محتاج رأيكم في ماتريا 2008

**eissa88** · 24-03-2014 11:45 PM

السلام عليكم ورحمة الله وبركاته
أولاً لازم أشكر الناس في المنتدى هنا لأن بجد الواحد مكانش يعرف حاجة عن السيارات قبل ما يدخل هنا وبجد شكراً لكل واحد أضاف معلومة ويارب يجعل كل ده في ميزان حسنات الجميع
معروض عليا عربية ماتريا 2008 كاملة اوتوماتيك ماشية 75000 فابريكة جوة و كان فيها خبطة برة من فوق الفانوس الخلفي يمين واتردت على البارد غير كدة رشة نضافة
الغريب واللي قالقني ان العتب من الناحيتين متبرشم بمسامير وانا مش عارف اللي عامل كدة عامله ليه؟
انا جربت العربية وهي ما شاء الله من أحسن العربيات اللي ركبتها، صالون واسع جداً، سحب ناعم وسريع وعزل رهيب للصوت واستغربت جداً من الموتور بتاعها انه بالقوة دي، والفتيس ميتقالش عليه كلمة أصلاً
السيارة معروضة ب 67 الف وكنت عايز رأيكم في السعر ده، وهل موضوع المسامير اللي في العتب ده عشان يخفي عيب في الشاسيه ولا ده عادي

مرة تانية شكراً لكل الناس المحترمة اللي في المنتدى ده

**insurancebroke** · 25-03-2014 01:51 AM

خلي حد بيفهم يشوفهالك
ووديها التوكيل اكشف عليها وريح نفسك
عشان تدفع فلوس وانت مستريح نفسيا

**eissa88** · 25-03-2014 01:56 AM

شكراً على ردك :)

**smsm199** · 25-03-2014 12:08 PM

لو كشفت عليها و طلعت تمام يبقي السعر كويس جدااااا ده السريون بالسعر ده و اكتر كمان

**mohamed_rhem** · 25-03-2014 12:59 PM

العتب في الغالب علشان موطي العربية فبيتفك

ارفعها وبص عليها من تحت

السعر فرصه توكل علي الله

**bmya** · 28-03-2014 01:38 AM

اولا العربيه دي لا غبار عليها بس للاسف مش واخده حظها وفعلا السيريون ماسكه سعر عنها لدرجه اني فكرت لو بيعت السيريون اجبها لكن قطع غيارها رخمه اوي وغاليه هي مع صديق من الزيرو وبيعاني معاها لكن لو هتصلح توكيل يبقى مفيش مشكله بالنسبه للعتب فمغظم العربيات بتبقى العتبه متثبته بكليبسات وطبعا مع ازوقت او لو حكه في العتب الكليبسات بتفك يقوم الصنايعي المصري الفكيك يديها مسامير شك من الجنب وشكبها طبعا بيكون زباله حلها انك تروش ابعتب وتمعجن المسامير او تجيب قلم بويه بنفس اللون وتلون المسامير او شيل المسامير دي خالص وابزق العتب بسيلكون شفاف وده انضف حل مش هيبان ومتين جدا وفي نفس الوقت بياخد ويدي يعني العتب اتحك هيفك عادي زي الكيبسات مش هيكسر العتب زي المسامير