جنبها طلقة لانها خفيفة موت جسم العربية قايم على ورق زي الهونداي

ياريت يكون كلامنا واقعي شويه
يعني لما حضرتك تقول ان التويوتا وهيونداي جسمهم قايم على ورق
يبقى الأسبرنزا مالهاش جسم أصلا يتقام عليه العربيه

هي التقدم او الاحسن يبقى حديد لو هي كده يبقى انصحك تشتري جرار زراعي بمقطورة يبقى ميه ميه وحديد صلب وقوايم ميه ميه .

يا راجل يعني لما العربيات اللي انت قولت عليها يبقى عالطول بتدخل وتاخذ نجوم عاليه في التصادم الاوروبي والأمريكي وانت تيجي تقولي ا العربيات قائمة على ورق .........

انا مش عارف تقييم العربيات بيأتي ازاي بصراحه